INRĀMÖRE 1:18 - TÖHET LĪPÖRE (Re-edited) Bible (BSI)

¹⁸ Lā i huneū-eu an ngam Mā Tēv, pò chu ahôngen ṙô; hang pöri, ṙòkhöre yī-ö tarik, ngëichkö kanihngen chu inrē; ngaich yik rēlö chu yik ṙālö tarik chu inrē nö chuh el inkövö.

INRĀMÖRE 1:18 Referans Kwoze

SEFAINIĀ 3:5

Tölöök an ngam Mā Tēv nö ellōn e öthō an nö la-evṙen tö tötlöök; kaheuk peuheū an nö kēnyö ngam inkaha fālen aṅ in ò nö el hanātö, öthō an nö öt teung; öt akahakūö pöri ngam töt chiplen tö sumrōngkūö.

Salmai 119:75

Ō Mā Tēv, akahalōn chin tö minë inkaha fālen aṅ in Meh nö tö chip: tö Meh inrē im kanô-en re hakihten chu.

INRĀMÖRE 1:12

Öt lökngöre öi yī-ö, ṙòkhöre yī-ö lamök ngö umuh? Ngëicha meuk inrē yĕn tö ngatī-iv miṙivlōn nö sā miṙivlōn chu ngam tökētu nö i kui chu, ngam tī ngam Mā Tēv ik sakāmö tökiröng tanānyö ò.

YERIMIĀ 12:1

Ō Mā Tēv tölöök man, yē chu vë-eny miṙivlōnre in meh söönen chū-ö vë-eny ngam fālenre i kūö meh. Kūöyòh öng ngam talöökö tötlöök nö kôlò? Kūöyòh aich nö ṙòkhöre vē tömichūḵ chanökhuṙen nö kôlòṙen.

INRĀMÖRE 3:42

Tôichngen in ngaich ahôngen inrē, ngaich rö-ö me-eṅ aṙē-ĕl.

Salmai 107:11

Pò cha nö ahôngö ṙô ngam Tēv: öt mikūöṙen inrē tö ngam inlēnö aṅ im Latulöng.

NAHIMIĀ 9:33

Sönen më-eṅ höng töchip in u nup yamih nö in ih, pò meh i kanô-enre ngaich īhö öt löökö inlahen;

RŌMA 3:19

Akahalōn in ngaich töngamuh tö nup töng ṙô ngam chöngö, ve-ekūö cha-ana yip elkatòh ngam chöngö; hòn ṙòkhöre nup elvāng nö asökiyö, ngaich ṙòkhöre ngih panam nö kēhötvö nö elkatòh ngam kinṙôka aṅ im Tēv:

RŌMA 2:5

Ngaich pöri nup nganëḵeṅ ellōn meh, öt miṙivlōn meh inrē tö tökööl nö hamūllö lanīnö im inmeuktö ngam tölöök kinṙôka aṅ im Tēv:

TANĪ-ĔL 9:7

Ō Mā, aṅ in meh an ngam lanöökö, i kūö ih pöri ngam kinlūöchöre el kui, nö sā ing sakāmö töngamuh, i vē tarik aṅ Yūtā, i vē aṅ Yērusalem, i taṙòkhöre inrē aṅ Israel, acha-a yip töröhta acha-a inrē yip tömarôvat, i nup panam chūök tī meh ahōngen cha, tökūö ngam tö ulāituṙen chanökhūtī ngam tī cha nö lā-al meh.

YERIMIĀ 49:12

Tön ngö ṙô an ngam Mā Tēv: Yē cha yip tötkô nö òk kūö ngam kulah nö öt ṙanāngen nö òk kūö e, höng kiröönngöre öm min me-eṅ öm öt sācha? Hö-ö man min kiröönngöre öt sācha, ôkö e pöri me-eṅ.

Salmai 145:17

Tö chip An ngam Mā Tēv i nup talöökö Ò: tö aheūkölōn nö i nup la-en re.

NAHIMIĀ 9:26

Sönngenre pöri cha-a nö minôṙô nö ahôngen meh inrē ngaich kavalngö ngam chöngö nö lā uk re ngaich fëlngö yik pròfĕt meh, yik vamë-ekūö cha nö hōten cha nö havantöre nö in meh nö hēk, ngaich cha-a inrē nö kēken tökiröng nö inchōichngö minë-eny.

