INRĀMÖRE 1:8 - TÖHET LĪPÖRE (Re-edited) Bible (BSI)

⁸ Pōi hangṙen an Yērusalem nö köölö fālen, lökten an nö vītöre nö mum; ṙòkhöre yip ameū an nö hayëngen ò, pò cha nö meūkan nö chumlal; hôṅ, alūhure ana, hapungngökūö inrē.

INRĀMÖRE 1:8 Referans Kwoze

INRĀMÖRE 1:11

Ṙòkhöre yip tarik ò nö alūhure hē cha nö chöh nyā-aṅkūöre, inyihngö chehen re yip tö töpōi ṙāi nö ṙāi nyā-aṅkūö pò cha nö hòṅ kalēḵ. Ngëicha, Ō Mā Tēv, meuk inrē tön ha-āchīṙen chin.

YERIMIĀ 13:26

Hakôtenre chin chū-ö min mëchlö kinhôi meh nö i kūö meh ngaich meūkö min ap sumrōngkūö meh.

YERIMIĀ 13:22

Ngaich yē meh, ngö ṙô ellōn re, Kūöyòh ön në nö teunghö kui chu? Kūö ṙôkö öp öt lanöökö meh öp mamëchlö ngam kinhôi meh, ngaich kihngen me-eṅ tö chanökhuṙen.

INMEUKHÖMAT 3:18

Halēnö meh chin öm havah humlum in chu, nup tö halööktitvö tö tameūyö, hòṅ meh öm kôlò, tö-isoh hilā inrē, hòn meh kafānöre, hòṅ öt hameuktu ngam sumrōngkūö meh öm chumlal; sanöichmat inrē nö sanòh mat meh, hòṅ meh meuk.

HŌSĪ 2:10

Ngaich chin min töngamuh kôtökūö tö sumrōngkūö ò i kūö yip hanāngenlōn ò, öt hĕng tak min ṙāmānyen ò nö ṙā-ang eltī chu.

HŌSĪ 2:3

Hòṅ chu öt luhngö hilā ò nö chumlal, ngaich ṙāten ò nö sāre ik sakāmö ò nö fötnyu, ngaich vīten ò nö sā el tönyalnyi, ṙāten ò inrē sā tönyô panam, ngaich aṅtī tö yanālö kumpahan;

ISIKĪ-ĔL 23:46

Pòn ngö ṙô ngam Mā Tēv: Kētö tömaṙôngö lā-al cha, vīten cha inrē nö chööḵnyö, pinhë-eṅkūö inrē nö chehen.

ISIKĪ-ĔL 23:29

Ngaich cha-a min nö lök alaha yīö nö surīkhen yīö, kēngö nup ṙòng la-en yīö inrē; ṙāngen yīö inrē chumlal öt aṅhāṅv alaha, hameuknyu min inrē ngam linchôyö yīö inyihköre. Ngam töchōich la-en yīö inyihköre inrē.

INRĀMÖRE 4:21

Haṙamlōnre ṙāmölōn inrē, Ō kikānö kūön Ētöm, mi-iyöng ip panam Us; söömhukūö pöri me-eṅ min tö ngam chūök òk; hiyōi man min ṙòngngö inyut re inrē öm chumlal.

INRĀMÖRE 2:10

Ūichhak yip maṙöinylö kikānö kūön Sīyôn nö el tumlat nöng öt ṙô-òvö; tūi kuire cha-a inrē tö tumlat hayūtöre inrē tö sāk; sōntö kui re nö el tumlat yip rēlö aṅ Yērusalem.

YERIMIĀ 34:17

Lökten, ngö ṙô an ngam Mā Tēv: Hö-ö yin hang chöngö chu i inhangkö ngam ṙinānyö, öi kö i mak alahare i holre inrē; yĕh meuk, ahangkö ṙinānyö yīö chin chū-ö i kūö sanët, inyāchö, tölëlngökūö invah inrē, ṙô ngam Mā Tēv. Vīten yīö chin min pinhë-eṅkūö në pūlngö ngih tumlat.

YERIMIĀ 24:9

Vīten cha chin min nö pinhë-eṅkūö in nup pūlngö ngih tumlat nö ṙòkhöre,nö minṙēngö, inchō-oṙô, inkeūlô, rinūtngövah inrē, i nup chūökö nö ṙòkhöre chūök cha nö ahōṙi tö chu min.

YERIMIĀ 15:4

Vīten cha min nö pinhë-eṅkūö i në pūlngö ngih tumlat kūö tī Manasē ök kikōnyö kūön Hēsikia, rācha aṅ Yūtā, nö i Yērusalem.

YERIMIĀ 6:28

Töngëḵ yin nö ṙòkhöre nö ma-ahôngen, havötköre nö kumtö vine-engnang; mās yin, vët inrē, ṙòkhöre yin nö chōichö la-en.

YERIMIĀ 4:31

Pò chu hang ṙô öp kikānö nö halöinyöre nö kayôḵ, nö sā chanökö kamyônyö öp lanòh kūön re, töhāngö ṙô öp kikānö kūö Sīyôn nö kisakngö umhômöre, nö hateutnyökëlre, Aōla chū-ö! Chaṙīvi chin ngaich i kūö famël tarik.

Isayā 47:3

Hameuknyu ap min linchôyö meh, hôṅ, meūkö ap min sinrōngkūö meh: Kē invahal vah chin min, hö-ö chin min aṙēlu tö tarik.

1 RĀCHA 9:9

Ngaich ngö ṙô min cha-a nö sap ṙô. Kūö cha nö ṙāngö ngam Mā Tēv ngam Tēv cha, ngam kamënyen cha tö yik muvöhngö cha nö ṙā-ang öp panam Aikup, ngaich kētö tīre nö i tahëng tēv, ngaich salāmö u, lök la-en u inrē: lökten an ngam Mā Tēv nö kēten në tötlöök nö i kui cha.

1 SAMUĔL 2:30

Lökten an ngam Mā Tēv, nö ngö ṙô, ngam Tēv Israĕl, Kô-en chin ṙô-òv tö ngam patī meh, patī ngam yöng meh inrē, öich hōten u nö örheūheu nö lök i kūö chu: ngaich pöri töngamuh nö ngö ṙô ngam Mā Tēv, Marôvat an yēḵ tö chu; milēḵṙen chin min tö cha yip tömilēḵṙen tö chu, ngaich acha-a yip tömināch tö chu nö kūöṅnen hananghuṙen min.

1 RĀCHA 9:7

Ngaich chū-ö min rökngen Israĕl nö öt ing panam ngam kahëtö chu in cha; tö ngih patī inrē, ngih ahetlö chu nö i minënyö chu, kavāli min angū-ö nö ṙā-ang i mat chu; ngaich Israĕl min nö inchō-oṙô tinkāköṙô inrē nö in yip taṙòkhöre tarik:

Ranehlö 3:7

Ngaich nuk matchanyöre nö löpnyörekūö, ngaich cha-a nö akahakūö töcha nö lichôi; ngaich cha-a nö chōk rōi fik, ngaich vī ngôngre.

INRĀMÖRE 1:17

Silônyö këlre an Sīyôn, öt hĕng tak pöri mahaṙamkölōn ò; chöngu an ngam Mā Tēv nö lā-al Yāköp nö hōten yip ranghö ò nö lā-al ò; ngaich an Yērusalem nö vītöre nö mum nö in cha.

1 RĀCHA 9:6

Yē yīö pöri min havööngökūöre i tinöömörit, yī-ö hēk inrē yip kūön yīö, öi öt haköp në inchöngten re tö chu në chöngö chu inrē në ṙahātö chu i kūö yīö, ngaich lök la-en nup tahëng tēv, salāmö u inrē:

YERIMIĀ 32:23

Kuhēhötre cha-a nö kē-ĕ e nö amin cha. Hö-ö pöri cha-a nö hangṙô Meh hēk lök chöngö Meh; öt hēngö kahëken tö nup tinölô cha tö meh nö la-evṙen. Lökten Meh vīten në töt löök nö yih nö i kui cha.

ISIKĪ-ĔL 39:23

Ngaich vē pumnamö tarik min nö akahalōn tö ngam patī Israel nö chuh el inkövö tökūö tökööl cha, pò cha nö michūḵ chanökhuṙen nö in chu tö lökten chu hayunngökūöre tö cha ngaich kēten cha eltī yip tökunyāṅha elmat tö cha, ngaich ṙòkhöre cha-a nö fukkūö sanët.