INRĀMÖRE 2:19 - TÖHET LĪPÖRE (Re-edited) Bible (BSI)

¹⁹ Choholre, peuiny tö hatööm raneh tökūö inahati! Sā maktī ṙöhnyö ngam ellōnre i kūö ngam Mā! Hachônglö këlre in ò tökūö unhômö yip kūön meh, yip tötakngö nö aheuk nö keuheūt kui talöökö.

INRĀMÖRE 2:19 Referans Kwoze

Salmai 62:8

Yī-ö tarik, hayönglenre in Ò örheūheu: hōngnyö vōknyö ellōn re i kūö Ò, innyatlö hī An ngam Tēv.

Isayā 26:9

Holtö ellōnre chin hòṅ īnu tö meh tö el hatööm; hôṅ, hol töp ma-alahare chin nö in chu öi ka-euilökūö chöhöh meh, pò ngam inkaha fālen aṅ in meh yē e nö el tumlat ngaich yip aṅkūö ngih panam nö haköp lanöökö.

Salmai 142:2

Hōngnyö nup miṙiv re chin in Ò: hameuktö kanihngen re chin i kūö Ò.

T. MĀKÖS 1:35

Ngaich im peuheū, ṙôngmö sangūla, choholre Anga-aṅ, kunyi-inyre ngaich; ngaich kiröönngöre nö chuh el-inchōn; in e ngaich nö ve-ekūötēv.

1 SAMUĔL 1:15

Ngaich sap ṙô ang Hëna nö ngö ṙô, Hö-ö, mā chu, töhaṙīvö ellōn chin chū-ö öich kikānö: rö-ö chin taheui òk vāin öt rēhĕn òk tökalēk, vōknyö aṅ ellōnre pöri chū-ö ikūö ngam Mā Tēv.

Salmai 141:2

Hökngen ngam vine-eṅkūö Meh tö chu, nö ṙātu nö i kūö Meh, nö sā lōpān: sā tö kētu tö harap, ngam inchônglö kël chu.

KAMHÔKA 7:19

Ngaich Kitīön, tö yik töhēngòng tarik hol ò inrē, nö yihtöre ip manā-angkūö ngam elyöngö im ranehten ngam lāṙat ināhati, hē cha nöng fömtöreṙen nö ṙātö amahatī, föö ngaich cha-a, likukngö nuk eltīre inrē hanrī.

Salmai 42:8

Sönen min ngam Mā Tēv nö hōten ngam hanāngen neūkölōnre tö sakāmö: ngaich ip hatööm öp tinkö-kö min nö in chu, ap vinë-eṅkūö ngam Tēv nômö chu.

T. LŪKÖS 6:12

Ngaich hē u anū-ö sakāmö, Anga-aṅ nö chuh i kui ök rôngö nö ve-ekūötēv; iṙuöhen Anga-aṅ nö hĕng mitööm nö im vine-eṅkūö ngam Tēv.

T. MĀKÖS 13:35

Aṅhaṅti lökten; tön öt akahalōn yin tö hē yanihih ngam mā tö patī-ivö, yĕn chūöl hatööm yĕn ṙô hayöm yĕn peuheū;

T. MËTIV 14:25

Im anöhölkūö peuheū, Anga-aṅ nö yihtöre nö in cha, nö kiröönngöre nö lök kui mai.

Salmai 119:55

Ō Mā Tēv, köpölōn chin tö ngam mine-eny Meh tö el hatööm: ngaich öich haköpkö ngam chöngö Meh.

Salmai 28:2

Hang nup ṙô chu yēḵ vinë-elkui, yē chu havëken meh: yē chu hachônglö këlre kū-ö tö lā tuhēt el ngam töhet chūök meh.

Isayā 51:20

Tayē alaha yik kūön meh kikōnyö keuheūt kui talöökö yip nö hulalhaka sā Entelòp nö el inhāṅl; tööḵngen yip tö lanīnö ngam Mā Tēv, tö ngam vinë-a aṅ im Tēv yīö.

