INRĀMÖRE 1:16 - TÖHET LĪPÖRE (Re-edited) Bible (BSI)

¹⁶ Kūö u chin peuiny; hëmö mak mat chin; pò ök mahaṙamkölōn chu nö marôvat tö chu; öp töhĕng tak mahangëḵlö kumlēḵ chu; kayööyaṙen yip kūön chu, pòn mihôiṅ nö ngaich ngam tökunyaha elmat.

INRĀMÖRE 1:16 Referans Kwoze

INRĀMÖRE 1:2

Kihīökkūö an nö peuiny tö el hatööm, i arëkūö nup mak mat ò: i tum tak yip töhāngenlōn tö ò öt hĕng tak mahaṙamkölōn anga-aṅ; ṙòkhöre yip hol ò nö michūṙen chanökhuṙen tö ò, vītöre yik nö tökunyaha elmat tö ò.

INRĀMÖRE 2:18

Pōitô havëkö ngam Mā! Ō me-eṅ kikānö kūön Sīyôn! hökngen nup mak mat nö reūti hatööm sakāmö inrē nö sā töveut mak! Uh me-eṅ heūheure, un haneūheuvö minë mat meh!

INRĀMÖRE 2:11

Cheingö në mat chu tökūö pineūinyö; kalūöchöre ngih ellōn chu; keuheūtnyöre nup ellōn chu nö hōngnyu i miṙivlōn tökūö finëlngö ngam kikānö kūön yip tarik chu, kūö yip tëṅnö nyīö inrē el talöökö ngam el panam nö takngö.

YERIMIĀ 14:17

Ngö ṙô man in cha min tö ngih ṙô: Hökten në mat chu nö kāti makmat, hatööm sakāmö inrē, un ṙākenre inrē anū-ö, pò rēlö kūön yip tarik chu kikānö nö nyahav tö vah tökiröng, nö kūö tökalēḵ tī famël.

YERIMIĀ 13:17

Yē meh pöri min öt hòṅ hang, ngaich ngih nômö chu min nö ulāikôre nö peuny inkeūlen meh; kalē-ĕṙô në mat chu min nö peuiny nö kāti mak mat, pò nup pököre ngam Mā Tēv nö kē-ĕyö nö hakövö.

Salmai 119:136

Sā röön mak tahël nun në mak mat chu: pò cha nö öt haköp në chöngö Meh.

HŌSĪ 9:12

Pòrô cha-a nö haruklö kūön re sön chū-ö min miṙivngölōn cha, nö öt hĕng tit tak tarik tö ōtre: hôṅ, töt kôlò yip cha-a inrē hē chu min ṙāngen cha!

INRĀMÖRE 1:9

Māichngö nun minë kinfan ò tötöng yô-òv; ötlōnu an tö chanuhngenre; lökten an nö pōi hangṙen nö im fanukngöre, hö-ö an nö mahaṙamkulōn. Ō Mā Tēv, meuk kanihngen chu, tön mihôiṅ an ngam lā-al chu!

Mumkahten 4:1

Hēk chū-ö meuk nup inkihten tö harunkaṙen el katòh ngam tavūöi. Yĕh meuk, nup mak mat tö hakihtuṙen, ngaich cha-a nö öt hĕng tak mahaṙamkölōn! Lā in yip mahakihten cha ap kumlēḵ, ngaich öt hĕng tak umuh mahaṙamlōn cha.

Salmai 69:20

Lakūkötī öp minṙēngö nö ellōn chu; tööḵngen chin tö lumngan: ngëichkö öp tö-aṙē-ĕlōn chin, öt hĕng tak pöri mahaṙamlōn inrē, öt hĕng tak mahaṙamlōn kanôtö kūö chu.

YERIMIĀ 8:18

Öt hanlanken an ngam miṙivlōn chu, vahavö fanöinylö chu nö ellōn chu.

Salmai 106:42

Hakihten cha ngaich yik tö kunyahaṅ-elmat tö cha: ngaich acha-a nö el katòh eltī cha.

Isayā 54:11

Ō me-eṅ töhakihtuṙen tö tasôka el chanôchö mai, töng öt inṙamkulōn inrē, yĕh meuk, ṙātö nup ihong meh chin min in nup töng lingūṅ elmat ihong, ṙātö chūök rööntö machööḵlö meh inrē in nup safīr.

YERIMIĀ 15:5

Ō Yērusalem, chīap min tö-aṙē-ĕlōn tö meh hēk chiāp min pameuiny miṙivlōnre tö meh? Chiāp min kamāntöre nö hatönkö lanööken meh?