INRĀMÖRE 2:4 - TÖHET LĪPÖRE (Re-edited) Bible (BSI)

⁴ Sōntö linrenyre an sā tökunyaha elmat, ūichhaka an sā lā-al holtö ngam lāhāmö këlre; ngāichövah tī an inrē nö fëlngö inkeūṙö në mat hī el rūkui öp kikānö kūön Siyôn; sā tameūyö tī an nö hōngnyö ngam tanany elmat re.

INRĀMÖRE 2:4 Referans Kwoze

YERIMIĀ 7:20

Lökten ön nö ngö ṙô ngam Mā Tēv: Yĕh meuk, ṙöhtö ngam lanīnöre chin tanānyö chu inrē ikui ngih chūökö, ikui tarik, töṙeūla inrē, ikui chōng elkahôyö ikui ṙòng aṅ ngih tumlat inrē; hūkūö öp min öthannyangngenkūö.

ISIKĪ-ĔL 24:25

Ngaich me-eṅ, kūön tarik, ip sakāmö hē chu min kē ngam töngëḵ chūök cha nö ṙā-ang in cha, ngam ṙānāmölōn cha ineu-euṅ cha inrē, ngam kumchik elmat cha kuilōn cha inrē, tö yip kuön cha kikōnyö kikānö inrē,

YERIMIĀ 21:5

Hakôtenre chin min kiyung lā-al yīö öich teuthaka kël tö tökalēḵ kël, i tanāinyö, i inngëṅṙö, i tökiröng inrē lanīnö.

Isayā 42:25

Lökten nö hōngtö kui ò tö ngam tanānyö lanīnö ò, tö kumlēḵ ngam kinyūngö inrē; ngaich angū-ö nö ṙāten ò nö havīlöng tö tameūyö, sönngenre anga-aṅ nö öt akahalōn; ökngö kūö ngaich angū-ö tö ò, sönngenre anga-aṅ nö öt ṙātö e nö ellōn re.

YERIMIĀ 30:14

Ṙòkhöre yik töhāngenlōn tö meh nö vaichngen meh; hö-ö yip nö kūö tenre tö meh: pò chu sā tī tökunyah elmat öich in meh, sā sācha öp töt aṙē-ĕlōn tökunyaha elmat, pò ngam fālen meh nö kiröng, kūö minë tökööl meh nö pachāla elmat.

NGAM LĪPÖRE YŌP 6:4

Pò nup chòk ngam Tökeuheūt- töre Chöngö nö in chu; ök tökapahakūö öp ma-alaha chu nö in u; ṙak nup pinhë-eṅkūö aṅ im Tēv nö lā-al chu.

NAHOM 1:6

Chiāp tökô nö sökhak nö i kūö ngam lanīnö ò? Achīap inrē tökô nö köp im tanānyö lanīnö ò? Sā hanūlö kūö tameūyö an ngam inngeṅṙö tanānyö ò, kö laruk ngaich nuk ihong tö ti ò.

NAHOM 1:2

Tölīn an ngam Mā Tēv, ngam Tēv, mahavahal an inrē; mahavahal an ngam Mā Tēv tööḵngen tö lanīnö inrē; kēḵ invahlö an ngam Mā Tēv nö in yip lā-al ò, höngken lanīnö an nö in yip tökunyaha elmat tö ò.

ISIKĪ-ĔL 36:18

Lökten chu hōngtö ngam lanīnö re i kui cha tökūö nuk mahām kitak tö cha nö im panam, kūö nup insātēv nup aṅti cha nö hachōichgö e.

ISIKĪ-ĔL 22:22

Sā rupīö nö miyëṙi nö i kūö töhū tameūyö,ngatī yī-ö min miyëṙi ellōn e; ngaich yī-ö min akahalōn tö chu öich Mā Tēv ṙamösnyö ngam lanīnöre i kui yīö.

