INRĀMÖRE 1:9 - TÖHET LĪPÖRE (Re-edited) Bible (BSI)

⁹ Māichngö nun minë kinfan ò tötöng yô-òv; ötlōnu an tö chanuhngenre; lökten an nö pōi hangṙen nö im fanukngöre, hö-ö an nö mahaṙamkulōn. Ō Mā Tēv, meuk kanihngen chu, tön mihôiṅ an ngam lā-al chu!

INRĀMÖRE 1:9 Referans Kwoze

I. CHÖNGÖ 32:29

Akaha yip öre, hòṅ cha nö akaha elmat tö ngih, hòṅ cha nö ngëichkö öp manāngenre!

Isayā 47:7

Ngaich ngö ṙô me-eṅ, tötchanūhuvṙen chin mā kikānö: Lökten meh öt ṙātö në nö ellōn meh, öt rehĕn öm afēkö öp unôich manāngen e.

INRĀMÖRE 1:17

Silônyö këlre an Sīyôn, öt hĕng tak pöri mahaṙamkölōn ò; chöngu an ngam Mā Tēv nö lā-al Yāköp nö hōten yip ranghö ò nö lā-al ò; ngaich an Yērusalem nö vītöre nö mum nö in cha.

Mumkahten 4:1

Hēk chū-ö meuk nup inkihten tö harunkaṙen el katòh ngam tavūöi. Yĕh meuk, nup mak mat tö hakihtuṙen, ngaich cha-a nö öt hĕng tak mahaṙamkölōn! Lā in yip mahakihten cha ap kumlēḵ, ngaich öt hĕng tak umuh mahaṙamlōn cha.

Salmai 25:18

Ngëichkö kanihngen, inlöi-nyö chu inrē: ngaich aṙēlö në tökööl chu.

SEFAINIĀ 2:10

Angū-ö min in cha tökūö inkeūlen cha, pò cha nö miṙē-anga ane inrē hapōilöre nö lā-al vē tarik ngam Mā Tēv yip tömaṙôngö.

YERIMIĀ 48:26

Mihiyōingen ò, tön hapōilöre an nö lā-al ngam Mā Tēv; hòṅ Mô-āp min nö kiyū-öre nö i kuvah re, anga-aṅ öp min inrē tö pinhëṅtukūö.

YERIMIĀ 2:34

I mat kinhôi meh inrē nö kôti ngam mahām nômö tötfāluṙen yāich; öt kôtökūö me-eṅ tö cha nö tilunghötre. Pòrô pöri anū-ö në nö ngatī

Isayā 3:8

Pò Yērusalem nö payāyi, fukngö inrē Yūtā: kūö ngam litāk cha ngam vahīṙen cha inrē nö lā-al ngam Mā Tēv, nö harunnyö mat ngam kanôlò ò.

Salmai 119:153

Ngëichkö në kanihngen chu, ngaich ṙānyen chu: tön öt vaichngö chin tö ngam chöngö Meh.

1 PĪTÖR 4:17

Tön yih an ngam ṙētak kinṙôka nö rĕhlöngö nö el patī ngam Tēv: yē e pöri nö rĕhlöngö nö in hī, ngaich sitih manāngen min yip ma-ahôngô ngam tölöök inhangkö ngam Tēv?

T. YÔHAN 11:19

Maṙôngö yik Yahūti Yamihtöre nö in nā Mārta, nāṅ Mariā, nö mahaṙamkölōn cha, pò ök kanônyö cha nö kapah.

HŌSĪ 2:14

Lökten, yĕh meuk, haṙöingen ò chin min, ngaich kēten ò nö el tönyalnyi, ngaich ṙāmölōn ṙô vë-ekūö ò.

INRĀMÖRE 4:1

Sītih öng ngam humlum nö paheumngöre elmat, ngam töhet humlum nö haṙī-ingre! Minë töhet ihong parāta nö hulalhaka nö kö I kui kanröönö.

