INRĀMÖRE 2:13 - TÖHET LĪPÖRE (Re-edited) Bible (BSI)

¹³ Sitih ṙô öich kô-òren tö meh, sitih tī asāngen meh, ō me-eṅ kikānö kūön Yērusalem? Sitih tī öich kô asāngen meh,hòṅ chu haṙamkölōn meh Ō Me-eṅ tötchô-òv rēlö kūön Sīyôn? Pòn sā ṙôkti ngam mai ngam pinyāingö meh; chiāp tökô nö havanlen meh?

INRĀMÖRE 2:13 Referans Kwoze

INRĀMÖRE 1:12

Öt lökngöre öi yī-ö, ṙòkhöre yī-ö lamök ngö umuh? Ngëicha meuk inrē yĕn tö ngatī-iv miṙivlōn nö sā miṙivlōn chu ngam tökētu nö i kui chu, ngam tī ngam Mā Tēv ik sakāmö tökiröng tanānyö ò.

YERIMIĀ 14:17

Ngö ṙô man in cha min tö ngih ṙô: Hökten në mat chu nö kāti makmat, hatööm sakāmö inrē, un ṙākenre inrē anū-ö, pò rēlö kūön yip tarik chu kikānö nö nyahav tö vah tökiröng, nö kūö tökalēḵ tī famël.

YERIMIĀ 8:22

Öt sanôhòvkūö vah hòng i Kilīöt? Öt lamë-en vah vö hòng umuh? Ngaich kūöyòh ngam lanööken ap kikānö kūön yip tarik chu nö öthavantu?

2 SAMUĔL 5:20

Yih ngaich Tāvit nö i Pē-ālperasim, ngaich umuh nö fëlö cha; ngö ṙô ngaich anga-aṅ, Piyāyi yik lā-al chu tö ngam Mā Tēv nö i kūö chu, sā panôpnyö kūö mak. Lökten ò nö kaheuk minënyö ök chūökö Pē-alperasim.

TANĪ-ĔL 9:12

Haköpngö minë ṙô re an nö ngaich nup ṙô ò nö lā-alkūö hī yip mahayöngö hī inrē, cha-a yip mahayöngö hī, nö kētö kui hī tö tökiröng öt kanôlò; pòn keuheūtnyöre elkatòh ngam halīöngö nö öttöngatī-ivö nö sā ngam tö ngaich i Yērusalem.

Isayā 37:22

Ngih ön ṙô ngam Mā Tēv tö inlahen ò: Öt kūöngenre an tö meh ngam rēlö kikānö kūön Sīyôn minônngen meh an inrē nö hayīölngen meh: kichinykūöre an nö in meh ngam kikānö kūön Yērusalem.

Salmai 60:2

Kichëyöre ön ngih panam tö tī Meh, tikāchiyö an tö Meh: halinken nup linrākö e; tön kalöka an.

2 RĀCHA 19:21

Ngih ön ṙô ngam Mā Tēv tö inlahen ò: Mihôiṅ lōn ap tötchô-òv rēlö tö meh ap aṅ Sīyôn nö hayīölngen meh inrē nö mināch; Kichiny kūöre ap kikānö kūön Yēsūsalem nö in meh.

YERIMIĀ 14:19

Keuheūtyöre öng Yūtā nö sō-ov tö meh? Sa-òkkūö lōn öm tö Sīyôn? Kūöyòh öm hachökö ih töp lökngen ih ötlanë-enṙen? Ngëichkö lanāmö in, öt yih pöri tölöök; ṙētak linë-en, meuk pöri nöng pinhë-eṅkūö.

ISIKĪ-ĔL 32:31

Hē Fërō nö meūkö cha, haṙamkölōnre min anga-aṅ tökūö yip tömaṙôngö in ò, Fërō tö yip kumyung in ò, töfëli tökūö sanët, ṙô ngam Mā Tēv.