INRĀMÖRE 1:11 - TÖHET LĪPÖRE (Re-edited) Bible (BSI)

¹¹ Ṙòkhöre yip tarik ò nö alūhure hē cha nö chöh nyā-aṅkūöre, inyihngö chehen re yip tö töpōi ṙāi nö ṙāi nyā-aṅkūö pò cha nö hòṅ kalēḵ. Ngëicha, Ō Mā Tēv, meuk inrē tön ha-āchīṙen chin.

INRĀMÖRE 1:11 Referans Kwoze

YERIMIĀ 52:6

Im minchūötöre sakāmö ngam finënö chingëṅt ök inyāichö nö kalēḵ nö im elpanam lökten yik tarik nö öt nyā-aṅvkūö nö im panam.

YERIMIĀ 38:9

Mā chu rācha, chōichö tī yin vē tarik tö ngam tī cha nö in Yarimiā ap pròfĕt nö sukten ò nö el chūökmak; kapah ap min nö umuh tökūö neūköre, pòn öt ōtre nyā-aṅkūö nö im elpanam.

INRĀMÖRE 2:12

Peuinyhökūö yip yöng re cha-a yöngnyīö, Isuāp nyā-aṅkūö vāin inrē? Isaha cha nö takngö sā tarik töhanyahka el minë talöökö ngam elpanam, hē öp nômö cha nö hòṅ ngaichngen nö elngòh yip yöng cha yöngyīö.

INRĀMÖRE 2:20

Ō Mā TĒv, ngëicha meuk inrē! In chīö tī öm ngatī tī? Kāḵ kūönre yip min kikānö, yip nyīö hanāngen cha nö harūkö? Fëli hòng kūönṙô pròfĕt inrē, nö el ngam töhet chūök ngam Mā?

INRĀMÖRE 1:9

Māichngö nun minë kinfan ò tötöng yô-òv; ötlōnu an tö chanuhngenre; lökten an nö pōi hangṙen nö im fanukngöre, hö-ö an nö mahaṙamkulōn. Ō Mā Tēv, meuk kanihngen chu, tön mihôiṅ an ngam lā-al chu!

YERIMIĀ 19:9

Ngaich vīten cha chū-ö min nö kā alaha kūön re tö kikōnyö kikānö inrē, ngaich min cha-a nö kö kā alaha holre ip invīlö cha tö yip kumyung kanihngen inrē, tī yip lā-al cha min acha-a inrē yip chamöh nômö cha nö hakihten cha.

NGAM LĪPÖRE YŌP 40:4

Yĕh meuk, töng kūöṅnen chin chū-ö; sitih ṙô öich min sapṙô meh? Tilup elvāngre chin tö eltī re.

2 RĀCHA 6:25

Ngaich kiröngen ök yöng inyāichö i Samariā: Yēh meuk, ngaich cha-a nö havīlen e, hanöng saha kui köttö töhĕng nö inyīhiyö nö hëvhör anāi ṙāi tö rupīö, ngaich taneui höt tāk tö rupīö ngih töhĕng i töfën kanap sôḵ pumpa.

YERIMIĀ 15:19

Lökten an ngam Mā Tēv nö ngö ṙô: Yē meh havan havanten meh chū-ö min, ngaich sökhak min me-eṅ i kūö chu. Yē meh ṙô-òv tö tölöök, un öp töt kanôluṙô, ngaich min me-eṅ sā elvāng chu. Havöötöre min cha-a nö in meh, hö-ö pöri min me-eṅ havöötöre in cha.

INRĀMÖRE 1:8

Pōi hangṙen an Yērusalem nö köölö fālen, lökten an nö vītöre nö mum; ṙòkhöre yip ameū an nö hayëngen ò, pò cha nö meūkan nö chumlal; hôṅ, alūhure ana, hapungngökūö inrē.

Salmai 79:4

Ngaich in vītöre minṙēngö i vē hol re: minnôn, minyīöl cha inrē, vē mahavīlen ih.

INRĀMÖRE 2:11

Cheingö në mat chu tökūö pineūinyö; kalūöchöre ngih ellōn chu; keuheūtnyöre nup ellōn chu nö hōngnyu i miṙivlōn tökūö finëlngö ngam kikānö kūön yip tarik chu, kūö yip tëṅnö nyīö inrē el talöökö ngam el panam nö takngö.

INRĀMÖRE 5:1

Ō Mā Tēv, köpölōn tölāinyngen ih; yĕh meuk, ngëichkö minṙē-ĕng ih inrē!