INRĀMÖRE 2:13

Sitih ṙô öich kô-òren tö meh, sitih tī asāngen meh, ō me-eṅ kikānö kūön Yērusalem? Sitih tī öich kô asāngen meh,hòṅ chu haṙamkölōn meh Ō Me-eṅ tötchô-òv rēlö kūön Sīyôn? Pòn sā ṙôkti ngam mai ngam pinyāingö meh; chiāp tökô nö havanlen meh?

INRĀMÖRE 1:21

Hang inlūhu chu; öt hĕng tak umuh mahaṙamkölōn chu. Ṙòkhöre yip tökunyaha elmat tö chu nö hang kanihngen chu; ṙāmölōn cha-a tö meh tīten e. Kētöp sakāmö man öp vahë-eny meh, ngaich hökngen cha nö sā chu.

YERIMIĀ 50:29

Havëtö yik lumreiny nö lā-al Pēpilön, ṙòkhöre cha-a yip samôntö linreiny Iyöngtöre havīlen ò; un hĕng tak tö öt kô-òngvah. Kē-ĕkūö ò asā nuk tī ò, tī-iv in ò tö tösā nuk töngaich tī ò; tön hakeūlenre an nö harāinyngö ngam Mā Tēv, ngam Töhĕng Töhet in Israel.

YERIMIĀ 16:7

Öt hĕng tak min famòk rôti nyā-aṅ yip töhaṙīvölōn, nö haṙāmlōn ò kūö yik tökapah; öt rēhĕn min nö hĕng tak kamë-eṅkūö ò tö kulah inṙāmkölōn nö òk tökūö ök yöng ò kikōnyö hēk kūö ök yöng ò kikānö.

YERIMIĀ 13:27

Ngaich chin meuk nup sin-òkkūö in meh, insĕha inrē, ngam öt lanöökö meh i mi-inyihköre kikānö, i kui rung el töngāṅ. Ō Yērusalem, öt kôlò man! Irô-òten öng min urēhĕkūö meh öm ahetlöngö?

YERIMIĀ 5:31

Minyôiny-aṅ ṙô yip pròfĕt, ṙô-ôv, hayöng yip kūönṙô inrē nö i kū-ölōn cha; hāngenlōn yip tarik chu tö e nö ngatī, sitih inlahen öm min me-eṅ yē öp manāngen nö yih?

Isayā 54:11

Ō me-eṅ töhakihtuṙen tö tasôka el chanôchö mai, töng öt inṙamkulōn inrē, yĕh meuk, ṙātö nup ihong meh chin min in nup töng lingūṅ elmat ihong, ṙātö chūök rööntö machööḵlö meh inrē in nup safīr.

Isayā 40:2

Vë-ekūö Yērusalem ṙēmöṙô, vë-enynang ò inrē tö ngam kinyūngö ò nö keuheūten, tö nup tökööl ò inrē nö aṙēlöngö; tö ò nö nëtö taneūngen nö eltī ngam Mā Tēv nö ṙënngen nup tökööl ò.

Isayā 37:29

Kūö ngam tanānyö meh tö chu, ngam kanësen meh inrē nö yih nö elnang chu, lökten chin kavòkhötkūö ngam inkāl elvāng inrē nö i minuh meh, ngaich chū-ö min havöökūö meh ip talöökö löktö meh sin öm yih.

Isayā 37:23

Achiāp miṙēngö meh öt lahēkö el nang meh inrē, lā-al chīö öm inrē öm hapōilö ṙô re môklökūöre inrē öm lātulöng? Öm höng lāklö ngam Töhĕng Töhet in Israel.

Isayā 37:17

Ō Mā Tēv asītö elnang re man, öm hang; Ō Mā Tēv, milaklö mat re, öm ngëicha: hang në ṙô Senakerip në tö söömtu nö minṙēngö ngam tö-aṅ Tēv.

Isayā 37:4

Lohten an ngam Mā Tēv ngam Tēv meh nö hang nuk ṙô Rapsakē, ök tötīntu tök yöng re rācha aṅ Asīriā nö miṙēngö ngam tö-aṅ Tēv ngaich vëkö nuk ṙô min nuk töhāngö tö ngam Mā Tēv ngam Tēv meh: lökten man yēḵ vë-ekūötēv vë-elkui vē chööḵṙen tö-ōtre.

