INRĀMÖRE 2:15 - TÖHET LĪPÖRE (Re-edited) Bible (BSI)

¹⁵ Ṙòkhöre ngaich lamök im talöökö nö fatah eltī re nö in yiö hishanga cha-a kileugkuire inrē nö im kikānö kūön Yērusalem; Angū-ö öng ngih elpanam ngam töhavëka nö töteungten vanāyö ṙanāmölōn në taṙòkhöre panam?

INRĀMÖRE 2:15 Referans Kwoze

YERIMIĀ 18:16

Vīngen ngam panam re nö pinhë-eṅkūö, nö töng sīhiyö nö örheūheu. Ṙòkhöre yip chamöḵöng e nö pa-ekūö ngaich kichinykūöre.

Salmai 48:2

Im töhet rôngö ò vāyö intāilö, ngam ṙanāmölōn në taṙòkhöre panam, ngam Rung Siyòn: lā kapā, ngam el pinnāmen ngam tökiröng Rācha.

ISIKĪ-ĔL 25:6

Pòn ngö ṙô ngam Mā Tēv: Pò meh fatāk eltī re tirep röönre inrē ṙāmölōn inrē holtö kumnyah elmat re öm in re lā-al ngam panam Israel,

YERIMIĀ 19:8

Ngaich chū-ö min vīten ngih elpanam nö pinhe-eṅ-kūö, nö töng hīsiyö, ṙòkhöre min yip chamöhö meh nö pa-e-kūö ngaich hisngö e tökūö minë ötkanôlò e.

Salmai 50:2

I Siyòn ngam Tēv nö meūkö: nö teūngö vanāyö.

SEFAINIĀ 2:15

Angū-ön ngih töṙāmölōn elpanam töt mahakūökö inlahenre nö iyöng, tö ngö ṙô nö ellōn re, Chū-ö chin, öthōlu chin tö tahëng: sitih öng pökeh nö öt aṅhaṅvkūö, chūök töṙeūla chehen nö ṙōlhaka! Ṙòkhöre yip chamöö-öng min nö sihngen ò ngaich aṅtī tö eltī re nö vë-eny törö-öv.

Isayā 64:11

Haṙāpi tö tameūyö nup töhet tövai patī ih, i chūök yik muvöhngö ih nö ha-öinyö meh; ṙòkhöre nuk tölöök chehen ih nö piyāyi.

Isayā 37:22

Ngih ön ṙô ngam Mā Tēv tö inlahen ò: Öt kūöngenre an tö meh ngam rēlö kikānö kūön Sīyôn minônngen meh an inrē nö hayīölngen meh: kichinykūöre an nö in meh ngam kikānö kūön Yērusalem.

Salmai 22:7

Ṙòkhöre yip mahatīönken chu nö hayīölngen chu: kunyòk-nyö minuhre, kileung kuire nö ngö ṙô;

T. MĀKÖS 15:29

Ngaich yik chamööḵöng nö ötlēkôre tö Ò, kileung kuire nö ngö ṙô, Ā, Me-eṅ tumṙōlngö ngam töhet chūök ngaich vi-il e Öm höng lūöi sumkam;

T. MËTIV 27:39

Ngaich yik chamööḵöng nö ötlēkôre tö Ò;

NAHOM 3:19

Öt minfōvtukūö ngam pinlāngen meh; pōitikūö an ngam nyaha meh. Ṙòkhöre yip hamang ineūkö meh nö fatāk eltī re nö i kui meh. I kui chīö ṙöng öng nö rö-ö ngam ötlanöökö meh nö iṙūöhö-röön nö kirööngöre.

MAIKA 6:16

Kūö nup insātēv Omri nö haköpka, nup la-en aṅ patī Āhap inrē, ngaich yī-ö inrē lök i nup inlēnö tö cha: angū-ö chööḵnyö chu piyāingen meh, yip aṅ meh inrē min nö töhīsiyö; ngaich yī-ö min keun miṙē-ĕv yip tarik chu.

INRĀMÖRE 2:16

Ṙòkhöre yip lā-al meh nö hayëṙôre; tö meh hishanga yip, kap kui kanapre yip, hū-a yip: Ngāichö vahtī in piyāingen ò? Ahöö, angū-ö ön ngih sakāmö maheūkkö hī; ngaich in īnu tö e meūkö e in!

INRĀMÖRE 2:6

Tiṙōlngö öp sanrā ò an nö ngaich sā tinṙōlngö panô-òṅ, nö tiṙöliyö ip chūök öp töhakāmi tökiröng nyinā-aṅ; kētö öp manāngen an ngam Mā Tēv nö i Sīyôn öp töhakāmi tökröng nyinā-aṅ anôilö inrē, ngaich i tökiröng tanānyöre anga-aṅ nö röönngö rācha kūönṙô inrē.

INRĀMÖRE 1:8

Pōi hangṙen an Yērusalem nö köölö fālen, lökten an nö vītöre nö mum; ṙòkhöre yip ameū an nö hayëngen ò, pò cha nö meūkan nö chumlal; hôṅ, alūhure ana, hapungngökūö inrē.

YERIMIĀ 51:37

Ngaich Pēpilön min nö vītöre nö fônghaka nö tö tiṙöli, elyöngö nup chakôl, pinhe-eṅkūö tösīhiyö inrē, öt aṅhavkūö tö tarik.

YERIMIĀ 29:18

Lū-u cha chin min aṅtī tö sanët, inyāichö, invah tölëlngökūö inrē, ngaich vīten cha chū-ö min nö pinhe-eṅkūö nup pūlngö ngam panam, rinūtngen, töyahlö nö pinhe-eṅ-kūö töhīsiyö, minṙēngö inrē in vē pumnāmö tarik chūök tī chu ahōngen cha,

YERIMIĀ 25:18

Yērūsalem tö nup elpanam Yūtā, yip rācha e kūön rācha inrē, öich vīten cha nö töpayāyi tötaṅhavkūö inrē, töhīsi törūtivah inrē, sā e i ngih sakāmö;

YERIMIĀ 25:9

Yĕh meuk, tīnngö lamukkö yip miyöngö tarik chin aṅ lā kapā, ṙô ngam Mā Tēv, lamukken Nēpukatnēsar rācha aṅ Pēpilön tarik chu, kēten cha chin min nö lā-al ngih panam tö yip aṅkūö e inrē, lā-al vē pumnāmö tarik i chīṙö; ahatngen cha chin min, vīten cha inrē nö pinhë-eṅkūö, töhīsi, töt chanūhuvṙen inrē nö minṙēngö.

2 KINṘÖTNGÖ 7:21

I ngih patī inrē, ngih töhapōilöng, yip töng chamööḵngen e min nö uṙeh, ngaich ngö ṙô, Kūöyòh ang ngam Mā Tēv nö ngatī tī tö ngih panam tö ngih patī inrē?

2 RĀCHA 19:21

Ngih ön ṙô ngam Mā Tēv tö inlahen ò: Mihôiṅ lōn ap tötchô-òv rēlö tö meh ap aṅ Sīyôn nö hayīölngen meh inrē nö mināch; Kichiny kūöre ap kikānö kūön Yēsūsalem nö in meh.

Salmai 64:8

Lökten cha min nö vītu nö kavēköti, lā-al tö litāk re chā-a nöng kahngenre: kichinykūö re min nö ṙòkhöre yip mameūkö cha.

Salmai 109:25

Minṙēngö cha chin inrē: kichinykūöre cha-a yē cha nö meūkö chu.

Isayā 28:21

Pò ngam Mā Tēv min nö chōholre sā re nö i kui öp rung Perasim ngaich tainy min anga-aṅ sāre nö el achāṙö Kīpiön, pò ò nö hòṅ la-evṙen tö ngam la-enre, tötohtöre la-en ò, hateungtökūö ngam tīre anga-aṅ inrē, tötoh hë tī ò.

YERIMIĀ 48:27

Röh öp Israel nö pinhë-eṅkūö yīö? Kôti apa nö in yip mu-ūlāyö, töp lökten meh ringeul kui re yĕm vë-ekūö ò?

INRĀMÖRE 1:21

Hang inlūhu chu; öt hĕng tak umuh mahaṙamkölōn chu. Ṙòkhöre yip tökunyaha elmat tö chu nö hang kanihngen chu; ṙāmölōn cha-a tö meh tīten e. Kētöp sakāmö man öp vahë-eny meh, ngaich hökngen cha nö sā chu.

ISIKĪ-ĔL 16:14

Ngaich ök ineū-eu meh nö kiröönngöre nö sölngö nö in yip pumnāmö tarik tökūö vanāyö meh, pò e nö teung lökten im lanöökö kahëtö chu in meh ṙô ngam Mā Tēv.

Salmai 48:3

El nup patī rācha an ngam Tēv: ngam chūök innyatlö, nö mikahtökūö tö re.

YERIMIĀ 26:6

Ngaich chū-ö min vīlö ngih patī nö sā Sailō, ngaich chū-ö inrē min vīten ngih elpanam nö tö rūtiṙen tö vē pumnāmötarik ngih tumlat.

ISIKĪ-ĔL 5:15

Minṙēngö ṙô nāichngen inrē töhatūiyu nö ṙô vanööṙö inrē, in vē pumnāmö tarik mahavīlen meh, hē chu min akah fālen in meh i tānānyö inngëṅṙö inrē, holtö manā-any chinökṙen inrē Chū-ö chin, Mā Tēv, töṙô-òvö.

ISIKĪ-ĔL 16:13

Ngatī innyöṅtö ngaich me-eṅ tö humlum rupīö; nup hilā meh inrē nö tövai linen hilā, resöm hilā inrē töyōhoh mirun mat hilā inrē; nyā töpahīöya atra me-eṅ inrē, töpachāka tavī-i inrē. Ṙūölöre vanāyö ngaich me-eṅ, ngaich sā inlahen rācha.

ISIKĪ-ĔL 23:32

Ngö ṙô an ngam Mā Tēv: Òk kūö chūök òk öp kanānöre yin öp tö-aṙū-utī ël tökiröng inrē; hayīöli yin min minôniṙen inrē, pò e nö pōyen aṅ;

TANĪ-ĔL 9:16

Ō Mā, sā nuk tölöök la-en mehnö ṙòkhöre, havööngökūö tanānyöre man yēḵ lanīnöre inrē ṙa-ang im elpanam meh Yērusalem, ngam töhet rung meh; kūö në tökööl fālen ih, ötlanöökö yik muvöhngö ih inrē, ngaich Yērusalem tö vē tarik meh inrē vītöre nöng kūöngô vē taṙòkhöre mahavīlen ih.