INRĀMÖRE 1:15 - TÖHET LĪPÖRE (Re-edited) Bible (BSI)

¹⁵ Hayëḵngen yip tökalēḵ tarik chu an ngam Mā nö ṙòkhöre nö harònglö tīre nö in chu; havëtö manūlö an nö lā-al chu nö kirāchngö yip ṙālö tarik chu; ngaich yik rēlö kikānö kūön Yūtā nö röönö tö ngam Mā nö el chūök kinrān vāin.

INRĀMÖRE 1:15 Referans Kwoze

MALAKI 4:3

Ngaich yī-ö min rööntö kui ngam tötlöök; pò cha min nö tisum nö ël kintāl elröön yīö ip sakāmö hī tī chu, ṙô ngam Mā Tēv yip tömaṙôngö.

Isayā 63:3

Höng hēngö röön chin röön ngam kinrān vāin öt hĕng tak hol chin inrē tö aṅ in yip tarik; i tanānyöre chin rööntö kui cha i lanīnö re inrē öich kirāichtö kui cha; mahām nômö cha an ngam tökachenyköti nö i mat hilā chu, keuheūtngöre mat an nö ngaich ngam hilā chu nö paṙòk.

Isayā 28:18

Ngaich min ngam kinlēḵngô meh i kinpaha nö hö-övö, ngam hanô-òlōn meh inrē i chūök tökapah nö ötköp min; hē ngam, töyahlö chinökṙen nö lök umuh min, ngaich yī-ö min rööntukui tö e.

INMEUKHÖMAT 19:15

Ngaich löknyö elvāng Ò nö meutnyi öp tökeut sanët, pòn hōtu Anga-aṅ nö aṅtīten tö ò nö fang vē pumnāmö tarik; ngaich hayöngö cha min Anga-aṅ nö aṅtī tö vët tinkung: ngaich Anga-aṅ nö röön öp kinrān vāin, öp tanānyö lanīnö ngam Tökeuheūttöre chöngö Tēv.

HEPRĀI 10:29

Iṙôkhöl öt inkôlò min, tö lōn yīö, anga-aṅ, ngam ramööntö kui ngam Kūön ngam Tēv nö elröönre ngaich inrē nö kaheuktö ngam mahām ngam kinlēḵngô nö töthet, ngam löktö ò nö ahetlöngö, ngaich miyëḵṙen inrē tö ngam Töhet Fanöinylö inlōntö?

T. LŪKÖS 21:24

Ngaich cha-a min nö kapah tökūö fël; kē-ĕyö min inrē tö yip tahëng mihëṅṙö tarik. NgaichYerūsalem min nö rööntukui tö vē tahëng mihëṅṙö tarik, hanöng saha kinheūṅten ap ṙētak cha.

MAIKA 7:10

Ngaich meūkö e min ngam tökunyaha elmat tö chu, ngaich öp sinrōngkūö min nö hanyatngen ò; ök tö ngö ṙô tö chu, Isuh ap mā Tēv ap Tēv meh? Hatīöken ò min në mat chu; ngaich an min tö ngamuh nö rööntu kui sā tilin el talöökö.

TANĪ-ĔL 3:13

Ngaich Nēpukatnēsar nö i tanainy elmat re nö tölṙô kinëtö Satrāk, Mësāk, Apĕtnikō inrē. Ngaich cha-a nö kēten vē tarik nö i kūö ök rācha.

INRĀMÖRE 3:34

Nö kirāichhang nö elröön tö yip töhakövö tarik ing tumlat,

YERIMIĀ 51:34

Ngeūkten chu an Nēpukatnēsör ngam rācha aṅ Pēpilön ngaich an nö kirūpö chu; vīten chu an nö ngaich töt aṅhavö öich chūökṙen, ngeūkten chu an sā kūö tö kiröng töṙeūla; hatööḵlö el puhū re an tö kumchik chu, kicheūchnyen chu an nö ngaich.

YERIMIĀ 50:26

Keuheūttöre lā-al tā-a lā-al ò; löpnyökūö nup chūök sāiny ò; afônglen ò sā fôngö sāiny, piyāingen ò inrē nö keuheūtngöre; un hĕng tit töṙātu nö in ò.