Salmai 140:8

Ō Mā Tēv, un kētu lōn ngam tötlöök: un ṙūölöng öp halēnlö cha tötlöök; hòṅ cha nö öt hakeūṙö re.

NAHIMIĀ 9:32

Lökten yĕh, Tēv ih, tökiröng tökalēḵ Tēv inrē pinhë-eṅkūö, mahaköp kinlēḵngô tököpö hanāngenlōn inrē, uh nup kanihngen tölōn nö tökūöṅnen nö in meh nup yamih nö in ih, in vē rācha ih, vē kūön rācha ih, vē kūönṙô ih, vē pròfĕt ih vē yöng ih vē taṙòkhöre tarik meh inrē, hēten tö yik rācha aṅ Asiriā söl ing töngamuh.

2 RĀCHA 14:26

Ngaich ngam Mā Tēv nö meuk kanihngen aṅ Israĕl nö kiröngen, pòn rö-övö tölöpikūö öt rēhĕn töṙā-ayö nöng kanahngenre, öt rēhĕn hamòlṙen nö i Israĕl.

2 SAMUĔL 16:12

Lohten An min ngam Mā Tēv, nö ngëichkö ngam tövaich tī ò nö in chu, ngaich havāhalvah chu min tö tölöök tökūö ngih rinūtngövah chu töngamuh.

1 SAMUĔL 1:11

Ngaich chūöku ṙô anga-aṅ nö kilēḵngöṙôre, nö ngö ṙô, Ō Mā Tēv tömaṙôngö, yē meh hōḵ ngëichkö kanihngen ngòh tarik meh kikānö, fēken chu inrē, un vāchi inrē ngòh tarik meh kikānö, kē-ĕkūö ngòh tarik meh pöri kikānö tö kikōnyö nyīö, ngaich kēten ò chū-ö min im Mā Tēv i rô-òten ò nö aṅ, hö-ö öp min nö kamöpka keūyö.

I. CHÖNGÖ 32:27

Öt pa-ekūö öre chū-ö tö inkeūlö öp tökunyahaelmat, hòn öt vāchö kūölōn yip lā-al cha, hòṅ cha nö öt ngö ṙô, Hapōi- löng ön ngih kël hī, Rö-ö nun në nö tī ngam Mā Tēv.

I. CHÖNGÖ 26:7

Ngaich peuinyhökūö ngam Mā Tēv īhö, ngam Tēv yik muvöhngö ih, ngaich ngam Mā Tēv nö hang ṙô ih, meuk kanihngen ih, la-en ih, inkihten ih inrē;

MANEUTNYI 4:31

Ṙātö ellōnre ngaich yik tarik: ngaich hē cha nö hang ngam Mā Tēv, tö Ò inrē nö meuk kanihngen cha, ngaich sōntö kuire chā-a nö Salām.

MANEUTNYI 3:17

Ngaich ngöṙô chū-ö, Hòṅ kēten yīö chin i panam aṅ Kanā-an, Hitāit, Amòrāit, Perisāit, Yapusāit inrē, ap panam töhëmö aṅkūö tö aṅteh hönī inrē.

MANEUTNYI 3:7

Ngaich ngöṙô ngam Mā Tēv, Meuk kanihngen yip tarik re Chin, yip i Aikup, ngaich Chin hang ṙô cha nö peuiny tökūö tī yip yöngṙen cha nö la-evṙen; akahalōn Chin tö miṙivlōn cha.

Salmai 69:21

Kē-ĕvkūö chin tö cha tö tö-angūṅöv nö nya-aṅkūö chu: i inṙëhe nômö chu, kē-ĕkūö chu cha-a tö töhikīölhu vain nö òk.

Isayā 51:19

Nët nun në famuk in meh chiāp min mahaṙamkölōn meh? Inhatngö pinyāingö inrē inyāichö tachôi fël inrē: chiāp min mahaṙamlōn meh?

INRĀMÖRE 5:1

Ō Mā Tēv, köpölōn tölāinyngen ih; yĕh meuk, ngëichkö minṙē-ĕng ih inrē!