INRĀMÖRE 2:10 - TÖHET LĪPÖRE (Re-edited) Bible (BSI)

¹⁰ Ūichhak yip maṙöinylö kikānö kūön Sīyôn nö el tumlat nöng öt ṙô-òvö; tūi kuire cha-a inrē tö tumlat hayūtöre inrē tö sāk; sōntö kui re nö el tumlat yip rēlö aṅ Yērusalem.

INRĀMÖRE 2:10 Referans Kwoze

Isayā 3:26

Ngaich nup inkūp ò min nö haṙivlōn nö harāmöre; öt aṅhaṅvkūö min ngaich anga-aṅ höng ūichhakṙen nö el tumlat.

Isayā 15:3

El talöököre cha-a nö fūömṙatre tö sāk: i kui patī re inrē kö ayôṙa cha-a pōitô nö peuiny.

AMŌS 8:3

Inyôṙö ṙô nup min tinkökö nö el patī rācha ip sakāmö angū-ö, ṙô ngam Mā Tēv: pōyen nup min alaha tökapah; keuheūtngöre chūök tī min cha-a nö kavalngen cha nöng öt ṙēnuṙô.

ISIKĪ-ĔL 7:18

Kafānöre yip tö sāk, kahūmöre inrē tö pinhë-eṅkūö; i kūö cha ap sumrōngkūö, el kui cha inrē nganāyö kui.

INRĀMÖRE 3:28

Hökngen ò yēḵ nö hĕngtöṙah nö ūichhak el chanëvö yĕn hakeunlen ò anga-aṅ tö e;

INRĀMÖRE 1:4

Haṙivlōn nun në talöökö tö kū-ötö Sīyôn, pòn öt hĕng ak yamih nö i nup töhakāmi tökirög nyinā-aṅ; ṙòkhöre në inkūp ò nö öt aṅhaṅvkūö alūhure yip kūönṙô ò; tūökiyö yik aṅ in ò rēlö, ngaich anga-aṅ inrē nö kiröngen kanihngen.

INRĀMÖRE 1:1

Yöng chanëvö ngih elpanam nö ūichhak ngih tötööḵlö tö tarik sin! Sitih öng nö vītöre nö sā tafīösi, ngam tökiröng sin nö in në pumnāmö tarik! Anga-aṅ ngam kūön Rānī sin nö i në elpanam vītöre ngaich nö aṅ el katòh.

Isayā 47:1

Tā-a yôkti, ūichngöre el tumlat, Ō rēlö kikānö Pĕpīlön; ūichngöre el tumlat öm öt kantēravö, Ō kikānö kūön aṅ Kāltī: tön rö-ö man ngöhören invëka tö-ayālö alaha.

YÔSUĀ 7:6

Tikachngö inyutre ngaich Yôsuā, ngaich fātngökūöre nö, afukngöre nö el tumlat nö i kūö ngam kasòng chöngö ngam Mā Tēv nö söl harap, anga-aṅ tö yik minṙöinylen Israĕl inrē, tūi el kui re inrē cha-a tö tumlat.

INMEUKHÖMAT 18:19

Tūi elkuire cha-a ngaich tö tumlat, hūḵa inrē, peuny, ane inrē haṙivlōn, nö ngö ṙô. Ötkôlò, ötkôlò, ngam tökiröng elpanam, ngam chūök yip tö chōngu nö el mai, nö vīlöngö nö kôlò, tö kūö ṙôken nuk ṙāitī! Pòn höng i tö hĕng chinvāl ṙô inhangnang angū-ö nö vītu nö lëlngö.

AMŌS 8:13

Ip sakāmö angū-ö yip tövai rēlö min tö yip ṙāl tarik nö takngö kūö inṙëhe nômö re.

AMŌS 5:13

Lökten ngòh tö-akaha nöng öt ṙô-òv min ip hē e; pò e nö tötlöök nö ṙētak.

YŌ-ĔL 1:8

Harāmöre yin sā töt chô-òv rēlö fūmlö ṙat re tö sāk tökūö öp pīhö inyālö ò.

ISIKĪ-ĔL 27:31

Kūö meh cha-a nö kuhākngöre, ngaich kafanngö re tö sāk, peūinyö meh cha-a nö kiröngö miṙivlōn, holtö miṙvlōnre.

INRĀMÖRE 5:14

Ṙangö kūö inkūp ngam elpanam yip tököiny tarik, ṙāngö tīre yip ṙālö tarik nö röng.

INRĀMÖRE 5:12

Hatūöilöng kël yip kūön rācha; öt inṙētu yip mā.

INRĀMÖRE 4:16

Kahang tīre an ngam Mā Tēv nö pirātngen cha, hö-ö an min nö ngöhören chumkūöṙen tö cha; Öt hameuktu ineū-eu yip kūönṙô, öthanāngenvö in yip mā.

INRĀMÖRE 4:5

Cha-a yip nya-mā-aṅvkūö tö tökuchik lëlngö nö el talöökö; cha-a yip töharuklöng nö hilā tö tö-amëla töhuṙing hulalhaka nö fônghak i kui tisum.

YERIMIĀ 8:14

Kūöyòh öi ayī-ö öt halöinyköre höng ūichhakṙen? Hamūlöre yin, tā-a töi kuhēthöre i nup elpanam töchūöku kumyūnglö, ngaich umuh öi kapah; pò ngam Mā Tēv ngam Tēv hī nö kētö kui hī tö kinpaha ane inrē kē-ĕkūö hī öi òk mak tökapahhukūö; pò hī köölö fālen im Mā Tēv.

Isayā 47:5

Ūichngöre un takākaṙô kuhēthötre inrē el sinngūlö, Ō me-eṅ kikānö kūön aṅ Kāltī: tön rö-ö man ngöhören invëka öm mā kikānö i nup pūlngö.

Isayā 36:22

Ngaich yih ang Ēliakim ök kikōnyö kūön Hilkia, ök yōm patī, Sipnah inrē ök kamūich, Yôah inrē ök kikōnyö kūön Asaf ök kamūich töhaköpiṙen nö in Hēsikia nö inyut tö töng takaich, ngaich vë-enynang ò tö nup ṙô Rapsakē.

2 SAMUĔL 13:19

Tūilö tisum ngaich Tēmar nö elkuire, tikāichngö ök töṙōlkangen mirun mat inyutre inrē ök in ò; ngaich rup kui re anga-aṅ tö eltī re, kiröönngöre ngaich, nö pōitô nöng paneuinyngöre nö kiröönngöre.

Isayā 3:24

Ngaich ngö inlahen angū-ö min, nö ṙënngen nup tötahūsa min öp chinhūngö; ṙënngen öp nyanëkṙat min öp pisik tölöinyö; ṙënngen öp tövai keūyö min öp nganānyö kui; ṙënngen öp nyanëk aich öp sāk min nö vöntu; ṙënngen öp vanāyö tarik öp töfönghötvö minkahngö alaha.

ISIKĪ-ĔL 27:30

Pōitô nö haramngövah meh, Kihīökkūö nö peuiny inrē. Tūi kui re cha-a tö tumlat Pilönöre inrē nö el tisum;

YÔNA 3:6

Ngaich nuk inhānga nö sölta nö ik rācha aṅ Ninēvĕ, chōholre ngaich anga-aṅ nö ṙā-ag el ök kantēra re nö rācha, ṙātö nuk inyut re inrē nö ṙā-ang ò, kahūmöre ngaich anga-aṅ tö sāk, ūichhakṙen ngaich nö el tisum.