INRĀMÖRE 2:16 - TÖHET LĪPÖRE (Re-edited) Bible (BSI)

¹⁶ Ṙòkhöre yip lā-al meh nö hayëṙôre; tö meh hishanga yip, kap kui kanapre yip, hū-a yip: Ngāichö vahtī in piyāingen ò? Ahöö, angū-ö ön ngih sakāmö maheūkkö hī; ngaich in īnu tö e meūkö e in!

INRĀMÖRE 2:16 Referans Kwoze

Salmai 35:21

Hôṅ, pōiti elvāng yin nö vā-alkūöre nö lā-al chu: ngö ṙô yin, Ā, Ā! Meūkö e in īhö!

INRĀMÖRE 3:46

Ṙòkhöre yip tökunyaha elmat tö hī nö ötlēḵkôre tö hī;

Salmai 56:2

Hòṅ ngeūkngen chu vē tö-kunyahaṅ elmat tö chu nö öt hēnghang sumkam, pò cha nö maṙôngö: vē kumlöö-nö chu, hakeūlenre nö lā-al chu.

Salmai 37:12

Vī lāinyngen tīre ön ngòh tötlöök tö ngòh tölöök: ngaich ti-ëāṅt kui kanapre inrē nö in ò.

YERIMIĀ 51:34

Ngeūkten chu an Nēpukatnēsör ngam rācha aṅ Pēpilön ngaich an nö kirūpö chu; vīten chu an nö ngaich töt aṅhavö öich chūökṙen, ngeūkten chu an sā kūö tö kiröng töṙeūla; hatööḵlö el puhū re an tö kumchik chu, kicheūchnyen chu an nö ngaich.

Salmai 124:3

Ngaich öre cha-a nöng ngeūkten hī höng aṅ: i hē cha nö hūlö kumnyahlōn nö in hī.

Salmai 35:16

Sā yip maha-āichngen töhet nö i nyinā-aṅ tökiröng: ti-ëāṅt kui kanapre cha-a nö in chu.

Salmai 22:13

Vā-alkūöre nun nö in chu: sā töyal, ap mamū-a ṙô lāyön.

INLAHEN 7:54

Ngaich hē cha nö hāngö u, ṙatngöre ellōn cha-a ngaich; kap kui kanapre inrē, nö in ò.

HŌSĪ 8:8

Ngeūṅktu an nö ngaich Israel: ngāichö vah yin nö in yip pumnāmö tarik sā chūökṙen öp töt chūök kumchiklōn.

ISIKĪ-ĔL 36:3

Lökten ve-eny mu-unôich Mā Tēv: Pò cha, hôṅ, pò cha nö vīten meh öt aṅhaṅvkūö, keuheūtngöre lā-a tī inrē nö tiṙölngen meh, lökten meh ngaich vītöre amin vē pumnāmö tarik, ngaich me-eṅ inrē ëlô töchōich inrē öm tinkākô tarik;

ISIKĪ-ĔL 25:15

Ngö ṙô an ngam Mā Tēv: Pò yip aṅ Filistain nö havahalre kē invahal inrē nö holtö kumnyahlōn nö piyāihanga nö töt chanūhuvṙen kumnyah elmat;

ISIKĪ-ĔL 25:6

Pòn ngö ṙô ngam Mā Tēv: Pò meh fatāk eltī re tirep röönre inrē ṙāmölōn inrē holtö kumnyah elmat re öm in re lā-al ngam panam Israel,

ISIKĪ-ĔL 25:3

Ngö ṙô tö yip aṅ Amön, Hang ṙô ngam Mā Tēv: Ngö ṙô an ngam Mā Tēv Pò yīö ngö Ā! öi I kui ngam töhet chūök chu hē e nö hachōichiyö, kui panam Israel inrē hē e nö vītu nö öt aṅhaṅvkūö, i kui patī Yūtā inrē hē e nö kiröönngöre nö ahöti;

YERIMIĀ 50:17

Sā sīṅp an Israel tölū-u nö ahōṙö tö lāyön. Urĕh ngam rācha aṅ Asīriā nö kāngen ò, möl töngamuh nö uhē-ĕren Nepukatnēsör rācha aṅ Pēpilön nö kulih tangëḵ ò.

