INRĀMÖRE 1:13 - TÖHET LĪPÖRE (Re-edited) Bible (BSI)

¹³ Tīntö tameūyö anga-aṅ nö ṙā-ang lātulöng, löö i në tangëk chu tī anga-aṅ tö e; haṙĕhnyö inhāṅl röön chu anga-aṅ; havöökūö chu anga-aṅ; ṙāngen chu anga-aṅ sangūli, takngö irô-òtö sakāmö.

INRĀMÖRE 1:13 Referans Kwoze

HAPAKŪK 3:16

Hang chū-ö, kichīchöre ngaich ngih ellōn chu, kichëyöre minuh chū-ö i ngam ṙô; meuthöt chinhūngö nö el tangëḵ chu, kichëyöre chū-ö inrē i chūök re: lökten chu hòṅ heūheure ip sakāmö kanihngen, chalô angū-ö nö in yip tarik yip mahavīhölö nö kayīngan kumyung.

NGAM LĪPÖRE YŌP 30:30

Vītöre uk alaha chu nö sah aleūchiyö nö ṙā-ang in chu, ökngö nup tangëḵ cha tökūö ṙanāchö,

ISIKĪ-ĔL 17:20

Ngaich chū-ö min hanyāknyö ngam inhāṅlre i kui ò, ngaich anga-aṅ min nö kôhöt nö el ngam tinngöp chu, ngaich chū-ö min kēten ò i Pēpilön ngaich kēhötnen ò umuh im inkaha fālen tökūö inhôngen chöngö kahëken ò nö lā-al chu.

Salmai 22:14

Ṙösnyu chin sā mak, ṙòkhöre në tangëḵ chu nö öt taptöre kūö: sā paröm an ngam ellōn chu; ayëri an nö ellōn chu.

NGAM LĪPÖRE YŌP 19:6

Akahalōn yĕh tö ngam Tēv nö chōchö tī nö in chu, vintakūö inrē ngam inhāṅl ò nö in chu.

HEPRĀI 12:29

Tön tameūyö an ngam Tēv nö töṙāpngökūö.

NAHOM 1:6

Chiāp tökô nö sökhak nö i kūö ngam lanīnö ò? Achīap inrē tökô nö köp im tanānyö lanīnö ò? Sā hanūlö kūö tameūyö an ngam inngeṅṙö tanānyö ò, kö laruk ngaich nuk ihong tö ti ò.

ISIKĪ-ĔL 12:13

Ngaich chū-ö min hanyāknyö ap inhāṅl re i kui ò, ngaich anga-aṅ min nö kô-òngvah nö el öp tinngöp chu; ngaich chū-ö min kēten ò i Pēpilön i panam yip aṅ Kālti, sönngenre min anga-aṅ nö ötmeūkö e; ngaich umuh min anga-aṅ nö kapah.

Salmai 66:11

Kēhötnen ih Man el inhāṅl: hakeunlö tölangan Man i ṙat ih.

2 TÖSALÒNIKĒ 1:8

Im töhūkūö tameūyö, kētö invahal nö in cha, yip töt akahakūö tö ngam Tēv, in cha inrē yip ma-ahôngen ngam tölöök inhangkö ngam Mā hī Yēsū:

HŌSĪ 7:12

Yā cha min nö kiröönngöre, hanyāknyö ngam inhāṅl re chū-ö min nö i kui cha; ahālten cha chin min sā nup chehechōn el taṙul: chökṙen cha chin min, sā ahang yip tömaṙôngö in cha.

ISIKĪ-ĔL 32:3

Ngö ṙô an ngam Mā Tēv; I kui meh tī chin min kavalngö ngam inhāṅlre öich maṙôngö hol tö tarik; tūöklen meh chin inrē el öp tötūökö inhāṅl chu.

INRĀMÖRE 5:17

Kūö e an ngam ellōn hī nö vāhavö kūö u në mat hī nö paṙeūma,

INRĀMÖRE 1:22

Hökngen nup tötlöök la-en cha nö yih nö i kūö meh; lök alaha cha inrē sā meh lök alaha chu; kūö nuk tanôichngen chu; pōyen nup inlūhu chu ngaich chū-ö cheingö fanöinylö.

YERIMIĀ 44:6

Lökten ngam, Lanīnö chu tanānyö chu inrē nö hōngnyu ngaich hūlökūö nö i nup elpanam Yūtā el kanröönö Yērusalem inrē; ngaich anū-ö nö vīngöre nö öt aṅhavkūö, sā re töngamuh.

Isayā 42:17

Havānörit yip min, ngaich cha-a min nö aṙū-angen nö sirōngkūö, yip mahayönglenre nö i töka-īpö insātēv yip tö ngö ṙô tö nup töhaṙöichö insātēv, Yī-ö yin tēv ih.

Salmai 129:5

Hökngen cha yēḵ nö sirōngkūö, nö havanrit re inrē: ṙòkhöre yip tösumrīk tö Siyôn.

Salmai 35:4

Hökngen cha nö sirōngkūö, kēḵtu inrē nö im minṙēngö yip chamöh ngih nômö chu: hökngen cha nö havanritre, kalūöchöre elkui inrē, yip mahalēnngötīre nö chökhutī tö chu.

Salmai 31:10

Pòn keuheūt ngih nômö chu nö i miṙivlōn, nuk samyeū-heu chu inrē nö i unhômö: chuhngöre kumlēḵ chū-ö i ötlanöököre, në tangëḵ chu inrē nö hūöinyngö.

NGAM LĪPÖRE YŌP 18:8

Pò ò nö kūö röönre nö kaval- hötre nö el inhāṅl, vāngkui chūök sanuktöre anga- aṅ.

I. CHÖNGÖ 28:65

Öt kôtökūö min më-eṅ tö lanööṙenre in vē pumnāmö tarik, öt chūöku ṙainātö kintāl elröön min më-eṅ umuh: kē-ĕkūö meh, pöri min ngam Mā Tēv nö umuh tö kinchëyöre ellōn, pinṙeūmtömat, ane inrē lanëvngö inrē tökūö miṙivlōn.

Salmai 38:8

Tayē alaha chin, pōihangṙen paṙòk inrē: ayôṙa chin tökūö öt ṙanëmö ellōnre.

Salmai 140:5

Hayūnö chu yin vē mahakeūṙöre tö tinngöp, nūöt inrē: hanyāknyö inhāṅl yin nö i taseū talöökö; vī insuk chu yin.

MANEUTNYI 12:9

Un kā-a angū-ö nö uhāv unrēhĕn nö sumtu nö el mak harāngö pöri nö i kūö tameūvö; ap kui ò holtö nup kalröön ò tö nup aṅ ellōn ò.

INRĀMÖRE 3:11

Hökngen chu an kānngöre ngaich teūchö chū-ö öich panyëny; vīten chu an ötkôlò;