INRĀMÖRE 1:17 - TÖHET LĪPÖRE (Re-edited) Bible (BSI)

¹⁷ Silônyö këlre an Sīyôn, öt hĕng tak pöri mahaṙamkölōn ò; chöngu an ngam Mā Tēv nö lā-al Yāköp nö hōten yip ranghö ò nö lā-al ò; ngaich an Yērusalem nö vītöre nö mum nö in cha.

INRĀMÖRE 1:17 Referans Kwoze

YERIMIĀ 4:31

Pò chu hang ṙô öp kikānö nö halöinyöre nö kayôḵ, nö sā chanökö kamyônyö öp lanòh kūön re, töhāngö ṙô öp kikānö kūö Sīyôn nö kisakngö umhômöre, nö hateutnyökëlre, Aōla chū-ö! Chaṙīvi chin ngaich i kūö famël tarik.

Isayā 1:15

Yē yīö hanyāknyö kël re tilupngö matre chū-ö min tö yīö: hôṅ, yē yīö pōyen ṙô vë-ekūötēv, öt hòṅ hang chū-ö min; tööḵlö nun minë eltī yīö tö mahām.

INRĀMÖRE 1:9

Māichngö nun minë kinfan ò tötöng yô-òv; ötlōnu an tö chanuhngenre; lökten an nö pōi hangṙen nö im fanukngöre, hö-ö an nö mahaṙamkulōn. Ō Mā Tēv, meuk kanihngen chu, tön mihôiṅ an ngam lā-al chu!

INRĀMÖRE 1:19

Havëkö yip hanāngenre chin hachīlö chu pöri cha-a; lëlngö nö im elpanam yik kūönṙô chu mā chu inrē,I saha cha nö chöh nya-aṅkūöre nö hangëḵlö kumlēḵre.

INRĀMÖRE 1:16

Kūö u chin peuiny; hëmö mak mat chin; pò ök mahaṙamkölōn chu nö marôvat tö chu; öp töhĕng tak mahangëḵlö kumlēḵ chu; kayööyaṙen yip kūön chu, pòn mihôiṅ nö ngaich ngam tökunyaha elmat.

2 RĀCHA 25:1

Ngaich ngö inlahen angū-ö im minchūötöre samyeūheu ò nö hayöng, im sinöm chumngëṅtö, im sinöm sumkam ngam chingëṅt, ang Nēpuketnēsör nö yih ök rācha aṅ Pĕpilön, ṙòkhöre yik kumyung nö in ò, lā-al Yērusalem, ngaich iyöngtöre nö lā-al e; havīlö e cha-a nö vīlö chūök kumyung nö lā-al e.

HŌSĪ 8:8

Ngeūṅktu an nö ngaich Israel: ngāichö vah yin nö in yip pumnāmö tarik sā chūökṙen öp töt chūök kumchiklōn.

ISIKĪ-ĔL 36:17

Kūön tarik, hē ngam patī Israel nö iyöng im panam re, hachōichngö e cha-a ngaich tö nup talöökö cha la-en cha inrē; ngaich i kuö chu ngam inlaha cha nö sā öp kikānö töthet nö ip kunnyahenre.

INRĀMÖRE 4:15

Kē-ĕngre! Tökuvīö ṙô yip tarik tö cha; Kē-ĕngre! Kē-ĕngre! Un lūöla! Lökten cha nö töng atēṙa tö karööna inrē; ngö ṙô tarik in yip pumnāmö tarik, Hö-ö yip nö ngöhören nö iyöng in hī.

INRĀMÖRE 1:21

Hang inlūhu chu; öt hĕng tak umuh mahaṙamkölōn chu. Ṙòkhöre yip tökunyaha elmat tö chu nö hang kanihngen chu; ṙāmölōn cha-a tö meh tīten e. Kētöp sakāmö man öp vahë-eny meh, ngaich hökngen cha nö sā chu.

INRĀMÖRE 1:2

Kihīökkūö an nö peuiny tö el hatööm, i arëkūö nup mak mat ò: i tum tak yip töhāngenlōn tö ò öt hĕng tak mahaṙamkölōn anga-aṅ; ṙòkhöre yip hol ò nö michūṙen chanökhuṙen tö ò, vītöre yik nö tökunyaha elmat tö ò.

YERIMIĀ 34:22

Yĕh meuk, chöngu chin min, ṙô ngam Mā Tēv, ngaich min havantencha hēk nö i ngih elpanam; ngaich lā-al e min cha-a nö kiyung, ngaich kē-ĕ e, föngngö e ngaich nö i kūö tameūyö. Vīten në elpanam Yūtā chin min nö öt aṅhav nö öt iyöngö tö tarik.

YERIMIĀ 16:6

Hĕnghöre tökiröng tökūönö inrē min nö kapah nö i ngih panam; öt lāpiyö yip min, öt hĕng tak min inrē maharāmö cha hēk kamötnyö alahare hēk kumhāk ngöre tö pòkūö cha.

YERIMIĀ 6:3

Yih yip min nö lā-al ò yip yōm pököre nö hol tö nup pököre cha; havīlen ò yip min nö vītö rūkui re kö i chūök re yip min nö ha-aṅhal chehen re tö kiyôp.

1 RĀCHA 8:38

Öp töng sitih vinë-eṅkūötēv vinë-elkui inrē tö töng tarīka, hēk ṙô vē tarik Israĕl nö ṙòkhöre, yip tökö akahalōn min tarik tö tölëlngökūö invah ellōn re, ngaich hachônglö kël re kū-ötö el ngaich patī:

1 RĀCHA 8:22

Sökhak ang Sòlòmön nö i kūö ök tahāklö ngam Mā Tēv nö i kūö yik ṙôngö Israĕl nö ṙòkhöre, ngaich kū-ötö el halīöngö tī nö hanyāklö kël re:

YERIMIĀ 8:18

Öt hanlanken an ngam miṙivlōn chu, vahavö fanöinylö chu nö ellōn chu.

YERIMIĀ 12:9

Ngaich an ngam amin chu nö in chu nö sā nup tömirun kaha chehechōn kamā alaha? Havīlöng ang tö nup chehëchōn kamā alaha? Kuṙòh, hamūl nup töṙēula tötany; kētö u nö kamāngö u.

INRĀMÖRE 1:8

Pōi hangṙen an Yērusalem nö köölö fālen, lökten an nö vītöre nö mum; ṙòkhöre yip ameū an nö hayëngen ò, pò cha nö meūkan nö chumlal; hôṅ, alūhure ana, hapungngökūö inrē.

Mumkahten 4:1

Hēk chū-ö meuk nup inkihten tö harunkaṙen el katòh ngam tavūöi. Yĕh meuk, nup mak mat tö hakihtuṙen, ngaich cha-a nö öt hĕng tak mahaṙamkölōn! Lā in yip mahakihten cha ap kumlēḵ, ngaich öt hĕng tak umuh mahaṙamlōn cha.

Isayā 54:11

Ō me-eṅ töhakihtuṙen tö tasôka el chanôchö mai, töng öt inṙamkulōn inrē, yĕh meuk, ṙātö nup ihong meh chin min in nup töng lingūṅ elmat ihong, ṙātö chūök rööntö machööḵlö meh inrē in nup safīr.

YERIMIĀ 15:5

Ō Yērusalem, chīap min tö-aṙē-ĕlōn tö meh hēk chiāp min pameuiny miṙivlōnre tö meh? Chiāp min kamāntöre nö hatönkö lanööken meh?