INRĀMÖRE 1:3 - TÖHET LĪPÖRE (Re-edited) Bible (BSI)

³ Ngaich ök Yūtā nö chuh el inhötngö tökūö kanihngen kūö tö kihngen inköhngen inrē; ngaich an töngamuh nö iyöng in yip pumnāmö tarik, hö-ö pöri nö kôtökūö tö chūök haneūheu; kôlö yip lamū an nö in ò nö ellōn nup kanihngen ò.

INRĀMÖRE 1:3 Referans Kwoze

INRĀMÖRE 2:9

Chalipköti nup inkūp e nö el tumlat; likölngö nuk inkālkūö anga-aṅ nö piyāyi; öp rācha ò tö yip kūön rācha inrē mūlngö nö in yip pumnamö tarik; öt ōtren ngam chöngö, hö-ö yip pròfĕt ò nö meuk aṅ i ngam Mā Tēv.

ISIKĪ-ĔL 5:12

Kapah yin min i tölëlngökūö invah öp linūöyö milā-a yīö ngaich keuheūtngörevah tökūö inyāichö nö el ṙôngö yiö; fukngö min tökūö sanët öp linūöi milā-a yīö nö havīlen yīö, pirāti min inrē nö el kuföt öp linūöi milā-a yīö ngaich unôichrit u ngam sanët min nö hōknyu.

YERIMIĀ 52:15

Ngaich ang Nēpusaratön ök yöngkūö yik amahati nö kēngö töhakövö tö aṅ i yik mana-angkūö yanāchö in yik tarik ngaich yik chööḵṙen tarik yik töṙā-ai nö ip elpanam yik ṙamāngenre inrē yik mahavāngtöre nö ik rācha aṅ Pēpilön, holre tö yik chööḵṙen aṅ in yik vamī chehen.

YERIMIĀ 52:8

Ngaich pöri yik kumyung aṅ Kālti nö lūḵ ök rācha, kô-òl ngaich nö in Sētikia I nup töṙā-akūö panam Yērikō; ngaich ṙòkhöre yik kumyung in ò nö parāti nö ṙā-ang in ò.

YERIMIĀ 39:9

Ngaich ang Nēpūsaratön, ök yöngkūö yik amahati, nö kēngö yik tarik chööḵṙen yik tö-ōtre nö im elpanam nö ahötiyö nö i Pēpilön, cha-a yik mahavāngtöre nö in ò, tö yik tarik inrē tö-ōtren.

YERIMIĀ 24:9

Vīten cha chin min nö pinhë-eṅkūö in nup pūlngö ngih tumlat nö ṙòkhöre,nö minṙēngö, inchō-oṙô, inkeūlô, rinūtngövah inrē, i nup chūökö nö ṙòkhöre chūök cha nö ahōṙi tö chu min.

YERIMIĀ 16:16

Yĕh meuk, maṙôngö tahīnti chin tö kamëḵ kā, ṙô ngam Mā Tēv, ngaich cha-a min nö kē-ĕ u; ngaich unôich chū-ö maṙôngö tahīntö tö mahacheūḵ, ngaich hacheūḵeu cha, keuheūtkui rôngö rung inrē, el kinluhu ihong inrē.

YERIMIĀ 13:19

Öpikūö nup elpanam Nēkep nö öt hĕng tak lamöpnyö kūö, keuheūtlöre Yūtā nö kē-ĕyö nö ahöti, ṙòkngöre nö kē-ĕyö nö ahöti.

2 RĀCHA 25:21

Fëlö cha ngaich ök rācha aṅ Pĕpilön kumpaha cha inrē nö i Riplah ip panam Hamat. Kē-ĕyö ngaich Yūtā nö ṙā-ang ip panam re nö hakövö.

2 RĀCHA 25:11

Ngaich yik chööḵṙen yik tarik töṙā-ayö nö im elpanam, cha-a inrē yik kamë-engre, yik tökô-òng vah tö tī ök rācha aṅ Pĕpilön, yik chööḵṙen yik tömaṙôngö inrē, nö kē-ĕyö nö hakövö tö Nēpusaratan ök yöngṙen amahati.

2 RĀCHA 25:4

Alongköṅny kaha ngaich ngam elpanam, ṙòkhöre yik tarik kumyung nö falngöre tö hatööm nö löknyö ik inkup ihôi nuk tönët ihong kinlēḵngô, nuk töröhta nö ik panô-òṅ ök rācha: (vinngö yik aṅ Kāltī nö lā-al ngam elpanam:) ngaich ök rācha nö kiröönngöre nö löknyö öp talöökö Arapā.

2 RĀCHA 25:5

Ngaich pöri yik kumyung aṅ Kāltī nö lūḵlörit ök rācha, kô-òl ngaich nö in ò i nup töṙā-akūö panam Yērikō: ṙòkhöre yik kumyung nö parāti tö ò (ṙāngen ò).

I. CHÖNGÖ 28:48

Lökten man kūön alaha yip tö kunyahaelmat tö meh yip tahīntö ngam Mā Tēv min nö lā-al meh, i neūkö, inṙehe nômö, linchôyö, hanāten inrē tö taṙòkhöre chehen: hakeunlen meh an min tö vët kaneun nö i likeun meh, hanöng saha hanatngö tī ò tö meh.

INRĀMÖRE 4:15

Kē-ĕngre! Tökuvīö ṙô yip tarik tö cha; Kē-ĕngre! Kē-ĕngre! Un lūöla! Lökten cha nö töng atēṙa tö karööna inrē; ngö ṙô tarik in yip pumnāmö tarik, Hö-ö yip nö ngöhören nö iyöng in hī.

INRĀMÖRE 5:5

Ahōṙö rit in öi kaneūnu i likeun re; chei in, öt kētu haneūheu in.