INRĀMÖRE 1:5 - TÖHET LĪPÖRE (Re-edited) Bible (BSI)

⁵ Mā yik lā-al ò nö ngaich, kôlò yip tökunyaha elmat tö ò, pò ngam Mā Tēv nö vīten ò nö kihngen kūö töpōyen tanôichngen ò; ngaich yik kūön ò nö kiröönngöre, urēhĕkūö öp lā-al re nö hakövö.

INRĀMÖRE 1:5 Referans Kwoze

ISIKĪ-ĔL 9:9

Ngaich ngö ṙô anga-aṅ tö chu, Yahlö ṙôken ap nö kiröng fālen ngam patī Israel Yūtā inrē: tööḵlö an ngam panam tö mahām, tööḵlö inrē ngam elpanam tömichūḵṙen inkaha fālen; pò cha nö ngö ṙô, Ṙā-ayö an ngam panam tö ngam Mā Tēv, hö-ö an inrē ngam Mā Tēv nö ngëicha.

YERIMIĀ 39:9

Ngaich ang Nēpūsaratön, ök yöngkūö yik amahati, nö kēngö yik tarik chööḵṙen yik tö-ōtre nö im elpanam nö ahötiyö nö i Pēpilön, cha-a yik mahavāngtöre nö in ò, tö yik tarik inrē tö-ōtren.

INRĀMÖRE 3:46

Ṙòkhöre yip tökunyaha elmat tö hī nö ötlēḵkôre tö hī;

INRĀMÖRE 2:17

Ngaich tī an ngam Mā Tēv im chööḵnyö ò, hateungngö ngam inngāṅngö an; halēnlö e an nö marô-òten misī, öt aṙē-ĕlōn an nö tiṙölhanga; ṙāmölōn tī an nö ngaich tö ngam tökunyaha elmat tö meh, ngaich nö hapōilö minhôṅyö më lā-al meh.

INRĀMÖRE 1:18

Lā i huneū-eu an ngam Mā Tēv, pò chu ahôngen ṙô; hang pöri, ṙòkhöre yī-ö tarik, ngëichkö kanihngen chu inrē; ngaich yik rēlö chu yik ṙālö tarik chu inrē nö chuh el inkövö.

YERIMIĀ 23:14

In yip pròfĕt pöri i Yērusalem öich meuk pinhë-eṅkūö: asĕha yip lök i minyôny-aṅ inrē; hangëḵlö kël yip tötlöökö la-en cha-a, lökten nö öthĕng tak mahavööngökūöre töngam öt lanöökö ò; ṙòkhöre yip nö vītöre nö sā Sôtöm nö in chu, yip aṅ e inrē sā Kômòra.

YERIMIĀ 12:7

Ṙāngö patī re chin ngaich, ṙāngö amin re chin ngaich; ngaich chin kētö ngam hanāngen ellōn re nö eltī cha yip lā-al ò.

YERIMIĀ 5:29

Uh öich min sācha tī tö cha tökūö në? Ṙô ngam Mā Tēv; uh öich inrē min havahlvah re i pumnāmö tarik tö ngatī?

Isayā 63:18

Höng rahëchtaṙen yin vē töhet tarik meh nö amīnu tö ngam töhet chūök meh, ngaich yip tökunyaha-elmat tö ih nö rööntö kui e.

Salmai 89:42

Hachônglö ngam lāhāmö kël Meh: lā-al ò man ngaich: ṙòkhöre yin më lā-al ò nö ṙāmölōn tö tī Meh.

Salmai 80:6

Vītu in tö Meh linā-alkūö i vē hol re: ngaich vē lā-al ih nö hayīölngen ih nö in re.

I. CHÖNGÖ 31:29

Tön akahalōn chin tö yīö keuheūtngöre tī min hachōichngöre unôichrit kinpaha chu, öi kānngöre tö ngam talöökö ngam tinöölô yīö tö chu; ngaich palā-aiṙen yī-ö min kūö tötlöök i nup unôich sakāmö; pò yīö min la-evṙen tö tötlöök i ngam Mā Tēv, öi harunnyö tanānyö ò lökten i la-en minë kuntī yīö.

Isayā 22:5

Tön sakāmö ötkanô-òṅ an, rinööntö kui inrē, kinlūöchöre el kui inrē, aṅ im Mā, ngam Mā Tēv yip tömaṙôngö, el öp achāṙö heūvö elmat; tinṙölngö nup kinlōngö, pineunyhökūö minë rôngö inrē.

YERIMIĀ 10:20

Piyāyi ök rūkui chu, keuheūtngöre nuk tökuvaha nö latòk; ngaich yip kūön chu nö kiröönngöre nö ṙāngen chu, hö-övö yik nö ngaich; öt hĕng tak mahanyāknyö ngam rūkui chu nö hēk ma-asöklö minë ranangkūö inrē.

INRĀMÖRE 1:8

Pōi hangṙen an Yērusalem nö köölö fālen, lökten an nö vītöre nö mum; ṙòkhöre yip ameū an nö hayëngen ò, pò cha nö meūkan nö chumlal; hôṅ, alūhure ana, hapungngökūö inrē.

ISIKĪ-ĔL 9:10

Ngaich chū-ö ngih mat chu min nö öt ṙā-al, ötrēhĕn chū-ö min aṙē-ĕlōn, havëkö nup lā-en cha pöri chū-ö min nö i kui cha.

2 RĀCHA 21:15

Pò cha nö ngaich nö la-evṙen tö tötlöök nö i kūö chu, ngaich inrē nö harunnyö lanīnö chu, löktökūö ök sakāmö yik yöng cha nö kunyī-inyre nö ṙā-ang Aikup, söl i ngih sakāmö.

INRĀMÖRE 1:16

Kūö u chin peuiny; hëmö mak mat chin; pò ök mahaṙamkölōn chu nö marôvat tö chu; öp töhĕng tak mahangëḵlö kumlēḵ chu; kayööyaṙen yip kūön chu, pòn mihôiṅ nö ngaich ngam tökunyaha elmat.