INRĀMÖRE 1:21 - TÖHET LĪPÖRE (Re-edited) Bible (BSI)

²¹ Hang inlūhu chu; öt hĕng tak umuh mahaṙamkölōn chu. Ṙòkhöre yip tökunyaha elmat tö chu nö hang kanihngen chu; ṙāmölōn cha-a tö meh tīten e. Kētöp sakāmö man öp vahë-eny meh, ngaich hökngen cha nö sā chu.

INRĀMÖRE 1:21 Referans Kwoze

INRĀMÖRE 1:8

Pōi hangṙen an Yērusalem nö köölö fālen, lökten an nö vītöre nö mum; ṙòkhöre yip ameū an nö hayëngen ò, pò cha nö meūkan nö chumlal; hôṅ, alūhure ana, hapungngökūö inrē.

INRĀMÖRE 2:15

Ṙòkhöre ngaich lamök im talöökö nö fatah eltī re nö in yiö hishanga cha-a kileugkuire inrē nö im kikānö kūön Yērusalem; Angū-ö öng ngih elpanam ngam töhavëka nö töteungten vanāyö ṙanāmölōn në taṙòkhöre panam?

INRĀMÖRE 1:22

Hökngen nup tötlöök la-en cha nö yih nö i kūö meh; lök alaha cha inrē sā meh lök alaha chu; kūö nuk tanôichngen chu; pōyen nup inlūhu chu ngaich chū-ö cheingö fanöinylö.

INRĀMÖRE 1:16

Kūö u chin peuiny; hëmö mak mat chin; pò ök mahaṙamkölōn chu nö marôvat tö chu; öp töhĕng tak mahangëḵlö kumlēḵ chu; kayööyaṙen yip kūön chu, pòn mihôiṅ nö ngaich ngam tökunyaha elmat.

YERIMIĀ 50:11

Pòrô yin ṙāmölōn, pòrô yin eu-eūre, Ō yī-ö kamil chehen ngam amin chu, pòrô yin yal tö kiyôp sā kun nuā, ngaich hatōha sā kōiny kōra inrē.

Salmai 35:15

Ṙāmölōn pöri cha-a yē chu sökngöre; hamūlöre inrē; hamūlöre yip famël nö lā-al chu, ngaich rö-ö chū-ö akahalōn tö e; tikaichngen chu yin, nö öt ṙākenre.

INRĀMÖRE 1:4

Haṙivlōn nun në talöökö tö kū-ötö Sīyôn, pòn öt hĕng ak yamih nö i nup töhakāmi tökirög nyinā-aṅ; ṙòkhöre në inkūp ò nö öt aṅhaṅvkūö alūhure yip kūönṙô ò; tūökiyö yik aṅ in ò rēlö, ngaich anga-aṅ inrē nö kiröngen kanihngen.

INRĀMÖRE 1:2

Kihīökkūö an nö peuiny tö el hatööm, i arëkūö nup mak mat ò: i tum tak yip töhāngenlōn tö ò öt hĕng tak mahaṙamkölōn anga-aṅ; ṙòkhöre yip hol ò nö michūṙen chanökhuṙen tö ò, vītöre yik nö tökunyaha elmat tö ò.

YERIMIĀ 51:24

I Pēpilön chin min I yip aṅ Kālti inrē öich havan i kūö mat yīö ṙënngen nup tötlöök tī yīö ngaich i Siyôn, ṙô ngam Mā Tēv

INMEUKHÖMAT 18:6

Kē-ĕkūö ò sā tī ò anga-aṅ, nëtö tī tö nup tö nët sā nup la-en ò; el öp kōp öp kalūöich aṅ ò, nëtö kalūöichti in ò.

YŌ-ĔL 3:14

Maṙôgö, maṙôngö yip el achāṙö kinṙôka pò ngam sakāmö ngam Mā Tēv nö röhta nö el achāṙö chūök kinṙôka.

ISIKĪ-ĔL 26:2

Kūön tarik, pò Tūrös nö ngö ṙô tö inlahen Yērusalem, Ā, taṙöli ap nö ngaich inkūp yik tarik, ngaich ap nö löpnyukūö nö in chu; tööḵlö chin min, pò e nö ngaich nö tiṙöli,

YERIMIĀ 51:49

Hòṅ fukngö öp Pēpilön nö ṙënngen yip töfëli aṅ Israel, Sā fanukngö Pēpilön tökūö töfëli aṅ ngih tumlat.

YERIMIĀ 50:31

Yĕh meuk, lā-al meh chin, ō me-eṅ mahakeūlenre, ṙô ngam Mā Tēv yip tömaṙôngö; pòn ngaich ngam sakāmö nö yih, ngam hē chu min sācha tī tö meh.

YERIMIĀ 50:29

Havëtö yik lumreiny nö lā-al Pēpilön, ṙòkhöre cha-a yip samôntö linreiny Iyöngtöre havīlen ò; un hĕng tak tö öt kô-òngvah. Kē-ĕkūö ò asā nuk tī ò, tī-iv in ò tö tösā nuk töngaich tī ò; tön hakeūlenre an nö harāinyngö ngam Mā Tēv, ngam Töhĕng Töhet in Israel.

YERIMIĀ 50:15

Hū-a pōitô havīlen ò, ngaich an nö hökngövahre; taṙöli nuk nö ngaich lanaklö ò, tiṙöli nuk nö ngaich kinlōngö ò. Pò ngih nö invāhalvah aṅ i ngam Mā Tēv: havāhalre in ò, sā tī ò anga-aṅ nö in meh.

YERIMIĀ 48:27

Röh öp Israel nö pinhë-eṅkūö yīö? Kôti apa nö in yip mu-ūlāyö, töp lökten meh ringeul kui re yĕm vë-ekūö ò?

YERIMIĀ 30:16

Lökten yip kamāngen meh min nö kā-ayö, ṙòkhöre inrē yip lā-al meh, kö i tumtak cha min nö chuh el inkövö; cha-a yip maha-āichngen meh min nö ha-āichiṙen, ṙòkhöre yip kamāngen meh min inrē nö vītuṙen nö kā-ayö.

Salmai 38:16

Pò chu ngö ṙô, Hòṅ cha, nö öt ṙamngövah chu: yē në röön chu nö taleūchi, ngaich cha-a nö hakeūlenre nö lā-al chu.

Salmai 37:13

Hayīöli an min tö ngam Mā: Pòn meuk ngam sakāmö ò anga-aṅ nö yih.

Isayā 14:5

Likölngö ngam tinkung tötlöök an nö ngaich ngam Mā Tēv, ngam tinkung yip mahayöng;

Isayā 14:6

Ngam fanòh yip tarik im lanīnö nöng iṙūöhöti, yip mahayöng pumnāmö tarik nö im tanānyö, nö aṅtī tö inkihten öp tötkô nö lanakngen.

INRĀMÖRE 2:16

Ṙòkhöre yip lā-al meh nö hayëṙôre; tö meh hishanga yip, kap kui kanapre yip, hū-a yip: Ngāichö vahtī in piyāingen ò? Ahöö, angū-ö ön ngih sakāmö maheūkkö hī; ngaich in īnu tö e meūkö e in!