HEPRĀI 9:5 - TÖHET LĪPÖRE (Re-edited) Bible (BSI)

⁵ I kui e nak kërupim nö yanöṅtö, hanyattö kui ök anūichö neūkölōn; ötkô in töngamuh milētṙô eūken u.

HEPRĀI 9:5 Referans Kwoze

KINṘEŪKÖ 7:89

Ngaich hē Môsös nö kuhēthötre nö ël ngam rūkui manūlö, ngaich anga-aṅ nö hang ök ṙô nö vë-ekūö ò nö löknyö lā tulöng tö kui öp anūchö miṙēlōn i kui ök kasòng chöngö minkahngö kanô-en, nö löknyö hôi nup kërupīm: ṙô nö vë-ekūö Ò.

LA-EN LĒVĪ 16:2

Ngaich ngö ṙô ngam Mā Tēv tö Môsös, Vë-ekūö öp kahëm re man Āròn, hòṅ ò nö öt yih nöng örheūheu nö el ngam töhet chūök nö lā ël ngam ranangkūö i kūö ngam anūichö miṙēlōn, ngam i kūö ngam kasòng chöngö; hòṅ ò nö öt kapah: tön meūkö chin min el taṙul i kui ngam anūichö miṙēlōn.

Salmai 99:1

Hayöng An ngam Mā Tēv; kichëyöre yin yēḵ më tarik: ūichhak An nö i uk kerupīm; kē-ĕngre an yēḵ ngam panam.

Salmai 80:1

Ō yōm vē pököre Israĕl, hangihtöre, ngaich Man hachōnyen Yôsĕf sā kinteūmö pököre: Me-eṅ amūichhak i hôi yip karupīm, yang Man yēḵ.

LA-EN LĒVĪ 16:13

Ngaich chaplö lōpān min anga-aṅ nö i kūö ngam tameūyö i kūö ngam Mā Tēv, hòṅ ngam taṙul kūö ngam lōpān nö kahultö kui ngam anūichö miṙēlōn ngam mī-i kui ngam minkahngö kanô-en, hòṅ ò nö öt kapah:

1 PĪTÖR 1:12

In cha nö hameuktu angū-ö, öt höng meukṙen cha-a tö u, tön meukṙen yīö, tö u nup tövënyu töngamuh nö in yīö, nö löktö i ṙô yip ma-ahangkö ngam tölöök inhānga nö in yīö, lökten im Töhet Fanöinylö tö tīntu nö ṙā-ang el halīöngö: nup lōn yip ma-ahānga nö hòṅ meuk.

HEPRĀI 4:16

Ta-a lökten töi ṙūöhtöre holtö öt pinhë-eṅkūö im kantēra inkôlò, hòṅ hī teūngen tö neūkölōn, ngaich kôtökūö tö inkôlò nö holṙen hē el hanāṅten.

1 KINṘÖTNGÖ 28:11

Ngaich ang Tāvit nö kē-ĕkūö ök kūönre Sòlòmön tö insā vinī-i ök rittūi ök tempöl, tö nuk patī e chūök rupīö e, lātulöng urôhò e, la-ël inrē tökiröng urôhö, urôhò ap anūchö miṙēlōn inrē;

2 RĀCHA 19:15

Ngaich i kūö ngam Mā Tēv ang Hësikiā nö ngö ṙô, nö vë-ekūötēv, Ō Mā Tēv, Tēv aṅ Israĕl, amūchhaka i uk yik kërup, më-eṅ man Tēv, höng më-eṅ, i kui në taṙòkhöre pūlngö ing tumlat: më-eṅ man vamī halīöngö tumlat inrē.

1 SAMUĔL 4:4

Lökten yik tarik nö tīnngö chamuh Sailō, ngaich ṙā-ang umuh cha-a nö kumtö ök kasòng kinlēḵngô ngam Mā Tēv yip tömaṙôngö, ök mi-ikui nuk kërupim: umuh inrē nak kikōnyö kūön Ēli, nā Hòfnī nā Finehes in ök kasòng kinlēḵngô ngam Tēv.

EFISÖS 3:10

Pòn hōtu töngamuh nö mikahtulōn yip yöngṙen tömihôiṅ inrē el halīöngö nö lökten ngam Māṅ, tö ngam töṙōlkangen mikah ngam Tēv,

RŌMA 9:4

Yip aṅ Israĕl; yip tö inrukluvö, tö kanôlòvö, minë chöngö inrē, ngam kinëtö chöngö inrē, ngam linökö la-en ngam Tēv inrē, tö minë kinlēḵngô;