YERIMIĀ 37:10

Pò yīö yē yīö öre mihôiṅ tī tö yip kumyung aṅ Kālti nö ṙòkhöre yip kumyung nö lā-al yīö, ngaich yip tö ōtren in cha nö kô-òren nö töng hanyahka, kö el rūkui re, choholre min cha-a nö föngtökūö ngih elpanam tö tameūyö.

YERIMIĀ 18:21

Lökten kētö yip kūön cha nö ip inyāichö; kēten cha ip tökalēḵ kūö ap sanët, hökngen yip pīhö cha nö öt kūönu nö tafiösi inrē. Kapah yip yēḵ min tarik cha tökūö invah tölëlngökūö, yip ṙāl tarik cha inrē fëliyö tökūö sanët i kinyūngö.

YERIMIĀ 14:17

Ngö ṙô man in cha min tö ngih ṙô: Hökten në mat chu nö kāti makmat, hatööm sakāmö inrē, un ṙākenre inrē anū-ö, pò rēlö kūön yip tarik chu kikānö nö nyahav tö vah tökiröng, nö kūö tökalēḵ tī famël.

Isayā 41:2

Achīö apa mahachohlö öp töhĕng tak aṅ lā chuhöt, öp töteūngen tö minhôinyö i tum vanāngöre? Kēngö pumnāmö tarik an nö ṙā-ang i kūö ò pò ò nö hòṅ rööntö kui yip rācha nö elkatòh röön re; vīten cha anga-aṅ nö sā pitung i kūö öp sanët ò, sā nup kaṙālö afō töheuilö nö ip linreny ò.

Isayā 5:5

Yĕh ngaich kuṙòh; töich ve-enynang meh töp tī chu min tö ngam panô-òṅ vāin chu: hòṅ ṙòngngö ngam kinlōngö e chin min, ngaich nya-aṅyö min angū-ö; likölngö ngam kinlonglö e chin min ngaich angū-ö min nö rööntu kui:

Salmai 119:118

Töng ranö-ö yin tö tī Meh, vē tö vaich nö i minë chöngö Meh: pò nup michīl cha nö minyôiny.

2 RĀCHA 9:33

Ngö ṙô ngaich anga-aṅ, Sukten ò, Lökten cha-a nö sukten ò, ngaich rahëichyen nuk mahām ò tökachenyköti nö i kaha kinlōngö, i nup kōra inrē: ngaich lök kui ò anga-aṅ nö rööntö kui ò.

KAMHÔKA 10:8

Ngaich cha-a nö hakihten yik kūön Israĕl ik samyeūheu angū-ö, hëvhör sīön samyeūheu cha-a nö hakihten yik kūön Israĕl yik lāmuh tö Yôtön i panam Amôr, öp i Kilīöt.

I. CHÖNGÖ 28:33

Nup ṙòng aṅ ngam tumlat meh, ṙòkhöre nup vahīten meh nö nyā-aṅyö min tö yip pumnāmö tarik töt mikah kūö meh; höng töng hakihtuṙen min më-eṅ örheūheu kiröpi inrē:

YERIMIĀ 6:11

Lökten chin tööḵlö tö ngam tanānyö ngam Mā Tēv; chei chin haköpken e. Ṙöstö e i kui yip nyīö el talöökö I kui yip tömūlhaka inrē ṙāl tarik; kumngöre nö kē-ĕlre min kikōnyö töpihövö kikānö tö pihövö inrē, tököiny tarik, tököiny takô inrē.

YERIMIĀ 13:24

Pirātngen meh chin min sā uk nëlö töheuingö tökūö kuföt nö ṙā-ang el ngam tö-nyalnyi kuyāyö.

YŌ-ĔL 3:13

Kētö tī re yin imkanöt, tö ngaich an nö kanöinyö ṙòng; tā-a, röön yin ngaich; tön tööḵlö an ngam kinrān vāin taṙēchi nup tökôlò aṅ e; pò ap öt lanöökö cha nö kiröngen.

INRĀMÖRE 2:21

El pitung minë talöökö hulalhakṙen tö-a-yal tököiny inrē; yip rēlö chu ṙālö tarik chu inrē fukngö nö ngaich nö i kūö sanët; im sakāmö tanānyö meh öm fëlngen cha ngaich, öt miṙē-ĕvlōn tī fëlhanga.