INRĀMÖRE 1:4 - TÖHET LĪPÖRE (Re-edited) Bible (BSI)

⁴ Haṙivlōn nun në talöökö tö kū-ötö Sīyôn, pòn öt hĕng ak yamih nö i nup töhakāmi tökirög nyinā-aṅ; ṙòkhöre në inkūp ò nö öt aṅhaṅvkūö alūhure yip kūönṙô ò; tūökiyö yik aṅ in ò rēlö, ngaich anga-aṅ inrē nö kiröngen kanihngen.

INRĀMÖRE 1:4 Referans Kwoze

YERIMIĀ 14:2

Haṙivlōn Yūtā nuk inkūp e inrē nö salīnköti; harāmöre yip tarik nö el tumlat, kööilöṙô Yērusalem inrē nö peuiny.

YERIMIĀ 10:22

Hangihtöre töhāngö ap umuh! Yĕh meuk,yih ap nö ngaich! öp yöng tinṙōlen löklö im lā kapā panam nö vīten nup elpanam Yūtā nö öt aṅhaṅvkūö, chūök am aṅ el inchōn.

MAIKA 3:12

Lökten an min Siyôn tö pòkūö yīö nö kuköhö ël sā panô-òṅ, ngaich Yērusalem min inrē rôngö ngam patī nö sā nup tömarô-òl chūökö el chūölchōn.

INRĀMÖRE 5:13

Kētuṙen yip ṙāl tarik nö i kinṙīötö atra; kalöva yip nyīö kikōnyö nö keun chōn tölangan.

Isayā 3:26

Ngaich nup inkūp ò min nö haṙivlōn nö harāmöre; öt aṅhaṅvkūö min ngaich anga-aṅ höng ūichhakṙen nö el tumlat.

INRĀMÖRE 1:21

Hang inlūhu chu; öt hĕng tak umuh mahaṙamkölōn chu. Ṙòkhöre yip tökunyaha elmat tö chu nö hang kanihngen chu; ṙāmölōn cha-a tö meh tīten e. Kētöp sakāmö man öp vahë-eny meh, ngaich hökngen cha nö sā chu.

LA-EN LĒVĪ 26:22

Tīntö nup töṙeūla Chin min inrē in yīö, nup mu-ulāingö yip kūön yīö min, fëlngö nup nuā yīö inrē ngaich vīten yīö öt ṙōltak; ngaich nup talöökö yīö min nö öt aṅhavël.

INRĀMÖRE 5:14

Ṙangö kūö inkūp ngam elpanam yip tököiny tarik, ṙāngö tīre yip ṙālö tarik nö röng.

HŌSĪ 2:13

Ngaich chū-ö min chöhkö nup sakamö ò mi-i nup Pē-al, nup töföngö aṅkūö tö ò tö tötahūsa; yē ò nö hanyöṅtlöre tö inlök nang re yanöṅtö re inrē, ngaich kiröönngöre nö tömrit yip hanāngen re, ngaich vaichngen chu, ngö ṙô ngam Mā Tēv.