INRĀMÖRE 2:21 - TÖHET LĪPÖRE (Re-edited) Bible (BSI)

²¹ El pitung minë talöökö hulalhakṙen tö-a-yal tököiny inrē; yip rēlö chu ṙālö tarik chu inrē fukngö nö ngaich nö i kūö sanët; im sakāmö tanānyö meh öm fëlngen cha ngaich, öt miṙē-ĕvlōn tī fëlhanga.

INRĀMÖRE 2:21 Referans Kwoze

2 KINṘÖTNGÖ 36:17

Lökten ò nö kētö lā-al cha tök rācha yik aṅ Kāltī, ök famëlngö yik ṙālö tarik cha nö aṅti tö sanët el ngam patī töhet chūök cha, ngaich nö öt miṙē-ĕvlōn nö i ṙālö tarik hēk rēlö, tököṅnyu tarik hēk tököinyu; kēten cha anga-aṅ nö ṙòkhöre nö eltī ò.

SAKARIĀ 11:6

Pò chu min öt ngöhören aṙē-ĕlōn tö aṅ ngam panam, ṙô ngam Mā Tēv. Yĕh meuk, kētö tarik chin min nö kö eltī holre, eltī öp rācha ò inrē: ngaich cha-a min nö hachök ngam panam, ngaich hö-ö chū-ö min ṙānyen cha nö ṙā-ang eltī cha.

INRĀMÖRE 3:43

Kahūmöre man ngaich tö tanānyöre ngaich lū-u ih, fëlhanga öt-aṙē-ĕlōn;

YERIMIĀ 13:14

Ngaich chū-ö min pinyānyen cha nö lā-al höö, kikōnyö yöng tö kikōnyö kūön inrē, ṙô ngam Mā Tēv. Öt miṙe-ĕvlōn chin min hēk öt ṙā-al hēk öt aṙē-ĕlōn, töp lökten chu öt piyāingen cha.

INRĀMÖRE 2:17

Ngaich tī an ngam Mā Tēv im chööḵnyö ò, hateungngö ngam inngāṅngö an; halēnlö e an nö marô-òten misī, öt aṙē-ĕlōn an nö tiṙölhanga; ṙāmölōn tī an nö ngaich tö ngam tökunyaha elmat tö meh, ngaich nö hapōilö minhôṅyö më lā-al meh.

INRĀMÖRE 2:2

Öt aṙē-ĕlōn an ngam Mā nö piyāingö nup elyöngö Yāköp; i lanīnöre an nö tiṙölngö nup töngëḵ chūök ngam kikānö kūön Yūtā; tiṙölngö ngam pūlngö an nö haṙongtu nö i kui tumlat töyip mahayöngan inrē nö miṙē-ĕyö.

INRĀMÖRE 1:15

Hayëḵngen yip tökalēḵ tarik chu an ngam Mā nö ṙòkhöre nö harònglö tīre nö in chu; havëtö manūlö an nö lā-al chu nö kirāchngö yip ṙālö tarik chu; ngaich yik rēlö kikānö kūön Yūtā nö röönö tö ngam Mā nö el chūök kinrān vāin.

YERIMIĀ 18:21

Lökten kētö yip kūön cha nö ip inyāichö; kēten cha ip tökalēḵ kūö ap sanët, hökngen yip pīhö cha nö öt kūönu nö tafiösi inrē. Kapah yip yēḵ min tarik cha tökūö invah tölëlngökūö, yip ṙāl tarik cha inrē fëliyö tökūö sanët i kinyūngö.

AMŌS 4:10

Ngaich chū-ö söömtö tölëlngö kūö invah in yīö tösā nup i Aikup: fëli tö chu nö yahatö fël yik ṙāl tarik yīö, ngaich nuk kōra yīö inrē nö kē-ĕyö; ngaich vīten öp inngeūṅtö öp elyöngö yīö nö meutlö nö löklö elmeh yīö; sönngenre yī-ö öt havatöre in chu, ṙô ngam Mā Tēv.

ISIKĪ-ĔL 9:10

Ngaich chū-ö ngih mat chu min nö öt ṙā-al, ötrēhĕn chū-ö min aṙē-ĕlōn, havëkö nup lā-en cha pöri chū-ö min nö i kui cha.

ISIKĪ-ĔL 8:18

Lökten chin min lök alaha cha i lanīnöre; öt ṙā-al ön min ngih mat chu, öt rēhĕn chū-ö min aṙē-ĕlōn; pòrô cha-a nö peuiny nö pōitô nö elnang chu, öt hang ṙô cha chū-ö min.

ISIKĪ-ĔL 7:9

Hö-ö ön ngih mat chu min nö ṙālen meh, ötrēhĕn chū-ö min aṙē-ĕlōn; sācha tī chin min tö meh sā nup talöökö meh, i saha nup sin-òkkūö in meh nö rònglö nö ellōn meh. Ngaich akahalōn min me-eṅ tö chu öich Mā Tēv, öich famòh.

ISIKĪ-ĔL 7:4

Hö-ö ön inrē ngih mat chu nö ṙālen meh, ötrēhĕn chū-ö min aṙē-ĕlōn; sācha tī pöri min tö meh tökūö në talöökö meh, irô-òten minë sin-òkkūö in meh nö kamlö nö ellōn meh. Ngaich akahalōn min me-eṅ tö chu öich Mā Tēv.

ISIKĪ-ĔL 5:11

Lökten, sā chu tö-aṅ, ṙô ngam Mā Tēv, kô-en, pò yīö hachōichngö ngam töhet chūök chu öi aṅtī tö nup tösō-ov aṅ in yīö tö nup aṅ in yīö sin-òkkūö inrē, lökten chin min kūölten yīö; öt aṙē-ĕl ön min ngih mat chu, hö-ö chū-ö min inrē aṙē-ĕlōn.