1 TIMÒTĪ 2:8

Lökten chin hōtö tarik nö keuheūtngöre chūök nö vë-ekūötēv, hachônglö nup töhet këlre, un holtö lanīnö kintöngölōn inrē.

ISIKĪ-ĔL 5:16

Yē chu öich lirenynyö kūö minë chòk ngam inyāichö tökapahukūö nö in meh, chòk fanëlngö, nup lirenynyö chu min finëlngö meh, ngaich hē chu inrē hēkö kūöre kēten ngam inyāichö nö i kui meh, ngaich likölngö ngam kaneun rôtī meh.

ISIKĪ-ĔL 5:10

Lökten yip kikōnyö yöng min nö kā yip kūön re kikōnyö nö el ṙôngö yīö, yip kikōnyö nyīö min inrē nö kā yip yöng re kikōnyö; ngaich chū-ö min inrē akah fālen in yīö, in yip in yīö inrē tö-aṅ pirāti min tö chu nö el në kuföt.

Salmai 134:2

Hachônglö kël re im töhet chūök: hakôlò ngam Mā Tēv yīö.

Salmai 63:4

Ngaich hakôlò Meh chū-ö min, i rô-òten chu aṅ: hachônglö kël re chin min i minë-eny Meh.

NGAM LĪPÖRE YŌP 3:24

Pò ngam miṙīv chu nö yih sā ngam nyā-aṅkūö chu, minë inluhu chu inrē sā mak nö pòpnyi.

1 SAMUĔL 7:6

Hamūlöre cha-a ngaich nö i Mispah, fòk mak ngaich, ngaich rösten e nö ikūö ngam Mā Tēv, ahik ngaich im sakāmö angū-ö, ngaich ngö ṙô nö umuh, Köölö fālen in ngaich im Mā Tēv. I Mispah ang Samuĕl nö hayöng yik kūön Israĕl.

NAHOM 3:10

Sönngenre anga-aṅ nö halāyi, kiröönngöre ngaich aga-aṅ nö el inkövö; pinyāchö yip kūön ò inrē nö panyeny nö i kui nup talöökö: kalah taneūngen re cha-a inrē tö yip mā tarik ò, ṙòkhöre inrē yip tökiröng tarik ò nö halökö tö sayōk.

Salmai 42:3

Höng nya-aṅkūö chu nun në mak mat chu, tö sakāmö hatööm inrē: yē cha nöng i ṙūhöṙô tö chu nö ngö, Isuh ap Tēv meh?

Salmai 42:4

Anū-ö afēkö chu, ngaich keu-heūtnyö ellōnre chū-ö, tö lökten chu holröön yip töma-ṙôngö, ngaich hachōhöt cha el patī ngam Tēv: holtö ṙanāmölōn ṙôre, holtö nöi-nyö inrē, yip tömaṙôngö nö haköpkö ngam töhet sakā-mö.

Salmai 142:3

Yē öp ellōn chu nö ötkô nö in chu, akahalōn Me-eṅ tö kanröönö chu: hayunngö tinngöp chu yin nö el talöökö chu.

YERIMIĀ 14:18

Yē chu kunyī-inyre el kahôiṙen, yĕn meuk, ip töfëli tö sanët! Yē chu inrē kuhēthötre im elpanam, yĕh meuk, invah inyāichö! Pò yip pròfĕt tö yip kūönṙô nö kēken innyihkö chehen nö im panam, ngaich rö-ö nö akahalōn.

MAIKA 1:16

Hangānyngö kui re mana, vinngö tī i kui re öm in yip nyīö kūön ṙanāmölōn meh: ṙūönyö ṙôkti ngam nganānyö kui re man sā nganānyö kui matēṙö; pò cha nö ngaich nö chuh el inkövö nö ṙāngen meh.