INLAHEN 1:3 - TÖHET LĪPÖRE (Re-edited) Bible (BSI)

³ Yik tö hameukhumat tö Ò nö aṅ, unôichrit kanihngen Ò, nö pōiyen minkahngö; meūkö tö cha nö fën anāi tum sumkam; nö ṙôtö inlahen ngam pūlngö ngam Tēv.

INLAHEN 1:3 Referans Kwoze

INLAHEN 13:31

Ngaich ṙōl sumkam Anga-aṅ nö meūkö tö cha, yip yamih nö hol Ò nö i Yerūsalem, nö ṙā-ang Kelelī; yip ameūken Ò töngamuh nö i vē tarik.

T. YÔHAN 20:26

Unôichrit töhëvhör sumkam hēk, yik mahaköp nö el patī, in cha inrē Tômös. Yihtöre Ang Yēsū höng löphakkūö nuk inkūp; söklöre ngaich nö ellōn: ngaich ngö ṙô Kumchikṙen yēḵ in yīö.

1 YÔHAN 1:1

Vë-eny nang yīö in tö ngam Ṙô ngam nômö ngam aṅ im raneh, ngam maheuṅk në mat ih, ngam ngahëichkö ih, ṙēpa inrē në kuntī ih.

T. YÔHAN 21:14

Linūöi heuh Yēsū an angū-ö, nö hameuktöre nö i yik mahaköp, unôichrit chanôhòl Ò, nö ṙā-ang i yip tökapah.

T. YÔHAN 21:1

Unôich hēk Ang Yēsū nö hameuktöre nö i yik mahaköp nö ip mai Tipēriös. Ngö inlahen Anga-aṅ nö hameuktöre;

T. MËTIV 28:9

Ngaich ilööṙen Yēsū nö asaha cha: nö ngö ṙô, Salām. Yihtöre cha-a ngaich, nö kēḵ kunröön Ò; ngaich sōntökūöre nö in Ò.

INLAHEN 28:31

Ahangkö ngam pūlngö ngam Tēv, haköphöti inrē i nuk inlahen ngam Mā Yēsū Kristū, nöng öt pa-ekūö; öt hĕng tak tamahngö inrē.

1 TÖSALÒNIKĒ 2:12

Hòṅ yīö lök im töhōḵov tö ngam Tēv, ngam mahavëten yīö im pūlngö Ò, kanôlò Ò inrē.

KÒLÒSĪ 1:13

Ngam ṙamānyen hī ṙā-ang el ngam sinngūlö, ngaich haṙī-ing chūök hī im pūlngö ngam Kūön hanāngenlōn:

RŌMA 14:17

Tön rö-ö an ngam pūlngö ngam Tēv nö nyina-aṅvkūö, inôkö inrē, tön lanöökö, lanāmö, ṙanāmölōn inrē, im Töhet Fanöinylö.

T. MËTIV 21:43

Lökten Chin ngö ṙô tö yīö. Kē-ĕyö an min ngam pūlngö ngam Tēv, nö ṙā-ang in yīö; ngaich kētu min nö i yip tahëng tarik, yip kamëtö ṙòng.

I. CHÖNGÖ 9:9

Hē chu yônlö ngaich i kui ngam rôngö öich kē minë tömitāk ihong, ngam kinlēḵngô ngam Mā Tēv nö in yīö, ngaich fën anāi sumkam fën anāi mitööm inrē chū-ö i kui ngam rôngö: öt nyā rôti öt òk mak öich rēhĕn.

T. MËTIV 4:2

Ngaich hē Ò nö keuheūten nö fën anāi sumkam, fën anāi mitööm, nö ahik; unôich Anga-aṅ nö kapahare.

T. MËTIV 3:2

Havöötö ellōnre yin; tön röhta an ngam pūlnga ngam halīöngö.”

1 RĀCHA 19:8

Chōholre ngaich anga-aṅ, ngaich nyā òk inrē, kiröönngöre ngaich nö fën anāi sumkam fën anāi mitööm nö chuh Hôrep ngam rôngö ngam Tēv nö i kumlēḵ ngam nyā-aṅkūöre.

I. CHÖNGÖ 9:18

Afukngöre chū-ö ngaich i kūö ngam Mā Tēv, sā re ik raneh, fën anāi sakāmö fën anāi hatööm inrē: öt nyā rôtī öt òk mak rēhĕn; kūö nup tökööl yīö nuk kanöölö fālen yīö, öi la-evṙen tö tötlöök i kūö ngam Mā Tēv, öi harunnyö lanīnö ò.

T. MĀKÖS 16:19

Ngaich ngam Mā Yēsū nö kēḵlöngö nö el halīöngö, tö kinheūṅtö ṙô Ò tö cha; ngaich ūichngöre nö lahāmö ngam Tēv.

INLAHEN 8:12

Hē cha pöri nö ṙātö ellōnre i ṙô Filip, nö ahangkö ngam tölöök inhangkö ngam pūlngö ngam Tēv, Mine-eny Yēsū Kristū inrē; vōkö cha-a ngaich, hĕnghöre kikōnyö kikānö inrē.

INLAHEN 19:8

Kuhēthötre ngaich anga-aṅ nö el chūök vinë-eṅkūötēv, lūöi chumngëṅtö rô-òten nö ötpinheṅeṅvkūö ṙô nö ve-ekūö, ane inrē hōten cha nö haköp nup aṅ im pūlngö ngam Tēv.

INLAHEN 28:23

Ngaich hē cha nö sakāmu ṙô tö ò, yihtöre cha-a nö in ò, nö el ök chūök ò, nö maṙôngö. Mikahtu elmat cha-a tö ò, eūkö ngam pūlngö ngam Tēv; löknyö im chöngö Môsös ṙô i nup ṙô yik pròfĕt inrē, anga-aṅ nö löktökūö peuheū, söl hatööm.