HEPRĀI 9:6 - TÖHET LĪPÖRE (Re-edited) Bible (BSI)

⁶ Ngaich nun yih anū-ö nö halēnö nö ngatī, öt heumkenre yip kūönṙô nö kuhēthötre nö ël ök raneh inkūkui, hateungngö nuk la-en;

HEPRĀI 9:6 Referans Kwoze

KINṘEŪKÖ 28:3

Ngaich ngö ṙô më-eṅ min tö cha, Ngih ön tökētu lökten i kūö tameūyö nö tökētu min tö yīö nö im Mā Tēv; kōiny kūön sīṅp aṅ im raneh samyeūheu töt pitōtu, nët nòng i töhĕng sakāmö, nö töng iṙūöhen töföngö tökētu.

MANEUTNYI 27:21

El ngam rūkui manūlö, lā uk ngam ranangkūö lā kūö ngam tökô-en inmeuktö, Āròn min tö yip kūön ò inrē tö chöngu tö e nö löktökūö harap söllö peuheū nö i kūö ngam Mā Tēv: Chöngö min angū-ö nö tö-örheūheu i tumkölchap cha yip kūön Israĕl.

TANĪ-ĔL 8:11

Hapōilöre anga-aṅ, nö uroh nö sā kūön rācha minë tömaṙôngö; ngaich nuk töt heumköre töföngö tökētu nö kē-ĕyö nö ṙā-ang in ò, ngaich ök töhet chūök ò nö tiṙōli.

KINṘEŪKÖ 18:2

Më-eṅ tö yip kikōnyö kūön meh öi holkūöre, yip mak-alaha meh min inrē, miyöngö Lēvī, öp miyöngö öp yöng meh kikōnyö, kēten cha nö röhta nö in meh, hòṅ cha nö mūlta nö in meh, meukṙen meh inrē: më-eṅ pöri tö yip kikōnyö kūön meh hol meh min nö i kūö ngam rūkui minkahngö kanô-en.

RŌMA 9:4

Yip aṅ Israĕl; yip tö inrukluvö, tö kanôlòvö, minë chöngö inrē, ngam kinëtö chöngö inrē, ngam linökö la-en ngam Tēv inrē, tö minë kinlēḵngô;

HEPRĀI 7:11

Yĕn teungten öre nö lökten in Lēvī ngam la-en kūönṙô (pòn el katòh yik tarik nö teūngen tö ngam chöngö), asuhtöre lōn öi ayī-ö tö tahëng kūönṙô öi hōklöre öi lökngörit Melkisētĕk, öi öt lökngörit in Melkisētĕk, öi öt kaheuktu öi lökngörit in Āròn?