INLAHEN 1:6 - TÖHET LĪPÖRE (Re-edited) Bible (BSI)

⁶ Lökten hē cha nö hamūlöre, ngaich ngö ṙô nö hatönan, Mā; ngaich Öm töngamuh havantö ngam pūlngö in Israĕl?

INLAHEN 1:6 Referans Kwoze

T. LŪKÖS 19:11

Ngaich hē cha nö hāngö u, hĕng ök ṙô Ò inchōḵoṙô nö ṙūönyôre; pò Ò nö röhta nö i Yerūsalem, pò ngam pūlngö ngam Tēv inrē nö ka-eūyen mineūkö, tö lōn cha.

T. LŪKÖS 17:20

Ngaich pò Ò nö hatönö tö yik Feresī, tö hē yanihih ngam pūlngö ngam Tēv; ngaich Anga-aṅ nö sapṙô cha, nö ngö ṙô, Rö-ö an ngam pūlngö ngam Tēv nö yih, nö sā mineūkö e.

TANĪ-ĔL 7:27

Ngaich ngam pūlngö ngam minā-aṅ inrē ngam ṙôkö ngam pūlngö inrē elkatòh ngam halīöngö min nö kētu nö in yip tarik aṅ in yip töhet ngam Lamātulöng; töt chanūhuvṙen min ngam pūlngö cha, ṙòkhöre min nup pūlngö nö lök la-en cha, hang chöngö cha inrē.

T. MËTIV 24:3

Ngaich hē Ò nö ūichngöre, nö i kui ap Rôngö Òliv; ngaich ulāikenre yik mahaköp nö yihtöre nö in Ò, ngaich ngö ṙô. Ve-eny nang ih Man, ĕhē ön min anu-ö? Asuh öp min inrē minkahngö yanihih Meh, öp manāngen ngih panam inrē?

T. LŪKÖS 22:29

Halēnngen yīö Chin tö ngam pūlngö, sā tī ngam Yöng Chu nö halēnngen Chu;

T. MËTIV 17:11

Ngaich ngö ṙô Ang-aṅ, nö sapṙô cha, Kô òp Ēlaicha nö yih nö urĕh; ngaich halēnken taṙòkhöre.

T. MËTIV 20:21

Ngaich ngö ṙô Anga-aṅ tö ò, Asuh ap lōn meh? Ngaich ngö ṙô anga-aṅ tö Ò, Chöngu Man yēḵ hòṅ nā kūön chu nö ūichhaka, hĕng tarik lahāmö Meh, hĕng taka latavē meh inrē, nö im pūlngö meh.

SAKARIĀ 9:9

Ō kikānö Sīyôn, kiröngen inṙamlōn man; hū-a man, Ō kikānö kūön Yērusalem: yĕh meuk, yih an ngam rācha meh nö in meh tölöök an, aṅhaṅv-in inrē tö inyööken; yāich an i uk kötta an, i uk kūön kötta inrē.

AMŌS 9:11

Ip sakāmö angū-ö chū-ö min hachohlö öp inrūkui Tāvit öp töfukngö; löpngö kūö nup tömëngö in e inrē; ngaich chū-ö min inrē asöklö nup töpayāyi in e, mānlö e chū-ö min inrē nö sā nuk sakāmö misī;

YERIMIĀ 33:26

Ngaich chū-ö min sōḵen yip kūön Yāköp yip kūön Tāvit inrē ngam tarik chu ngaich inrē min öt hĕng tak atöllö tö yip kūön ò nö mahayöng i kui vē kūön Aprahām, Isak, Yāköp inrē. Pò chu min havantö nuk kanôlò cha, aṙē-ĕlōn tö cha min inrē.

Isayā 1:26

Ngaich chū-ö min inrē havantöre kamhôṅka in meh nö sā lā-urĕh, mahalēnö meh inrē nö sā ik ranehlö: ngaich unôich min më-eṅ havëkö ngam elpanam lanöökö, ngam tökô-en elpanam.

Ranehlö 49:10

Öt ṙāken Yūtā an min ngam tinkung minā-aṅ, öt rēhĕn ngam kinchīrö mahayöng nö ṙākö hôi kalröön ò hanöng saha Siloh nö yih; in ò min yip tarik nö hang chöngö ò.

T. YÔHAN 21:21

Höng meuktöre Pītör tö ò, ngaich ngö ṙô tö Yēsū Mā; Sitih min ngòh tarik ngòh?

T. MĀKÖS 9:12

Ngaich ngö ṙô Anga-aṅ tö cha, Kô ap Ēlaicha nö urĕh tö yihih, ngaich halēn taṙòkhöre. Ngaich Sitih kinūichngö ngòh Kūön Tarik, tö Ò nö ötkôn rö-ö nö pōiyen kanihngen, sōḵovö inrē?

MAIKA 5:2

Me-eṅ pöri, Petlihem Efrata, öm tökūöṅnö in yip tököṅnyu i Yūtā, hĕng tak ap min lamöknyö in meh nö yih nö in chu nö mahayöngö Israel; ṙameū-eung i tö misī ap kinröngö ò, nö ṙameū-eung im töt chanūhuvṙen.

HŌSĪ 3:4

Pò yip kūön Israel min nö ngöh nö ṙōl sumkam nö öt rācha vö, öt kūönuvö rācha, öt kētuvö tökētu, öt insā-av tēv, öt sörplissu hēk nup teraf.