INRĀMÖRE 2:14 - TÖHET LĪPÖRE (Re-edited) Bible (BSI)

¹⁴ Meuk minyôiny-aṅ yip pròfĕt yīö inchīl elmat inrē tömeūkö; hö-ö yip nö hameuk tö öt lanöökö yīö hòn havanten yīö öre i kanòlò yīö, meuk töminyôiny-aṅ pöri cha-a tömeūkö inlō-ongkūö inrē.

INRĀMÖRE 2:14 Referans Kwoze

ISIKĪ-ĔL 22:28

Yip pròfĕt ò inrē nö lūöpö cha tö tö-isoh mak lanit, meuk minyôiny-aṅ mineūkö minyôiny chinòng alaha inrē nö in cha, nö ngö ṙô, Ngö ṙô an ngam Mā Tēv, Yĕn rö-ö ngam Tēv nö ṙô-òvò.

YERIMIĀ 5:31

Minyôiny-aṅ ṙô yip pròfĕt, ṙô-ôv, hayöng yip kūönṙô inrē nö i kū-ölōn cha; hāngenlōn yip tarik chu tö e nö ngatī, sitih inlahen öm min me-eṅ yē öp manāngen nö yih?

Isayā 58:1

Pōitô hū-a, un aṙēlôre, sā ṙô römpĕt hachônglö ṙôre; ve-enynang yip tarik chu tö öt lanöökö cha, yip aṅ patī Yāköp inrē tö nup tökööl cha.

ISIKĪ-ĔL 22:25

Yip kūön rācha ellōn ò nöng sā sumṙöp lāyön nö tich pôḵre; ngaich yip nö ngeūṅktö nômö tarik; ngaich yip nö kē kanôlò töpōi ṙāi chehen inrē; pōyen tī yip tö fafiösī nö ellōn e.

YERIMIĀ 2:8

Hö-ö yip kūönṙô nö ngö ṙô Isuh ap Mā Tēv? Yip mahayōm ngam chöngö öt akahakūö tö chu; köölö fālen yip mahayöng nö in chu; lökten i Pē-al ṙô yip profĕt nö ve-eny tömeūkö; ngaich tömrit nup töt kanôluṙô.

SEFAINIĀ 3:4

Hanātö yip pròfĕt ò, tarik inrē mahachīlngövah: hachōichi an ngam töhet chūök tö yip kūönṙô ò, chökhuṙen yip nö ngaich tö ngam chöngö.

MAIKA 2:11

Yē öp tarik nö lök el kuföt i minyôiy-aṅ, nö ngö ṙô, Ahangkö öp vāin chin min in meh tökalēḵ ka-eūt inrē; ngaich nöng sönen anga-aṅ min nö pròfĕt vē tarik.

ISIKĪ-ĔL 13:22

Pò yīö minyôiny-aṅ ngaich kētö öt kumlē-en ellōn tölöök, pòrô chū-ö öt kētö kumlēḵ ellōn ò, ngaich yī-ö inrē ṙūöhöl alaha tötlöök,öi sōten ò nö havööngökūöre tö ngam tötlöök talöökö ò nö hayööken nômö re;

YERIMIĀ 37:19

Isuh yik pròfĕt meh yik vamë-eny ṙô nö in meh, nö ngö ṙô, Öthō ap min rācha aṅ Pēpīlön nö yih nö lā-al yīö lā-al ngih panam inrē?

YERIMIĀ 28:15

Ngaich ngö ṙô ök pròfĕt Yerimiā tö ök pròfĕt Hananiā, Hang man, Hananiā, Hö-ö an ngam Mā Tēv nö tīnten meh, ngaich man vīten vē tarik nö hayönglenre nö i minyôiny-aṅ.

YERIMIĀ 23:36

Un kakka pöri nö hēk tö meh ngam lumngan aṅ im Mā Tēv, pò ngam lumngan nöng kö ṙô töhĕng tak tarik, ngaich me-eṅ inrē hachōichngen minë ṙô ngam tö-aṅ Tēv Mā Tēv tömaṙôngö, ngam Tēv hī.

YERIMIĀ 23:22

Yē cha pöri nö sökhaka nö ip inlēnö tö chu, ngaich cha-a öre nö ahangkö në ṙô chu nö i vē tarik chu, ngaich öre cha-a nö havööngökūö cha nö ṙā-ang im tötlöök talöökö la-en cha inrē.

YERIMIĀ 20:6

Ngaich me-eṅ, Pasūr, ṙòkhöre inrē yip mi-iyöng el patī meh, nö kiröönngöre nö im inkövö; chuh Pēpilön min me-eṅ; in e min inrē me-eṅ kapah in e inrē me-eṅ lāpi, me-eṅ ṙòkhöre yip hol meh inrē, yip chūökṙô meh minyôiny-aṅ vë-eny.

YERIMIĀ 29:21

Ngö ṙô an ngam Mā Tēv yip tömaṙôngö, ngam Tēv Israel, tö inlahen Ahap ök kikōnyö kūön Kōlayā. Sētikiā inrē ök kikōnyö kūön Ma-asāya, vamë-eny minyôiny-aṅ nö in yīö nö i minë-eny chu: Yĕh meuk, kēten cha chin min eltī Nēpukatnēsar rācha aṅ Pēpilön, ngaich anga-aṅ min nö fëlngen cha nö hameukhömat yīö.

INRĀMÖRE 4:13

Kūö tökööl yik pròfĕt ò an angū-ö öt lanöökö yip kūönṙô ò inrē yik kumtaknyö mahām tölöök tarik nö ellōn ò.

ISIKĪ-ĔL 23:36

Ngö ṙô An ngam Mā Tēv tö chu: Kūön tarik hòṅ akah fālen Ōholah ö meh Ōholipā inrē? Ngaich vë-enynang cha chĕi tö nup sin-òkkūö la-en cha.

HŌSĪ 9:7

Yih nup sakāmö chinöha, yih nup sakāmö inva halvah; akahalōn an min Israel tö e: tökūlō-ov an ngam pròfĕt, tökatūö ya ṙen ngam tarik tö aṅhavin tö ngam ma-alaha, kūö ṙôken nup tötlöök in meh, kūö ngam kumnyah elmat inrē nö kiröng.

MAIKA 3:8

Kô-en pöri chū-ö tööḵlö tö minhôiṅyö aṅ im töhet Fanöinylö ngam Mā Tēv, inkaha, fālen inrē, kumlēḵ inrē öich vë-enynang Israel inrē tö tökööl ò.