INRĀMÖRE 1:18

Lā i huneū-eu an ngam Mā Tēv, pò chu ahôngen ṙô; hang pöri, ṙòkhöre yī-ö tarik, ngëichkö kanihngen chu inrē; ngaich yik rēlö chu yik ṙālö tarik chu inrē nö chuh el inkövö.

YERIMIĀ 51:22

Antīten meh chin liköl tarik nö panyeiny tö kikānö inrē: antīten meh chin liköl tököiny tarik nö panyeiny tö ṙālö inrē; aṅtīten meh chin liköl tö-ayal tarik nö panyeiny tö rēlö inrē;

YERIMIĀ 21:7

Ngaich unôich, ṙô ngam Mā Tēv, öich kēten Sētikia rācha aṅ Yūtā, tö yip tarik ò, tö yip tömaṙôngö inrē i ngih elpanam yip töt kapah tökūö ök invah tölëlngö kūö, tökūö sanët, kūö inyāichö inrē nö eltī Nëpukatrēsör rācha aṅ Pēpilön eltī yip lā-al cha inrē, eltī cha yip chamöh nômö cha. Fëlö cha min anga-aṅ nö aṅtī tö taseūkūö sanët; Öt aṙē-ĕlōn ap min tö cha, hēk öt ṙālen cha, hēk öt miṙē-ĕvlōn:

YERIMIĀ 11:22

Lökten an ngam Mā Tēv yip tömaṙôngö nö ngö ṙô: Yĕh meuk,sācha tī chin min tö cha, kapah yip min ṙāl tarik tökūö sanët; kapah yip min kūön cha kikōnyö kikānö inrē tökūö inyāichö;

YERIMIĀ 6:11

Lökten chin tööḵlö tö ngam tanānyö ngam Mā Tēv; chei chin haköpken e. Ṙöstö e i kui yip nyīö el talöökö I kui yip tömūlhaka inrē ṙāl tarik; kumngöre nö kē-ĕlre min kikōnyö töpihövö kikānö tö pihövö inrē, tököiny tarik, tököiny takô inrē.

Isayā 27:11

Ngaich yē nup pak umuh nö nyangngö, ngaich cha-a min nö likölngö u; yih min yip kikānö, ngaich föngtökūö u; pò cha nö tarik töt akahaṙa; lökten anga-aṅ öp vamī-i cha nö öt aheūkölōn min tö cha, anga-aṅ inrē öp vamī-i cha min nö öt hameuktö miṙēlōn nö in cha.

ESTÖR 3:13

Söömi ngaich nuk tökūichi līpöre tö yik samööma nö i nuk panam ök rācha nö ṙòkhöre, nö halëlhanga fëlhanga, keuheūtngövah yik Yahūti nö ṙòkhöre, tö-ayal, tököiny, kikānö, nyīö, nöng hĕng sumkam, im linūöi sīön sakāmö ngam innët sīönö chingëṅt ngam chingëṅt Atör, höng kētöre tö nup chehen cha inrē.

1 SAMUĔL 15:3

Kiröönngöre man kuṙòh töngamuh kiyūngö Amelek, ahatngö tīre piyāingö nup taṙòkhöre in cha, un aṙēlöng cha-a inrē; hĕnghöre fëlngö kikōnyö kikānö pöri inrē, tënö nyīö töṙòngmö pōḵ inrē kōiny nuā, sīṅp inrē, ūṅt köttö inrē.

YÔSUĀ 6:21

Hatngö tī cha-a ngaich tö nuk taṙòkhöre el ngam elpanam, nö aṅtī tö sanët, hĕnghöre kikōnyö kikānö inrē, hĕnghöre tö-ayal tököiny inrē, kōiny nuā, sīṅp, köttö inrē.

I. CHÖNGÖ 28:50

Tötānyö kūö pumnāmö tarik öp tötmikūöṙen tö tököiny tarik öt rēhĕn nö aheuk tö nyīö:

I. CHÖNGÖ 32:25

Lā uk min ngam sanët nö miṙīvngölōn, el urôhò inrē pinhë-eṅkūö; hatngö tī an min tö ṙāl tarik rēlö inrē yip pamôḵ nö hol tarik köpakū- ukui.

INRĀMÖRE 1:4

Haṙivlōn nun në talöökö tö kū-ötö Sīyôn, pòn öt hĕng ak yamih nö i nup töhakāmi tökirög nyinā-aṅ; ṙòkhöre në inkūp ò nö öt aṅhaṅvkūö alūhure yip kūönṙô ò; tūökiyö yik aṅ in ò rēlö, ngaich anga-aṅ inrē nö kiröngen kanihngen.

AMŌS 8:13

Ip sakāmö angū-ö yip tövai rēlö min tö yip ṙāl tarik nö takngö kūö inṙëhe nômö re.

YERIMIĀ 4:31

Pò chu hang ṙô öp kikānö nö halöinyöre nö kayôḵ, nö sā chanökö kamyônyö öp lanòh kūön re, töhāngö ṙô öp kikānö kūö Sīyôn nö kisakngö umhômöre, nö hateutnyökëlre, Aōla chū-ö! Chaṙīvi chin ngaich i kūö famël tarik.

ISIKĪ-ĔL 24:21

Ngö ṙô tö ngam patī Israel; Ngö ṙô an ngam Mā Tēv: Yĕh meuk, hachōichngö ngam töhet chūök re chin min, ngam inkeūṙö mina-aṅ yīö, ngam kumchik elmat yīö, ngam kūilōn yīö inrē; ngaich yip kūön yīö min kīköinyö kikānö inrē yip töṙā-ayö tö yīö nö fuk kūö sanët min.