HEPRĀI 9:7 - TÖHET LĪPÖRE (Re-edited) Bible (BSI)

⁷ El ngam innëtö pöri höng hĕng tak ngam mākūö kūön ṙô, hĕng heuh i töhĕng samyeūheu, rö-ö nö öt holtö mahām, öp kahëtö ò tö pòkūöre, kūö fālen yip tarik ò inrē:

HEPRĀI 9:7 Referans Kwoze

LA-EN LĒVĪ 16:34

Ngaich angū-ö min ngih chöngö nö in yīö nö tötchanūhuvṙen, öi vī inlām tökööl yip kūön Israĕl hĕng heuh i töhĕng samyeūheu kūö nup tökööl cha. Ngaich ngatī Môsös i tinöölô ò tö ngam Mā Tēv.

LA-EN LĒVĪ 5:18

Ngaich kētö kūön sīṅp min anga-aṅ hĕng nòng töt vahav alaha aṅ i töhĕng kiteūm, sā ṙôkö ṙāi tī meh, tö kūö fālen tökētu nö im Kūönṙô, ngaich ngam Kūönṙô min nö havëkö inlām tökööl ò nö ip vanāichö ò nö öt hutölhangen öt akahngen e inrē anga-aṅ, ngaich aṙēlöngö min anga-aṅ.

HEPRĀI 7:27

Öt sā yik mākūö kūönṙô nö kētö nup tökētu, nö hòṅ öt hĕng hang sumkam, urĕh nö chööḵnyö tö nuk tökööl cha, ngaich möl nö chööḵnyö tö nuk tökööl yik tarik; höng hĕng heuh tī pöri Anga-aṅ tö chööḵnyö tö taṙòkhöre, hē Ò nö kēḵngöre.

MANEUTNYI 30:10

Ngaich Āròn min inrē nö kētö inlāmö tökööl nö i kui nup sinrōl e hĕng heuh i tö hĕng samyeūheu nö kētöp mahām inlāmö kūö tökööl tö pôkūö e i tumkölchap yīö: tölngö töhet an angū-ö nö im Mā Tēv.

HŌSĪ 4:12

Havëkö inlēnöre vē tarik chu nö im kaṙālö, ngaich ngam tinkung cha nö vë-eny nang cha; pò öp; ma-alaha insĕha nö halō-ongkūö cha, ngaich cha-a nö asĕha nö ṙā-ang elkatòh ngam Tēv cha.

Isayā 28:7

Ngaich pöri vē inrē nö kūö vāin nö lō-ongkūö, kūö tökalēḵ inrē ka-eūt nö chatngen; lō-ongkūö yip kūönṙô tö yip pròfĕt inrē tökūö tökalēḵ ka-eut, ngaich yip nö ngeūṅktu tö ka-eūt, lō-ongkūö yik nö ngaich tö kūö tökalēk kā-eūt; vāchö mat yip tö maheuṅk re, kavē-ĕre yip nö i inkaha fālen.

Isayā 9:16

Pò cha yip mahachōḵ kūö vē tarik nö vīngen cha nö vāchö kū-ö; ngaich cha-a yip töhachō-o kūö tö cha nö lëlngö

Isayā 3:12

Vē tarik chu pöri, hakihtuṙen tö yip nyīö, ngaich kikānö min mahayöngö cha, Ō yī-ö tarik chu, lō-ongkūö tī yin tö meh më mahachōkūö meh, ngaich yin nö pasū-utī tö ngam töng kanröönö talöökö meh.

HEPRĀI 10:3

In u pöri nö fēkaṙen nup tökööl, öthĕnghang samyeūheu.

AMŌS 2:14

Ngaich yip töpāngö min nö lëlngö tö tī yip töveut, ngaich yip tökalēḵ min nö öt hangëkö yip kunyung in cha, öt rēhĕn öp tömihôiṅ min nö ṙānyö nômö re:

Isayā 29:14

Lökten, yĕh meuk hòṅ iṙūhen chin vī unṙëhe la-en in vē tarik, öp unṙëhe la-en pinngangkūö inrē ngaich payāyi min öp mikah cha yip tö-akaha tarik, hayūni min inrē öp mikah elmat nö in yip tö-akaha tarik cha.

Salmai 95:10

Fën anāi samyeūheu rô-òten chin harivlōn i ngih tumköl chap: ngaich öich ngö ṙô, Tarik yin tövāchö kū-ö ellōn; öt akahakūö yin tö në talöökö chu.

Salmai 19:12

Chīö ap tökô nö akah vanāchö ò: halööklen chu tö nup töhayunka fālen.

2 KINṘÖTNGÖ 33:9

Haṙöingen Yūtā ang Manasē tö yip aṅ Yērusalem inrē, lökten cha nö ṙūöhölre la-en tö tötlöök nö mötlö tö yip pumnāmö tarik yik tö ahātiyö tö ngam Mā Tēv nö i kūö yik Israĕl.

2 SAMUĔL 6:7

Hūlökūö ngaich ngam lanīnö ngam Mā Tēv nö in Usāh; fëlan ngaich ngam Tēv tö kūö ngam vanāchö ò; kapah ngaich anga-aṅ nö umuh ik kasòng ngam Tēv.

KINṘEŪKÖ 15:25

Ngaich min öp kūönṙô nö vī inlām tökööl yip tömaṙôngö kūön Israĕl nö ṙòkhöre, ngaich aṙēlöngö min cha-a; pò e nö lanôḵngen, ngaich cha-a inrē nö kētö inlöökre, nö im Mā Tēv nö lökten i kūö tameūyö, ane inrē öp tökētu nö i kūö ngam Mā Tēv kūö tökööl cha kūö lanôḵngen cha:

EFISÖS 4:18

Sangulköti nup mikah cha, ngaich tangngöre nö im nômö aṅ im Tēv, kūö ötmikah cha, ingëḵeng ellōn cha inrē,

HEPRĀI 6:19

Ngam in hī, nö sā sanumti ngam nômö mineūka, hĕnghöre tö kô-en, tököp inrē, mameuthöt inrē nö el ngam lātulēt ranangkūö;

HEPRĀI 9:3

Ngaich lā-uk ök innët ranang, ök inrūkui tökaheūkö nö Töhet kūö nup töhet;