INRĀMÖRE 1:14 - TÖHET LĪPÖRE (Re-edited) Bible (BSI)

¹⁴ Nyëktu nup tanôichngen chu nö i kaneun; aṅtī tö kuntī re anga-aṅ nö haköpngö u; hakeunlöngö nup nö i likeun chu; vīten ök kumlēḵ chu anga-aṅ nö hö-öv; kēten chu an ngam eltī cha yip töt kanô-òṅ chu.

INRĀMÖRE 1:14 Referans Kwoze

Isayā 47:6

Līn chin in yip tarik re, ngaich öich hachōichngö amin re, öich kēten cha nö eltī meh: ngaich öt hameukhömat cha me-eṅ tö miṙēlōn; hakeunlö yip tököiny man töp kaneun meh tölangan.

I. CHÖNGÖ 28:48

Lökten man kūön alaha yip tö kunyahaelmat tö meh yip tahīntö ngam Mā Tēv min nö lā-al meh, i neūkö, inṙehe nômö, linchôyö, hanāten inrē tö taṙòkhöre chehen: hakeunlen meh an min tö vët kaneun nö i likeun meh, hanöng saha hanatngö tī ò tö meh.

ISIKĪ-ĔL 25:7

Lökten, yĕh meuk, hateutnyö kël re chin lā-al meh, ngaich kēten meh min sātö kômö chehen in yip pumnāmö tarik; rökngen meh chin min inrē ṙā-ang i tarik vĪten meh min inrē ötkôlò ṙā-ang i nup panam; piyāingen meh chin min inrē. Ngaich möl min me-eṅ akahalōn tö chu öich Mā Tēv.

ISIKĪ-ĔL 25:4

Lökten chin kēten meh in yip tarik aṅ lā chuhöt nö amīnu tö meh, ngaich cha-a min nö vīten elyöngöre nö in meh vītö chūök re inrē nö iyöng nö ellōn meh; nyā ṙòng chōn meh yip min, òk aṅteh yip min nö in meh.

YERIMIĀ 28:14

Pòn ngö ṙô ngam Mā Tēv yip tömaṙôngö, ngam Tēv Israel; Hakeunlö likeun yip pumnāmö tarik chin tö vët kaneun inkövö in Nēpukatnēsar rācha aṅ Pēpilön, ngaich cha-a min nö kūön alaha ò, pò chu kē-ĕkūö ò tö në töṙeūla el ngam kahôyö inrē,

INCHŌḴ-OṘÔ 5:22

Tingöpan nup öt lanöökö tötlöök, kô-òngvah inrē anga-aṅ nö i la-en tökööl re.

HŌSĪ 5:14

Pò chu min in Ifrēm öich sā lāyön, sā tö-ayal lāyön inrē i patī Yūtā: chū-ö, chū-ö takô, min öich chiṙesngen meh ngaich kiröönngöre; kē kumre chin min, ngaich öt hĕng tak min umuh ṙamānyen ò.

ISIKĪ-ĔL 23:28

Pòn ngö ṙô ngam Mā Tēv: Yĕh meuk kēten yīö chin min eltī cha yip surīkhö yīö, eltī cha yip chūök yīö havööngökūöre öi sa-òkkūö;

ISIKĪ-ĔL 21:31

Ṙösnyö ngam lanīnöre chin min i kui yīö; föötö kui yīö chin min aṅtī tö tameūyö lanīnö chu; kēten yīö inrē eltī yip tötmilēḵ tarik, töhuveū-en nö fëlhanga.

ISIKĪ-ĔL 11:9

Ngaich chū-ö min kēnyen yīö ṙā-ang ellōn e, ngaich kēten yīö eltī aṅ tahëng pumnāmö, ngaich akah fālen i kui yīö.

YERIMIĀ 37:17

Tīnngö mahavëken ò ngaich ök rācha Sētikiā, ngaich hayihten ò nö in ò. Hatönan ngaich ök rācha nö ulāikôre nö el ök patī re, nö ngö ṙô, Ṙô-òv hòng tö aṅ in Mā Tēv? Ngaich ngö ṙô ang Yarimiā Hôṅ, ṙô-òv. Ngaich ngö ṙô anga-aṅ, Kētu man min eltī ap rācha aṅ Pēpilön.

YERIMIĀ 32:5

Ngaich anga-aṅ min nö kēngen Sētikiā nö i Pēpilön, ngaich in e anga-aṅ min hanöng saha chu chöhken ò, ṙô ngam Mā Tēv; pòrô yī-ö min kiyung lā-al yip aṅ Kālti, öthō yī-ö kiyung lā-al yip aṅ Kālti, öthō yī-ö min kô?

YERIMIĀ 27:12

Löö in Sētikiā öp rācha aṅ Yūtā öich ngatī ṙô ngaich: Kētö likeun re man elkatòh ngam kaneun ngam rācha aṅ Pēpilön, kūön alaha ò tö yip tarik ò inrē, ngaich höngngöh.

YERIMIĀ 27:8

Yē öp pumnāmö tarik pöri hēk öp pūlngö min nö öt kūönkūö ngòh Nepukatnēsar rācha aṅ Pēpilön, nö hakeunlö likeunre tö ngam kaneun öp rācha aṅ Pēpīlön, sācha tī chin min töp pumnāmö tarik aṅtī tö sanët, inyāichö, tölëlngö kūö invah inrē ṙô ngam Mā Tēv, hanöng saha chu min keuheūtngen e löktö eltī ò.

YERIMIĀ 25:9

Yĕh meuk, tīnngö lamukkö yip miyöngö tarik chin aṅ lā kapā, ṙô ngam Mā Tēv, lamukken Nēpukatnēsar rācha aṅ Pēpilön tarik chu, kēten cha chin min nö lā-al ngih panam tö yip aṅkūö e inrē, lā-al vē pumnāmö tarik i chīṙö; ahatngen cha chin min, vīten cha inrē nö pinhë-eṅkūö, töhīsi, töt chanūhuvṙen inrē nö minṙēngö.

Isayā 14:25

Likölngö öp aṅ Asīriā chin min ip panam chu i kui minë rôngö inrē öich rööntö kui ò: ngaich min ap kaneun ò nö kiröönngöre nö ṙā-ang in ò, ap lumngan ò min inrē nö kē-ĕngre nö ṙā-ang el ranôṙö ò.

YERIMIĀ 28:13

Kuṙòh, ve-eny nang Hanānia, ngö ṙô ngam Mā Tēv: Höng likölngö chōn man kālkūö, i chūök u pöri min chū-ö vīlö vët nö kālkūö.

YERIMIĀ 32:3

Pò Sētīkiā ök rācha aṅ Yūtā nö kalong höt ò,nö ngö ṙô, Kūöyòh ömeh ve-eny öm ngö ṙô, Ngö ṙô an ngam Mā Tēv: Yĕh meuk kētö ngih elpanem chin eltī öp rācha aṅ Pēpilön, ngaich anga-aṅ min nö kē-ĕ e;

MAIKA 2:3

Lökten an ngam Mā Tēv nö ngö ṙô: Yĕh meuk, vīten tötlöök chin lā-al ngih mupīhö; ngam ṙeūngö yīö min öt kēngö likeun re, ötrēhĕn yin min öi hakeūṙöre; pò e nö tötlöök nö ṙētak.