ISIKĪ-ĔL 6:12

Anga-aṅ öp tömarôvat min kapah kūö tölëlngökūö invah; anga-aṅ öp töröhta min fukngö tökūö sanët; anga-aṅ öp tö-ōtre öp tölākiṙen kapah min tökūö inyāichö. Ngatī tī chin min keuheūtngö ngam inngëṅṙöre i kui cha.

ISIKĪ-ĔL 5:13

Ngatī kinheūtngö ngam tanānyö chu min, i kui cha chin min hakeungnyö inngëṅṙöre öich hakô-ònglōnre; ngaich cha-a min nö akahalōn tö chu, Mā Tēv öich ṙô-òv ngaich i lanīnöre, yē ngam inngëṅṙö chu nö fuk i kui cha.

INRĀMÖRE 4:1

Sītih öng ngam humlum nö paheumngöre elmat, ngam töhet humlum nö haṙī-ingre! Minë töhet ihong parāta nö hulalhaka nö kö I kui kanröönö.

INRĀMÖRE 3:3

kô-en an nö havöötökūö këlre nö lā-al chu nö hēk nöng hēk irô-òtö sakāmö.

INRĀMÖRE 2:5

Ngaich an ngam Mā nö vītöre nö sā tökuyaha elmat, ngaich an nö fëlngen Israel; keuheūtngöre nuk patī rācha nö tiṙōli tö ò, nuk töngëḵ chūök piyāyi nö tiṙōli; ngaich anga-aṅ inrē nö ṙūölö ṙôken miṙivlōn inrāmöre inrē in ngam kikānö kūön Yūtā.

YERIMIĀ 36:7

Amahtuṙen ap min ṙô cha nö havë-a nö söl ikūö ngam Mā Tēv, ngaich kö havööngökūöre min cha-a nö ṙā-ang tötlöök talöököre, pòn kiröng ngam tanānyö lanīnö ngam Mā Tēv inrē töṙônyu nö lā-al vē tarik.

YERIMIĀ 21:12

Ō patī Tāvit! Ngö ṙô an ngam Mā Tēv: Kahôka i töt michūṙen kinṙôka tö peuheū, ṙānyö eltī ngam mahakihten tö ò ngam tö-ulāyiṙen, hòṅ ngam lanīnö chu nö öt kiröönngöre nö sā tameūyö, ngaich öt hĕng tak mahanyangngökūö e yĕn hūkūö nup tötlöök la-en yīö.

YERIMIĀ 4:4

Tunyiny ngöre man im Mā Tēv, kēngö öp laneūichlökūö nö ṙā-ang ellōn meh, Ō me-eṅ tarik Yūtā aṅ Yērusalem inrē; hòṅ ngam lanīnö chu nö öt sā tameūyö nö hūlökūö, ngaich öktikūö min ngaich nöng öt mahanyangngukūö, tökūö nup tötlöök la-en yīö.

Isayā 63:10

Ahôngen ò pöri cha-a miṙivngölōn ngam Töhet Fanöinylö ò inrē; lökten ò nö vītöre nö lā-al cha, kôten inrē anga-aṅ nö lā-al cha.

Isayā 63:6

I tanānyöre chin rööntö kui yip tarik, mihiyōingen cha chin tö ngam lanīnöre, ngaich vōknyö mahām nômö cha nö el tumlat.

2 KINṘÖTNGÖ 34:25

Pò cha nö ṙāngen chu ngaich föng tötahūsa nö i tahëng tēv, pò cha nö hòṅ harunnyö tanānyö chu nö i nup la-en minë kuntī cha, lökten an ngam lanīnö chu min nö hōngtu nö i kui ngih chūökö ngaich rö-ö min nö hannyangngen.

2 KINṘÖTNGÖ 34:21

Kuṙòh, ṙënngen chu hatöntöre im Mā Tēv ṙënngen cha inrē yip tö ōtren i Israĕl Yūtā inrē, tö inlahen nuk ṙô ngam līpöre ngam tökôti; tön kiröng an ngam lanīnö ngam Mā Tēv töhōngtu nö i kui hī, pò yik yöng hī nö öt haköp ngam ṙô ngam Mā Tēv, nö asā nup tökūchö i mat ngih līpöre.

