INRĀMÖRE 2:22 - TÖHET LĪPÖRE (Re-edited) Bible (BSI)

²² Ngaich man ngöönten ih im sakāmö ngam töhakāmi tökiröng nyinā-aṅ keuheūtngöre lā-al nö pinhë-eṅkūö chu; im sakāmö tanānyö ngam Mā Tēv inrē öt hĕng tak tötkô-òngvah hēk tö-aṅ; cha-a yik tökëmö tö chu harūkö inrē fëliyö ngaich tö ngam tökunyaha elmat tö chu.

INRĀMÖRE 2:22 Referans Kwoze

YERIMIĀ 6:25

Uh yin chuh el kahôyö ui rēhĕn lök el talöökö; tön sanëtu ap tökunyaha elmat, keuheūtngöre lā-a öp pinhë-eṅkūö.

Salmai 31:13

Pò chu hang ṙô tömaṙôngö nö hachōichngö minë-eny: keuheūtngöre lā-a pinhë-eṅkūö; vī talöökö tīre cha-a nö kēḵngö ngih nômö chu.

YERIMIĀ 46:5

Kūöyòh öichvö meūkö e? Ngangngökūö yin nö ngaich, havanritre inrē nö ngaich. Ötkô yik kumyung in cha, kurāten ngaich nö falngöre; öt tēk ukre yik āṅngöre lā-a pinhë-eṅkūö! ṙô ngam Mā Tēv.

YERIMIĀ 20:3

Im huṙöich, hē Pasūr nö luhlen Yarimiā nö ṙā-ang i nuk inlök, ngö rô ngaich Yarimiā tö ò, Hö-ö an ngam Mā Tēv nö havëkö ngam minë-eny meh nö Pasūr, Pinhe-eṅkūö pöri nö āṅngöre lā-a.

I. CHÖNGÖ 28:18

Töthakôlöng ṙô ap yēḵ min ṙông ngam alaha meh, ṙòng ngam tumlat meh, ṙanūölö ṙôken kan nuā meh, nup kūön ò inrē.

Isayā 28:19

I tum van e nö lök muh, kumröön e min yī-ö; pòn kaheuk peuheū min angū-ö nö lök umuh, kaheuk sakāmö hatööm inrē: ngaich angū-ö min nö rö-ö, höng pinhë-eṅkūö pöri ngam mikah elmat tö ngam inhānga.

YERIMIĀ 11:11

Lökten an ngam Mā Tēv nö ngö ṙô, Yĕh meuk, kētö tötlöök chin i kui cha öp lökngen cha nö öthō nö ötkô-òngvah; pòrô cha-a nö peuinyhökūö chu öt hang ṙô cha chū-ö min.

YERIMIĀ 44:7

Ngö ṙô an yih ngam Mā Tēv yip tömaṙôngö töngamuh, ngam Tēv Israel: Kūöyòh öi kēken ngih yöng tötlöök öi höng lā-alre, öi rökngen tarik kikōnyö, kikānö inrē nö ṙā-ang in yīö, tënö, nyīö inrē, nö ṙā-ang ellōn Yūtā, öi öt ṙāhāngu tö chööḵṙen?

2 KINṘÖTNGÖ 36:17

Lökten ò nö kētö lā-al cha tök rācha yik aṅ Kāltī, ök famëlngö yik ṙālö tarik cha nö aṅti tö sanët el ngam patī töhet chūök cha, ngaich nö öt miṙē-ĕvlōn nö i ṙālö tarik hēk rēlö, tököṅnyu tarik hēk tököinyu; kēten cha anga-aṅ nö ṙòkhöre nö eltī ò.

YERIMIĀ 14:19

Keuheūtyöre öng Yūtā nö sō-ov tö meh? Sa-òkkūö lōn öm tö Sīyôn? Kūöyòh öm hachökö ih töp lökngen ih ötlanë-enṙen? Ngëichkö lanāmö in, öt yih pöri tölöök; ṙētak linë-en, meuk pöri nöng pinhë-eṅkūö.

YERIMIĀ 21:7

Ngaich unôich, ṙô ngam Mā Tēv, öich kēten Sētikia rācha aṅ Yūtā, tö yip tarik ò, tö yip tömaṙôngö inrē i ngih elpanam yip töt kapah tökūö ök invah tölëlngö kūö, tökūö sanët, kūö inyāichö inrē nö eltī Nëpukatrēsör rācha aṅ Pēpilön eltī yip lā-al cha inrē, eltī cha yip chamöh nômö cha. Fëlö cha min anga-aṅ nö aṅtī tö taseūkūö sanët; Öt aṙē-ĕlōn ap min tö cha, hēk öt ṙālen cha, hēk öt miṙē-ĕvlōn: