6 Ṙā-ang im kikānö kūön Sīyôn nö ngaich nup minā-aṅ ò. Vītöre yip kūön rācha ò nö sā hāt öp tötkôtökūö tö kiyôp; falngö re ngaich anū-ö nö öt kalē-en nö i kūö yip lamū-u-re.
Ngaich me-eṅ, kūön tarik, ip sakāmö hē chu min kē ngam töngëḵ chūök cha nö ṙā-ang in cha, ngam ṙānāmölōn cha ineu-euṅ cha inrē, ngam kumchik elmat cha kuilōn cha inrē, tö yip kuön cha kikōnyö kikānö inrē,
Ngö ṙô tö ngam patī Israel; Ngö ṙô an ngam Mā Tēv: Yĕh meuk, hachōichngö ngam töhet chūök re chin min, ngam inkeūṙö mina-aṅ yīö, ngam kumchik elmat yīö, ngam kūilōn yīö inrē; ngaich yip kūön yīö min kīköinyö kikānö inrē yip töṙā-ayö tö yīö nö fuk kūö sanët min.
Ngaich anga-aṅ nö föngtökūö ök patī ngam Mā Tēv, tö ök patī ök rācha inrē ṙòkhöre inrē nuk patī i Yērusalem; keuheūtngöre tökiröng patī nö föngtukūö tö ò.
Piôknyö mat Sēikia anga-aṅ, nyëkan inrē tö sayōk,ngaich ök rācha aṅ Pēpilön nö kē an nö chuh Pēpilön, chaphöt ò ngaich nö el kinlōngö tarik hanöng saha sakāmö kinpaha ò.
Kē-ĕ nup min elpanam, kē-ĕ inrē nup töngëḵ chūökö. Ip sakāmö angū-ö min öp ellōn yip kumyung aṅ Mô-āp nö sā ellōn kikānö mahalöinyöre nö kayôḵ;
I ṙënṙô röön nup kōiny kōra ò, i fanālö nup inröl ò, i linreungöṙô nup kalröön inröl ò, öt tēk ukre yip yöng tö yip kūön cha öt kalē-en nup kël cha.
Ngö ṙô an ngam Mā Tēv yip tömaṙôngö, ngam Tēv Israel, nö in yip tö-ahöti nö ṙòkhöre yip tahīnngö chu nö ahötī nö ṙā-ang Yērusalem nö i Pēpilön;
Ngö ṙô tö ngam ṙācha tö ngam rāni yöng nyīö inrē: Kē lataṙeū anūichöre, tön ṙūötö chūökre an ngam tövai sapīöv meh nö ṙā-ang i kui meh.
Pōitô hū-a inrē, me-eṅ aṅ Siyôn; tön kiröng an ngam töhet aṅ in Israĕl nö el ṙôngö meh.
Ngaich ngam Mā Tēv min nö hēk nö keuheūtlöre tī nö vīlö elyöngö aṅ kui rung Siyôn, i kui nup manūlö ò inrē, öp taṙul lul inrē tö sakāmö, öp pinchālö hanūkūö tameūyö inrē tö hatööm: pòn ṙòkhöre min nö i kui ngam kanôlò öp inrūkui nö hanyāṅknyuvö.
Sitih ang ngam elpanam tökô-en nö vītöre nö kikānö mī-inyihköre, ngam tötööḵlö tö inkaha fālen! Iyöng ël e lanöökö, ngaich pöri töngamuh nö chūök famëlngö tarik.
Ō, salām ngam Mā Tēv i vanāyö hanātö: ṙòkhöre panam kichëyöre i kūö Ò.
I Siyòn ngam Tēv nö meūkö: nö teūngö vanāyö.
Ngih ön ṙô ngam Mā Tēv tö inlahen ò: Mihôiṅ lōn ap tötchô-òv rēlö tö meh ap aṅ Sīyôn nö hayīölngen meh inrē nö mināch; Kichiny kūöre ap kikānö kūön Yēsūsalem nö in meh.
Sitih inlahen öp töhĕng tak nö lūḵ töhĕng köny, Nët tak inrē nö pāngö tī tö tösöm köny, yĕn öt ngam Ihong cha mi- inyihngen cha, Ngaich kēten cha ngam Mā Tēv?
Vīten meh an ngam Mā Tēv min ötkô tö yip lā-alre: hēngö talöökö më-eṅ kunyi-inyre lā-al cha, ngaich sātö talöökö falngöre ṙā-ang i kūö cha; ngaich më-eṅ min höng kavalka i në pūlngö ngih tumlat.
Alongköṅny kaha ngaich ngam elpanam, ṙòkhöre yik tarik kumyung nö falngöre tö hatööm nö löknyö ik inkup ihôi nuk tönët ihong kinlēḵngô, nuk töröhta nö ik panô-òṅ ök rācha: (vinngö yik aṅ Kāltī nö lā-al ngam elpanam:) ngaich ök rācha nö kiröönngöre nö löknyö öp talöökö Arapā.
Ngaich pöri yik kumyung aṅ Kāltī nö lūḵlörit ök rācha, kô-òl ngaich nö in ò i nup töṙā-akūö panam Yērikō: ṙòkhöre yik kumyung nö parāti tö ò (ṙāngen ò).