YERIMIĀ 50:7

Kāḵngö u nuk tökôtökūö tö u, ngaich ngö ṙô yip tökunyaha elmat, tö u, Hö-ö in ihö fāluṙen, pò cha nö köölö fālen nö im Mā Tēv, ngam tôkô-en elyöngö cha, ngam Mā Tēv, ngam maheūṅkkö yik yöng cha.

Isayā 49:19

Kô-òngrit nun minë töpiyāyi töt aṅhavkūö inrē chūökö, ngam panam meh inrē tö-ahātiṙen, ngaich man min kô-òngrit inrē öm cheūkti, chūök yip aṅkūö meh, ngaich cha-a inrē yip ngameūkten meh min nö marôvat.

Salmai 112:10

Meūkö e min yip tötlöök, ngaich haṙīvölōn; ti-ëaṅt kui kanap re min anga-aṅ, ngaich chaṙēviyö: öt kôlò min öp lōn ngòh tötlöök.

Salmai 109:2

Pòn vā-ainykūö re ngam tötlöök, ngam tömichīl inrē, nö lā-al chu: ve-ekūö chu yin nö hol tö litāk töminyôiny-aṅ.

Salmai 57:3

Ṙā-ang el halīöngö tī An min nö söömhöti, hayööken chu inrē; yē öp tö hòṅ ngeūkten chu min nö miyëḵṙen: sööm-tö ngam miṙēlōn re An ngam Tēv, ngam kanô-en Ò inrē.

Salmai 41:8

Ngö ṙô cha-a, Köpta ap töt-löök invah nö in Ò: öt choholre an min nö ngaich, choholre an min nö ngaich, pò Ò nö hulalhaka.

Salmai 35:25

Un hökiṙen nö ngö ṙô nö ellōnre; Ā, ngaich in teūngen tö e! Un hökiṙen nö ngö ṙô cha-a, Ngaichvahkūö in ngeūkten ò.

YERIMIĀ 29:18

Lū-u cha chin min aṅtī tö sanët, inyāichö, invah tölëlngökūö inrē, ngaich vīten cha chū-ö min nö pinhe-eṅkūö nup pūlngö ngam panam, rinūtngen, töyahlö nö pinhe-eṅ-kūö töhīsiyö, minṙēngö inrē in vē pumnāmö tarik chūök tī chu ahōngen cha,

YERIMIĀ 26:6

Ngaich chū-ö min vīlö ngih patī nö sā Sailō, ngaich chū-ö inrē min vīten ngih elpanam nö tö rūtiṙen tö vē pumnāmötarik ngih tumlat.

INRĀMÖRE 1:21

Hang inlūhu chu; öt hĕng tak umuh mahaṙamkölōn chu. Ṙòkhöre yip tökunyaha elmat tö chu nö hang kanihngen chu; ṙāmölōn cha-a tö meh tīten e. Kētöp sakāmö man öp vahë-eny meh, ngaich hökngen cha nö sā chu.

ISIKĪ-ĔL 5:15

Minṙēngö ṙô nāichngen inrē töhatūiyu nö ṙô vanööṙö inrē, in vē pumnāmö tarik mahavīlen meh, hē chu min akah fālen in meh i tānānyö inngëṅṙö inrē, holtö manā-any chinökṙen inrē Chū-ö chin, Mā Tēv, töṙô-òvö.

ISIKĪ-ĔL 23:32

Ngö ṙô an ngam Mā Tēv: Òk kūö chūök òk öp kanānöre yin öp tö-aṙū-utī ël tökiröng inrē; hayīöli yin min minôniṙen inrē, pò e nö pōyen aṅ;

MAIKA 4:11

Maṙôngö yip töngamuh pumnāmö tarik hamūlöre nö lā-al meh, yip tö ngö ṙô, Hökngen ò nö hachōichiyö, hökngen në mat hī inrē nö meuk nup lōn hī öi i kui Sīyôn.