INRĀMÖRE 2:11 - TÖHET LĪPÖRE (Re-edited) Bible (BSI)

¹¹ Cheingö në mat chu tökūö pineūinyö; kalūöchöre ngih ellōn chu; keuheūtnyöre nup ellōn chu nö hōngnyu i miṙivlōn tökūö finëlngö ngam kikānö kūön yip tarik chu, kūö yip tëṅnö nyīö inrē el talöökö ngam el panam nö takngö.

INRĀMÖRE 2:11 Referans Kwoze

INRĀMÖRE 1:20

Yĕh meuk, Ō Mā Tēv tö chu el kanihngen, el tinṙōlen inrē ngih nômö chu, kicheūchö öp fanöinylö chu nö ellōn chu, pò chu öich kiröngö minôṙô. Kētö miṙivlōn ap sanët nö el kanröönö; sā kinpaha angū-ö nö el patī.

INRĀMÖRE 1:16

Kūö u chin peuiny; hëmö mak mat chin; pò ök mahaṙamkölōn chu nö marôvat tö chu; öp töhĕng tak mahangëḵlö kumlēḵ chu; kayööyaṙen yip kūön chu, pòn mihôiṅ nö ngaich ngam tökunyaha elmat.

NGAM LĪPÖRE YŌP 16:13

Havīlen chu yip lumreny in ò. Luvënyukūö nup elkilpong chu nö fāngö, öt ṙālöng; ṙösnyu öp tö-angūöṅ chu nö el tumlat.

YERIMIĀ 4:19

Chanökö chu, tö miṙivlōn, chanökö chu tö miṙivlōn! Chuvālöre chin i chanököre! Kamôḵyö, veūtö tinrūkö an ngam fanöinylö nö el ranūmö chu! Ötkô chin ṙāngôre; pò chu hang ṙô öp römpet pinnëlökūö töp kinyūngö.

Isayā 22:4

Lökten chin ngö ṙô, Chingā-angkūöre tö chu, hòṅ kihīökkūö chin peuiny; ui pītnyöre haṙamlōn chu, tökūö inyëngen ngam kikānö kūön ök tarik chu.

Salmai 22:14

Ṙösnyu chin sā mak, ṙòkhöre në tangëḵ chu nö öt taptöre kūö: sā paröm an ngam ellōn chu; ayëri an nö ellōn chu.

Salmai 6:7

Chihôkö mat chin tö kūö mirivlōn: köinyngöre an kūö yip lā-al chu.

T. LŪKÖS 23:29

Tön yih nup min sakāmö, nup hē ṙô cha min nö ngö ṙô; Tökôlò yin vē töt kūönuvö kikānö, vē tötaṅhaṅv chūök kanūönö, nup teh inrē tötmahapō.

YERIMIĀ 44:7

Ngö ṙô an yih ngam Mā Tēv yip tömaṙôngö töngamuh, ngam Tēv Israel: Kūöyòh öi kēken ngih yöng tötlöök öi höng lā-alre, öi rökngen tarik kikōnyö, kikānö inrē nö ṙā-ang in yīö, tënö, nyīö inrē, nö ṙā-ang ellōn Yūtā, öi öt ṙāhāngu tö chööḵṙen?

YERIMIĀ 14:17

Ngö ṙô man in cha min tö ngih ṙô: Hökten në mat chu nö kāti makmat, hatööm sakāmö inrē, un ṙākenre inrē anū-ö, pò rēlö kūön yip tarik chu kikānö nö nyahav tö vah tökiröng, nö kūö tökalēḵ tī famël.

YERIMIĀ 8:19

Hang, tö ṙô öp kikānö kūön yip tarik chu löktökūö rôta, ṙôkti ngam panam inrē: Hö-ö öng ngam Mā Tēv nö i Sīyôn? Hö-ö öp rācha nö in e? Kūöyòh yip nö harunnyö lanīnö chu tönup töka-īpö insā tēv cha, nup aṅ tahëng insā tēv cha inrē?

Salmai 69:3

Chei chin tö ṙô re peuiny; nyôp ön ngih kilööp chu nö ngaich: paṙūöyi mat chin ip hē re hökkö ngam Tēv chu.

Salmai 31:9

Ō Mā Tēv, aṙē-ĕlōn tö chu, tön el kanihngen chin: lënyi mat chin ngaich tö miṙiv-lōnre, hôṅ, ngih ellōn chu, töng alaha chu inrē.

1 SAMUĔL 30:4

Ngaich Tāvit tö yik tarik ò inrē nö harāmöre nö pōitô peuiny inrē hanöng saha cha nö öt ōtre kumlēḵ tökūö ṙô re nö peuny.

Isayā 38:14

Sā öp tömarô-òl likeun chehechōn, ngatī tinkākö ṙô chū-ö; sā miṙivlōn pumpa chin: öt meuk në mat chu nö ngëichkö lātulöng; Ō Mā Tēv; taṙamtöre chin, me-eṅ man yēḵ chūök inköpngö chu.

NGAM LĪPÖRE YŌP 30:27

Kalūöchöre öp ellōn chu, öt hētu nö ṙēm; höngkūö chu nup sakāmö kanihngen

Salmai 38:8

Tayē alaha chin, pōihangṙen paṙòk inrē: ayôṙa chin tökūö öt ṙanëmö ellōnre.

Salmai 119:82

Paṙeūmi elmat chū-ö tö kūölōn re töm ṙô Meh: yē chu ngö ṙô, Ĕhē Öm min haṙamlōn chu?

INRĀMÖRE 5:17

Kūö e an ngam ellōn hī nö vāhavö kūö u në mat hī nö paṙeūma,

Isayā 51:20

Tayē alaha yik kūön meh kikōnyö keuheūt kui talöökö yip nö hulalhaka sā Entelòp nö el inhāṅl; tööḵngen yip tö lanīnö ngam Mā Tēv, tö ngam vinë-a aṅ im Tēv yīö.

INRĀMÖRE 1:11

Ṙòkhöre yip tarik ò nö alūhure hē cha nö chöh nyā-aṅkūöre, inyihngö chehen re yip tö töpōi ṙāi nö ṙāi nyā-aṅkūö pò cha nö hòṅ kalēḵ. Ngëicha, Ō Mā Tēv, meuk inrē tön ha-āchīṙen chin.