INRĀMÖRE 2:6 - TÖHET LĪPÖRE (Re-edited) Bible (BSI)

⁶ Tiṙōlngö öp sanrā ò an nö ngaich sā tinṙōlngö panô-òṅ, nö tiṙöliyö ip chūök öp töhakāmi tökiröng nyinā-aṅ; kētö öp manāngen an ngam Mā Tēv nö i Sīyôn öp töhakāmi tökröng nyinā-aṅ anôilö inrē, ngaich i tökiröng tanānyöre anga-aṅ nö röönngö rācha kūönṙô inrē.

INRĀMÖRE 2:6 Referans Kwoze

SEFAINIĀ 3:18

Hamūlö cha chin min yip töhaṙīvölōn tö ngam manūlö tö-ūnngen nö kē-ĕyö nö ṙā-ang in cha tö chu: yip kameun lumngan ngam sinṙōngkūö.

INRĀMÖRE 1:4

Haṙivlōn nun në talöökö tö kū-ötö Sīyôn, pòn öt hĕng ak yamih nö i nup töhakāmi tökirög nyinā-aṅ; ṙòkhöre në inkūp ò nö öt aṅhaṅvkūö alūhure yip kūönṙô ò; tūökiyö yik aṅ in ò rēlö, ngaich anga-aṅ inrē nö kiröngen kanihngen.

INRĀMÖRE 4:16

Kahang tīre an ngam Mā Tēv nö pirātngen cha, hö-ö an min nö ngöhören chumkūöṙen tö cha; Öt hameuktu ineū-eu yip kūönṙô, öthanāngenvö in yip mā.

MALAKI 2:9

Lökten chin chū-ö inrē vīten yīö töng rö-övṙen töng yô-òv inrē I kūö tarik nö ṙòkhöre, sā yīö ngaich ötköp i minë talöökö chu, atöltuṙen pöri yī-ö tö tarik im chöngö.

ISIKĪ-ĔL 17:18

Pò ò nö ha-āichngen ngam chūök ṙô litòkngö ngam kinlēḵngô inre, pò ò nö kētö këlre ngaich söntenre nö la-evṙen tö në, öthō ap min nö öt kô-òngvah.

INRĀMÖRE 5:12

Hatūöilöng kël yip kūön rācha; öt inṙētu yip mā.

INRĀMÖRE 4:20

Nup unhômö elmeh hī, ngam töhachāmö kui tö ngam Mā Tēv, nö kētu nö el anūlö cha, anga-aṅ ngam ṙô hī ṙung, Iyöng elkatòh sanëôk ò in min in yip pumnāmö tarik.

Isayā 64:11

Haṙāpi tö tameūyö nup töhet tövai patī ih, i chūök yik muvöhngö ih nö ha-öinyö meh; ṙòkhöre nuk tölöök chehen ih nö piyāyi.

Isayā 63:18

Höng rahëchtaṙen yin vē töhet tarik meh nö amīnu tö ngam töhet chūök meh, ngaich yip tökunyaha-elmat tö ih nö rööntö kui e.

Isayā 43:28

Lökten chin hachōichngö yip mā ngam chūök töhet, ngaich chū-ö min kēten Yāköp, nö im öt inkôlò, Israĕl inrē im ötlinëkö elnang.

Isayā 5:5

Yĕh ngaich kuṙòh; töich ve-enynang meh töp tī chu min tö ngam panô-òṅ vāin chu: hòṅ ṙòngngö ngam kinlōngö e chin min, ngaich nya-aṅyö min angū-ö; likölngö ngam kinlonglö e chin min ngaich angū-ö min nö rööntu kui:

Isayā 1:13

Uh yin kumtö töng töl tökētu; sā-òkkūö chin ngaich tö lōpān, tö ayöö chingëṅt töhet sakāmö inrē, tö ngam invëtö manūlö ötkô chin īnu tö tötlöök töp tö-ūnngen inrē inmūlö.

Isayā 1:8

Ngaich an ngam kikānö kūön Sīyôn nö ṙā-ayö nöng sā sanrā el panô-òṅ vāin sā elyöngö el panô-òṅ kiukömpör/pantīaka sā elpanam tökayīngö nö havīlöng.

Salmai 89:40

Ngaich Man tiṙōlngö ngam kinlonglö ò: tiṙōli nun minë tö ngëḵ chūök Ò tö tī Meh.

Salmai 80:12

Kūöyòh öm tīṙōlngö minë kinlonglö Ò: ngaich acha-a yip lamök umuh, nö teuklen Ò?

Salmai 76:2

I Sēlem öp inrē inrūkui Ò: i Siyôn inrē ap elyöngö Ò.

YERIMIĀ 17:27

Yē yīö pöri öt hang ṙô chu, öi haköp ngam anôilö sakāmö nö töhet ui keun kūmö inrē öt kuhēthötre lökhöt minë inkūp Yērusalem hē el anôilö nup inkūp e, ngaich angū-ö min nö ṙāpngö kūö tö nup patī rācha i Yērusalem, ngaich hö-ö min nö hanyāngikūö.

YERIMIĀ 50:28

Hangihtöre! Falngöre yin öt kô-òngvah inrē nö ṙā-ang ing panam Pēpilön, nö ve-eny in Sīyôn tö ngam invāhalvah aṅ im Mā Tēv ngam Tēv hī, invāhalvah ngam töhet chūök ò.

LA-EN LĒVĪ 26:31

Ngaich min Chū-ö vītö nup el panam yīö nö öt aṅhaṅvkūö, vītö nup töhet chūök yīö inrē nö öt aṅhaṅvkūö, ngaich Chū-ö min inrē öt tongkö nup tinhūsö yīö.

Salmai 74:7

Föngtukūö an ngam töhet chūök Meh tö cha; hachōchiyö an ngam elyöngö ngam minë-eny Meh tö cha: haṙongtu kui nö el tumlat.

Isayā 5:6

Piyāingö e chin min; ngaich angū-ö min nö öt kamöpka rōi aṅ öt rēhĕn nö fūngö tumlat; sīöplö pöri min nö umuh vòk nūötö töchökhu kūö inrē: ngaich tölṙô minë taṙul chū-ö min nö kumṙah nö i kui e.

YERIMIĀ 42:18

Pòn ngö ṙô ngam Mā Tēv yip tömaṙôngö, ngam Tēv Israel: Sā ngam tanānyö chu lanīnö chu inrē nö hōngnyu nö i kui yip aṅ Yērusalem, ngatī ngam lanīnö chu min nö hōngnyu nö i kui yīö yē yīö chuh Aikup. Ngaich yī-ö min tösō-ovö, pinhë-eṅkūö, ranôichngen minṙēngö inrē. Hö-ö yin min meuk ngih chūökkö hēk.

YERIMIĀ 45:4

Ngö ṙô pömchö tö ò, Ngö ṙô an ngam Mā Tēv: Yĕh meuk, tiṙōlngö ngam mahānlöre chin, teuklö ngam taheūichtöre chin inrē-Angū-ö, ngam panam nö ṙòkhöre.