INRĀMÖRE 1:2 - TÖHET LĪPÖRE (Re-edited) Bible (BSI)

² Kihīökkūö an nö peuiny tö el hatööm, i arëkūö nup mak mat ò: i tum tak yip töhāngenlōn tö ò öt hĕng tak mahaṙamkölōn anga-aṅ; ṙòkhöre yip hol ò nö michūṙen chanökhuṙen tö ò, vītöre yik nö tökunyaha elmat tö ò.

INRĀMÖRE 1:2 Referans Kwoze

Salmai 6:6

Cheingö chin tö ṙôre alūhure: öt hĕnghang mitööm ngam chamam chu nö töhlö; ha-makngö el chamamre chin tö makmatre.

MAIKA 7:5

Uh yin hayönglenre i holre, ui nyattö i mahachōkūö: haköp kūö minë elvāng re in ò öp töröhta nö in meh töminyôiny-aṅ.

INRĀMÖRE 1:21

Hang inlūhu chu; öt hĕng tak umuh mahaṙamkölōn chu. Ṙòkhöre yip tökunyaha elmat tö chu nö hang kanihngen chu; ṙāmölōn cha-a tö meh tīten e. Kētöp sakāmö man öp vahë-eny meh, ngaich hökngen cha nö sā chu.

INRĀMÖRE 1:19

Havëkö yip hanāngenre chin hachīlö chu pöri cha-a; lëlngö nö im elpanam yik kūönṙô chu mā chu inrē,I saha cha nö chöh nya-aṅkūöre nö hangëḵlö kumlēḵre.

INRĀMÖRE 1:9

Māichngö nun minë kinfan ò tötöng yô-òv; ötlōnu an tö chanuhngenre; lökten an nö pōi hangṙen nö im fanukngöre, hö-ö an nö mahaṙamkulōn. Ō Mā Tēv, meuk kanihngen chu, tön mihôiṅ an ngam lā-al chu!

YERIMIĀ 30:14

Ṙòkhöre yik töhāngenlōn tö meh nö vaichngen meh; hö-ö yip nö kūö tenre tö meh: pò chu sā tī tökunyah elmat öich in meh, sā sācha öp töt aṙē-ĕlōn tökunyaha elmat, pò ngam fālen meh nö kiröng, kūö minë tökööl meh nö pachāla elmat.

YERIMIĀ 13:17

Yē meh pöri min öt hòṅ hang, ngaich ngih nômö chu min nö ulāikôre nö peuny inkeūlen meh; kalē-ĕṙô në mat chu min nö peuiny nö kāti mak mat, pò nup pököre ngam Mā Tēv nö kē-ĕyö nö hakövö.

YERIMIĀ 4:30

Ō Me-eṅ töt aṅhavkūö, me-eṅ inrē, asuh ap lōn meh öm hayūtöre tö lāturë, öm hanyöṅtöre inrē tö humlum yanöṅtö, tö meh inrē ṙūönyö ṙôkö mat re tö sanunmat? Nyātölōn man havāyöre. Ahūöngen meh yip töhāngenlōn tö meh; chöh nômö meh yip.

Salmai 31:11

Minṙēngö chin tī yip tökunya-haṅ elmat tö chu, hòṅ, pōilö in yip ranghö chu: pinhë-eṅkūö inrē in yip hol chu; falngöre tö chu yip mameūkö chu.

INMEUKHÖMAT 17:16

Ane inrē minë tö söm sinrōl maheuṅk meh, tö ngam töṙeūla inrē, surīkhö ngam mī-iyihköre kikānö min cha-a, ha-āchiṙen min hilā, kāḵ alaha ò cha-a min inrē, haṙāpngen ò inrē min cha-a nö keuheūtngöre nö i kūö tameūyö.

INMEUKHÖMAT 17:13

Töhēngö ellōn yin cha-a, ane inrē cha-a, kētö minhôiṅyöre chöngöre inrē nö im töṙeūla.

HŌSĪ 2:7

Ngaich anga-aṅ min nö tömrit yip hanāngen re, ngaich rö-ö min nö kôlö nö in cha; chöhö cha min anga-aṅ, rö-ö pöri min nö kôtökūö tö cha. Ngaich ngö ṙô min anga-aṅ hòṅ kiröönngöre chin öich havantöre ip raneh pīhö chu; pò e angū-ö nö ĕhten nö in chu tö ngih töngamuh.

ISIKĪ-ĔL 16:37

Lökten, yĕh meuk, hamūl yip hanāngen meh chin min, yip chūök meh kumchikngenre, ṙòkhöre cha-a yip hanāngen meh yip tanôkömeh inrē; hamūlö cha chin nö lā-al meh nö keuheūttöre löktö lā-a, ngaich luhnyö kūö ngam linchôyö meh in cha hòṅ cha nö meūkö meh chumlal.

INRĀMÖRE 2:11

Cheingö në mat chu tökūö pineūinyö; kalūöchöre ngih ellōn chu; keuheūtnyöre nup ellōn chu nö hōngnyu i miṙivlōn tökūö finëlngö ngam kikānö kūön yip tarik chu, kūö yip tëṅnö nyīö inrē el talöökö ngam el panam nö takngö.

YERIMIĀ 3:1

Yē ngòh tarik nö mayūngö pīhöre ngaich kiröönngöre ngam kikānö nö ṙā-ang in ò, ngaich kētöre nö pīhö ngam tahëng kikōnyö, hō ang ngam kikōnyö nö havantöre nö in ò? Röh öng ngam panam nö pōihangṙen min nö chōich? Ngaich man me-eṅ sā mī-inyihköre kikānö ṙōl tak hanāngenlōn; ngaich hòṅ havan hòng in chu, ṙô ngam Mā Tēv.

INCHŌḴ-OṘÔ 19:7

Ṙòkhöre yip mak-alaha ngòh yāich nö surīkhen ò; höichngen yip hol ò nö ṙāngen ò nö marôvat nö kiröönngöre? Fachūken cha anga-aṅ tö ṙô re, hö-ö pöri nö īnu tö cha.

NGAM LĪPÖRE YŌP 7:3

Ngatī chū-ö michööḵö tö chi- ngëṅt töt aṅhāṅvö tökihngen hatööm inrē min- chööḵö chu.

NGAM LĪPÖRE YŌP 6:15

Michūḵ chanökhuṙen yip hol chu sā cha man el töhëm mak, sā töhëmnyi mak,

Salmai 126:5

Yip töng makmatnyöre nö teūich: ṙāmölōn min nö hamūl.

YERIMIĀ 2:25

Uh man kiröönngöre öt kunröpu lak ngam likööpre inrē tö inṙëhe nômö. Ngö ṙô pöri yī-ö, Chök alaha aṅ, pò chu ngaich hāngenlōn tö aṅ tahëng, ngaich tömrit cha chū-ö min.

Salmai 69:21

Kē-ĕvkūö chin tö cha tö tö-angūṅöv nö nya-aṅkūö chu: i inṙëhe nômö chu, kē-ĕkūö chu cha-a tö töhikīölhu vain nö òk.