INRĀMÖRE 2:5 - TÖHET LĪPÖRE (Re-edited) Bible (BSI)

⁵ Ngaich an ngam Mā nö vītöre nö sā tökuyaha elmat, ngaich an nö fëlngen Israel; keuheūtngöre nuk patī rācha nö tiṙōli tö ò, nuk töngëḵ chūök piyāyi nö tiṙōli; ngaich anga-aṅ inrē nö ṙūölö ṙôken miṙivlōn inrāmöre inrē in ngam kikānö kūön Yūtā.

INRĀMÖRE 2:5 Referans Kwoze

INRĀMÖRE 2:2

Öt aṙē-ĕlōn an ngam Mā nö piyāingö nup elyöngö Yāköp; i lanīnöre an nö tiṙölngö nup töngëḵ chūök ngam kikānö kūön Yūtā; tiṙölngö ngam pūlngö an nö haṙongtu nö i kui tumlat töyip mahayöngan inrē nö miṙē-ĕyö.

YERIMIĀ 30:14

Ṙòkhöre yik töhāngenlōn tö meh nö vaichngen meh; hö-ö yip nö kūö tenre tö meh: pò chu sā tī tökunyah elmat öich in meh, sā sācha öp töt aṙē-ĕlōn tökunyaha elmat, pò ngam fālen meh nö kiröng, kūö minë tökööl meh nö pachāla elmat.

INRĀMÖRE 2:4

Sōntö linrenyre an sā tökunyaha elmat, ūichhaka an sā lā-al holtö ngam lāhāmö këlre; ngāichövah tī an inrē nö fëlngö inkeūṙö në mat hī el rūkui öp kikānö kūön Siyôn; sā tameūyö tī an nö hōngnyö ngam tanany elmat re.

YERIMIĀ 52:13

Ngaich anga-aṅ nö föngtökūö ök patī ngam Mā Tēv, tö ök patī ök rācha inrē ṙòkhöre inrē nuk patī i Yērusalem; keuheūtngöre tökiröng patī nö föngtukūö tö ò.

2 RĀCHA 25:9

Ngaich anga-aṅ nö föngtökūö ök patī ngam Mā Tēv, töp patī ök rācha; ṙòkhöre inrē nuk patī i Yērusalem, föngtökūö nuk tökiröng patī anga-aṅ nö keuheūtngöre vah tī.

ISIKĪ-ĔL 2:10

Haṙĕhnyö e anga-aṅ nö i kūö chu; kūichö mat angū-ö nö lā kūö lā uk inrē, in e nö kūichö nup ṙô inrāmöre, miṙivlōn öt kanôlò inrē.

YERIMIĀ 15:1

Ngaich ngö ṙô ngam Mā Tēv tö chu Pòrô Môsös Samu-ĕl inrē nö sökhak nö i kūö chu, sönngenre öp ellōn chu nö öt hanvööten nö lā i vē tarik. Tinngen cha nö ṙā-ang i kūö chu, hökngen cha nö kiröönngöre!

NGAM LĪPÖRE YŌP 13:24

Kūöyòh öm hanyatngökūö re kaheukten chu inrē lā-al meh?

Salmai 89:40

Ngaich Man tiṙōlngö ngam kinlonglö ò: tiṙōli nun minë tö ngëḵ chūök Ò tö tī Meh.

Isayā 29:2

Ngaich möl chū-ö min hakihten Ariĕl, ngaich öp miṙivlōn min nö umuh inrāmöre inrē; ngaich angū-ö min nö in chu nöng sā Ariĕl.

YERIMIĀ 21:4

Ngö ṙô yin tö Sētikia, Ngö ṙô an ngam Mā Tēv, ngam Tēv Israel: Yĕh meuk, havanrit nup aṅtī kumyung chin min nup eltī meh nup aṅti meh inrē kiyung lā-al öp rācha aṅ Pēpilön lā-al yip aṅ Kālti inrē yip lā-uk minë kinlōngö nö havīlen yīö; kēten cha chin min nö holre nö ellōn ngih elpanam.

1 SAMUĔL 28:16

Ngaich ngö ṙô Samuĕl, Kūöyòh öm vë-ekūö chu, yē ngam Tēv nö ṙāngen meh, ngaich vītöre nö lā-al meh?

NGAM LĪPÖRE YŌP 19:11

Tōttökūö lanīnöre anga-aṅ nö lā-al chu, kaheukten chu inrē lā-al ò.

Salmai 89:41

Ṙòkhöre yip lamök umuh nö hachōichngen Ò: ngaich an nöng minṙēngö nö i yip hol ò.

Isayā 63:10

Ahôngen ò pöri cha-a miṙivngölōn ngam Töhet Fanöinylö ò inrē; lökten ò nö vītöre nö lā-al cha, kôten inrē anga-aṅ nö lā-al cha.