Salmai 37:14

Hōknyö sanëtre an ngam töt-löök, sōntö linrenyre inrē: nö hòṅ afukngö ngam yāich, tö ngam töhāṅten inrē, nö fëlngö yip töchiplö el talöökö.

YERIMIĀ 10:20

Piyāyi ök rūkui chu, keuheūtngöre nuk tökuvaha nö latòk; ngaich yip kūön chu nö kiröönngöre nö ṙāngen chu, hö-övö yik nö ngaich; öt hĕng tak mahanyāknyö ngam rūkui chu nö hēk ma-asöklö minë ranangkūö inrē.

ISIKĪ-ĔL 20:34

Kēnyen yīö chin min ṙā-ang in yip tarik hamūlö yīö inrē ṙā-ang i nup panam i chūök yīö pirātiyö, aṅtī tö tökalēḵ kël töteuthaka inrē kël, holtö ngam lanīnö nö ṙösnyuvö;

LA-EN LĒVĪ 26:17

Havööngökūöre Chin min tö yīö, ngaich yī-ö min ötkô i kūö yip lā-alre: hayöngö yīö; ngaich yī-ö min höng pāngö yĕi pòrô ötlūḵu.

I. CHÖNGÖ 32:22

Pòn tōttöre kūö öp tameūyö lanīnö chu, ngaich ṙāptökūö öp lataṙeū takô el anūlö, ngaich ngeūṅk tö ngam tumlat tö nup aṅkūö e inrē, ngaich föngtökūö nup röönti nup rôngö.

1 SAMUĔL 28:16

Ngaich ngö ṙô Samuĕl, Kūöyòh öm vë-ekūö chu, yē ngam Tēv nö ṙāngen meh, ngaich vītöre nö lā-al meh?

NGAM LĪPÖRE YŌP 19:11

Tōttökūö lanīnöre anga-aṅ nö lā-al chu, kaheukten chu inrē lā-al ò.

Salmai 7:13

Ngaich inrē nö halēnṙenre tö nyahaṅ kinpaha: vī kūö tö tötameūyu kūö an chòk.

YERIMIĀ 42:18

Pòn ngö ṙô ngam Mā Tēv yip tömaṙôngö, ngam Tēv Israel: Sā ngam tanānyö chu lanīnö chu inrē nö hōngnyu nö i kui yip aṅ Yērusalem, ngatī ngam lanīnö chu min nö hōngnyu nö i kui yīö yē yīö chuh Aikup. Ngaich yī-ö min tösō-ovö, pinhë-eṅkūö, ranôichngen minṙēngö inrē. Hö-ö yin min meuk ngih chūökkö hēk.

INRĀMÖRE 1:13

Tīntö tameūyö anga-aṅ nö ṙā-ang lātulöng, löö i në tangëk chu tī anga-aṅ tö e; haṙĕhnyö inhāṅl röön chu anga-aṅ; havöökūö chu anga-aṅ; ṙāngen chu anga-aṅ sangūli, takngö irô-òtö sakāmö.

INRĀMÖRE 4:11

Hateungngö lanīnöre an ngam Mā Tēv, ṙösnyö ngam töṙāch an nö ngaich tanānyöre; tōttökūö tameūyö an inrē nö i Sīyôn, öp töṙāpngökūö tö rööntö machööḵlö e.

ISIKĪ-ĔL 7:14

Ngaich yip nö föö römpĕt lēnö tī inrē tö taṙòkhöre; öthĕng tak pöri chamuh im kinyūngö, pò ngam lanīnö chu nö i kui cha nö maṙôngö.

ISIKĪ-ĔL 13:13

Lökten ön ngam Mā Tēv nö ngö ṙô: Vītö kuföt chanôichö chin min nö im lanīnö chu; ngaich min inrē öp yöng kumṙah nö i tanānyö chu, tökiröng tökënngöre kumṙah inrē i lanīnö chu nö piyāingö e.