ESRĀ 9:13

Ngaich in teunghukui tökūö në la-en re tötlöök kūö tökiröng fālen ih inrē, ngaich Më-eṅ, Tēv ih sācha tī tö ih öm kūöṅnen tī tö ṙôken nuk fālen ih ngaich kē-ĕkūö ih īhö chööḵṙen tö tö ngatī,

1 RĀCHA 13:21

Ngaich anga-aṅ nö hūḵnyôre nö ik tarik ngam Tēv ök yamih nö ṙā-ang Yūtā, nö ngö ṙô, Ngö ṙô An ngam Mā Tēv, Pò meh ngaich ahôngö ṙô ngam Mā Tēv, ngaich rö-ö öm köp tö ngam chöngö hinôtö meh tö ngam Mā Tēv ngam Tēv meh,

1 SAMUĔL 15:23

Pò ngam inhôngen nö sā ngam vinīngen nö tökööl, ngam nganë-eṅ ellōn nö sā vinë-eṅkūö insātēv nup taraf inrē. Pò meh ngaich sō-o ṙô ngam Mā Tēv, sō-en meh An anga-aṅ inrē nö ngaich öm rācha i kui Israĕl.

KAMHÔKA 1:7

Ngaich Atōnipēsek nö ngö ṙô, Sat anāi tumtak yik rācha töröki inyöng kuntī inyöng kunröön inrē, hamūl nyā-aṅkūöre nö elkatòh mīs chu: sā tī chu chū-ö ngaich, ngati tī ngam Tēv tö chu. Kēten ò cha-a ngaich nö i Yēruselem, ngaich in e anga-aṅ nö kapah.

I. CHÖNGÖ 32:4

Ngam Ihong, töteung ap la- en ò: Pòn ṙòkhöre nup talöökö ò nö inkaha fālen: Tēv kanô-en an öt aṅhāṅv-in inrē tö tötṙong, Tölöök an töchip inrē.

MANEUTNYI 9:27

Tīnhang ngaich Fërō, ngaich havëten nā Môsös, nā Āròn, ngaich ngö ṙô tö cha, Köölö fālen chin ing töngamuh: tölöök An ngam Mā Tēv, tölöök īhö tö vē tarik chu inrē.

Salmai 119:137

Ō Mā Tēv, tö chip Man Me-eṅ: chiplö inrē ngam inkaha fālen nö in Meh.

YERIMIĀ 4:17

Sā amah tö panô-òṅ yip havīlen ò nö lā-al ò, pò ò nö lā-al chu nö ahôngen chu, ṙô ngam Mā Tēv.

YERIMIĀ 32:23

Kuhēhötre cha-a nö kē-ĕ e nö amin cha. Hö-ö pöri cha-a nö hangṙô Meh hēk lök chöngö Meh; öt hēngö kahëken tö nup tinölô cha tö meh nö la-evṙen. Lökten Meh vīten në töt löök nö yih nö i kui cha.

TANĪ-ĔL 9:5

Köölö fālen in ngaich kēken tövaich ane inrē köölö inlahen öi ahôngen inrē, kānngöre ṙā-ang i minë chöngö meh inchöngten inrē;

AMŌS 8:13

Ip sakāmö angū-ö yip tövai rēlö min tö yip ṙāl tarik nö takngö kūö inṙëhe nômö re.

INRĀMÖRE 5:16

Sukngöre në sapīöv nö ṙā-ang i kui ih; öt kôlò in pò ih köölö fālen!

SAKARIĀ 1:6

Në ṙô chu tö në chöngö chu inrē, në hachöngten chu in yip tarik chu pròfĕt, röh yik nö kô-òl nö in yik muvöhngö yīö? Ngaich havöökūöre cha-a nö ngö ṙô, Sā lōn ngam Mā Tēv yip tömaṙôngö nö tī-iv nö in hī, asā nuk talöökö hī, asā nuk la-en hī inrē, ngatī tī anga-aṅ nö lök alaha hī.