INRĀMÖRE 1:10 - TÖHET LĪPÖRE (Re-edited) Bible (BSI)

¹⁰ Hateutnyökëlre an ngam lā-al ò nö i kui nup töpōi ṙāi chehen ò; hôṅ, meuk vē pumnāmö tarik an nö havīlö ngam töhet chūök ò, cha-a yip tösōtu tö meh nö kuhēthötre nö in yip ṙôngö meh.

INRĀMÖRE 1:10 Referans Kwoze

I. CHÖNGÖ 23:3

Aṅ amön, hēk aṅ Mô-āp im Mā Tēv; söl i sinömköl chap nö öt hĕng tak aṅ in cha kumhēt hötre im manūlö ngam Mā Tēv nöng örheūheu:

YERIMIĀ 51:51

Sumrōngikūö in, pò hī ngaich hang minṙēngö, māichngö kūö in tö miṙē-ĕv, pò vē aṅ tahëng nö yih nö I minë töhet chūökö ngam Mā Tēv.

INRĀMÖRE 1:7

Köpölōn an Yērusalem tö nuk sakāmö kanihngen ò tö inngū-öṅ inrē tönuk töpōi ṙāi chehen ò nuk mī-in ò nö löktökūö i nuk hötṙeh sakāmö. Hē yik tarik ò nö fuk eltī ök lā-alre, ngaich öt hĕng tak umuh nö holṙen ò, ṙamngö vah ò ngaich ök lā-al ò,hayëḵngen fanukngö ò.

NAHIMIĀ 13:1

Ik sakāmö angū-ö cha-a nö löktökūö ök līpöre Môsös nö vë-ekūö e nö elnang yik tarik; ngaich kôtökūö tö e nö kūichiyö tö yik aṅ Amön hēk aṅ Mô-ap nö öt hētu nö kuhēthötre i manūlö ngam Tēv;

T. MĀKÖS 13:14

Yē yīö pöri min meuk ngam inyëḵngen ötinkôlò, ṙô ök pròfĕt Tanīĕl, sökhaka i chūökre nö rö-ö, (akaha elnang an yēḵ ngam vame-eṅkūö;) hökngen cha yip mi-i Yūtā nö meutngö nö i kui rôngö;

ISIKĪ-ĔL 44:7

Ngam inlönghöt aṅ tahëng panam, töttunyīnyi ellōn alaha inrē, nö el ngam töhet chūök chu, nö hachōichngö e, hē meh kētö nyā-aṅkūö chu, tö tösangöö mahām inrē. Ngaich man falalöti tö ngam kinlēḵngô chu nö holre tö nup in meh sin-òkkūö.

ISIKĪ-ĔL 9:7

Ngaich ngö ṙô anga-aṅ tö cha, Hachōichngö ngam patī, hatööḵlö minël el milūkö inrē tö yip töfëli. Kuṙòh kiröönngöre. Lökten cha nö kiröönngöre, ngaich fëlngö ngam elpanam.

ISIKĪ-ĔL 7:22

Havööngökūöre chin min tö cha, hòṅ cha min nö hachōichngö ngam tövai chūök chu; kuhēthötre yip min tötūmu nö hachōichngö e,

YERIMIĀ 52:13

Ngaich anga-aṅ nö föngtökūö ök patī ngam Mā Tēv, tö ök patī ök rācha inrē ṙòkhöre inrē nuk patī i Yērusalem; keuheūtngöre tökiröng patī nö föngtukūö tö ò.

YERIMIĀ 20:5

Hēk inrē chū-ö min kētö nup kanôlò ngam elpanam nup taneunglen e, nup aṅ in e töpōi ṙāi, aṅ in yip rācha aṅ Yūtā nö eltī yip lā-al cha, yip kamīlö cha min, kē-ĕ u inrē, ngaich kēngen u nö i Pēpilön.

YERIMIĀ 15:13

Kētu nuk kanôlò meh töpōi ṙāi chehen meh inrē nö ngaich ngen, öt ṙāyu, tökūö nuk tökööl yīö keuheūtngöre chūök im panam yīö.

Isayā 63:18

Höng rahëchtaṙen yin vē töhet tarik meh nö amīnu tö ngam töhet chūök meh, ngaich yip tökunyaha-elmat tö ih nö rööntö kui e.

YERIMIĀ 50:28

Hangihtöre! Falngöre yin öt kô-òngvah inrē nö ṙā-ang ing panam Pēpilön, nö ve-eny in Sīyôn tö ngam invāhalvah aṅ im Mā Tēv ngam Tēv hī, invāhalvah ngam töhet chūök ò.

I. CHÖNGÖ 23:4

Pò cha nö öt höngkūö yīö nö el talöökö nö kumtö nyā-aṅkūö mak inrē, hē yīö yih ṙā-ang Aikup; kūö cha inrē nö haṙāyö Pēlam nö lā-al yīö ök kikōnyö kūön Piōr aṅ Pitōr i Mesepōtamia, nö rūtngen yīö.

2 KINṘÖTNGÖ 36:18

Ṙòkhöre inrē nuk chūökṙen ngam patī ngam Tēv, tökiröng tökūöṅnö, tö nuk chehen ngam patī ngam Mā Tēv, tö nuk chehen ök rācha yik kūön rācha in ò inrē, ṙòkhöre në nö kum ò nö yih nö i Pēpilön.

YERIMIĀ 27:19

Tön ngö ṙô an ngam Mā Tēv yip tömaṙôngö tö inlahen nup machööḵlö, ap mai, nup tanööngö, nup chööḵṙen nup chūökṙen nup tö-ōtre nö i ngih elpanam,

YERIMIĀ 27:21

Ngö ṙô an ngam Mā Tēv yip tömaṙôgö, ngam Tēv Israel, tö inlahen nup chūökṙen nup tö ōtren el patī ngam Mā Tēv, el patī ap rācha aṅ Yūtā, i Yērusalem inrē: