HEPRĀI 9:4 - TÖHET LĪPÖRE (Re-edited) Bible (BSI)

⁴ Aṅhaṅv ël tök humlum chūök tötahūsa töföngö, ök kansòng ngam chöngö inrē tövinngö aṅ alaha tö humlum, ël e ök humlum tanīöyö tö aṅtö manna, ök tösīöp inrē tinkung Āròn, nuk tömitāk chūök kinūichö ngam chöngö inrē;

HEPRĀI 9:4 Referans Kwoze

KINṘEŪKÖ 17:10

Ngaich ngö ṙô ngam Mā Tēv tö Môsös, Ṙātö ngam tinkung Āròn hēk nö i kūö ngam minkahngö kanô-en, nö ṙātu minkahngö yip kūön Israĕl nö ahôngö chöngö; hòṅ meh keuheūten tī tö ngam unyëḵa tö cha nö lā-al kūö meh, hòṅ cha nö öt kapah.

2 KINṘÖTNGÖ 5:10

Öt aṅhavö ök kasòng tö yô-òv höng nuk tö nët tömitāk ihong chahaphöt Môsös nö i Hôrep, i chūök ngam Mā Tēv nö vī kinlēḵngô nö in yip tarik Israĕl, hē cha nö kunyī-inyre nö ṙā-ang Aikup.

LA-EN LĒVĪ 16:12

Ngaich anga-aṅ min nö kēḵ chūök finöngö lōpān öp tö tööḵlö tö ta-ök tameūyö nö ṙā-ang im tahāklö i kūö ngam Mā Tēv, tööḵlö eltī nga-aṅ tö lōpān tösōngö nö pahīöya, ngaich kēhöt e nö lā ël öp ranangkūö:

MANEUTNYI 40:3

El e tī pömchö tö ap kasòng tökô-en inmeuktö, hanyantngö ap kasòng më-eṅ töp ranangkūö.

MANEUTNYI 26:33

Ngaich me-eṅ min seūlö ngam ranagkūö nö i nup kinvòk, ngaich in e kēhöt ngam kasòng minkahngö kanô-en el ngam ranangkūö: ngaich ngam ranangkūö min nö haköhngen meh tö ngam töhet chūök nö i hôi ngam tölngö töhet.

KINṘEŪKÖ 17:5

Ngaich min, öp katöllö Chu min tarik, môlnyi chūök ṙòng tinkung ò min: ngaich Chū-ö min vīten yip kūön Israĕl nö ṙāngöre nö uyëḵ, tö nup uyëkö cha nö lā-al kūö meh.

MANEUTNYI 34:29

Ngaich ngö inlahen angū-ö hē Môsös nö yônti nö ṙā-ang kui ngam rôngö Sināi nö kumtö nuk tö nët tömitāk ihong ök tökô-en inmeuktö nö eltī Môsös, hē Môsös nö yônti nö ṙā-ang kui öp rôngö öt akahngen uk alaha kūöre anga-aṅ nö angāṅya, isaha ò nö vë-ekūö Ò.

INMEUKHÖMAT 8:3

Yihtöre ök tahëng Ma-ahānga nö ik tahāklö, aṅhaṅv-in tök humlum inhus lōpān; ngaich pōyen kinë-eṅkūö anga-aṅ tö lōpān, pòn hōtu anga-aṅ nö aholtö e nö i nup ṙô yip töhet vine-eṅkūö tēv, nö el öp humlum tahāklö, ök i kūö ök kantēra.

1 RĀCHA 8:21

Ngaich chin in e tī tö chūök ngam kasòng, tö-āṅhaṅv tö ngam kinlēḵngô ngam Mā Tēv kinlēḵngô ò nö in yik muvöhngö hī hē ò nö kēnyen cha nö ṙā-ang ngam panam Aikūp.

1 RĀCHA 8:9

Öt āṅhavö ök kasòng höng nuk tö nët tāk ihong nuk chahaplö Môsös nö i Hōrep, hē ngam Mā Tēv nö vī kinlēḵngô nö in yik kūön Israĕl, hē cha nö yih nö ṙā-ang ap panam Aikup.

1 RĀCHA 7:50

Tö nuk kōp innyangngö kūö ëāṅvö, pēsön, sanël,chūök kunral, höng humlum nyöre; tö nuk tinkīök inkūp, hĕnghöre i nuk inkūp lā ël ök patī, ik chūök tölngö töhet, i nuk inkūp ngam patī inrē, ngam patī ngam Tēv inrē, nöng humlum.

KINṘEŪKÖ 17:8

Ngaich im huṙöich, kuhēthötre Môsös nö el ök rūkui minkahngö kanô-en; ngaich meuk ök tinkungs Āròn ök aṅ patī Lēvī nö môlnyi chūök ṙòng, sīöpnyi chūök ṙòng inrē, ruknyi kūö ngaich nuk pūl, ngaich ṙôngu tö tököiny almön.

MANEUTNYI 39:35

Tök kasòng ngam tökô-en inmeuktö, tö nuk kaneun e, tök anūichö miṙēlōn inrē;

MANEUTNYI 31:18

Ngaich kē-ĕkūö Môsös anga-aṅ, tö nuk tö nët tömitāk tö aṅ mat tö ngam tökô-en inmeuktö, hē kinheūtö ṙô Ò nö vë-ekūö ò nö i kui öp rôngö Sinai, nuk tömitāk ihong, tö kūichö mat tö kuntī ngam Tēv.

MANEUTNYI 32:15

Havöökūöre ngaich Môsös, ngaich yônti nö ṙā-ang kui ngam rôngö, kūmu tö nuk tö nët tömitāk ihong ngam tökô-en inmeuktö nö eltī ò; nuk tömitāk ihong tö āṅngöre lā-a kinūichö mat; im tö hĕng lā, im tahëng lā inrē nö kūichö mat anū-ö.

MANEUTNYI 37:25

Ane inrē anga-aṅ vī tahāklö lōpān tö sittim chōn: hĕng sumkôngö rôta, hĕng sumkôngö (45 centimitre) ṙôktāk inrē fën mireṙö; nët sumkôngö rô-òl kaha; nup sinrōl e höng hĕng milôhò nö alaha e.

I. CHÖNGÖ 9:9

Hē chu yônlö ngaich i kui ngam rôngö öich kē minë tömitāk ihong, ngam kinlēḵngô ngam Mā Tēv nö in yīö, ngaich fën anāi sumkam fën anāi mitööm inrē chū-ö i kui ngam rôngö: öt nyā rôti öt òk mak öich rēhĕn.

I. CHÖNGÖ 9:11

Ngaich hē kinheūten nup töfën anāi sakāmö fën anāi hatööm inrē, ngaich ngam Mā Tēv nö kētö nuk tönët tömitāk ihong nö in chu, nuk tö mitāk ihong ngam kinlēḵngô.

INMEUKHÖMAT 11:19

Ngaich nö löpnyukūö ngam töhet chūök ngam Tēv, ngam elhalīöngö; ngaich meūkö nö el ngam töhet chūök Ò, ök kasòng nuk chöngö; tömörit angū-ö tö hanyālö, ṙënṙô, kunṙôkö, kumyeūnö, yöng tö kënngöre kumṙah inrē.