HEPRĀI 9:3 - TÖHET LĪPÖRE (Re-edited) Bible (BSI)

³ Ngaich lā-uk ök innët ranang, ök inrūkui tökaheūkö nö Töhet kūö nup töhet;

HEPRĀI 9:3 Referans Kwoze

T. MËTIV 27:51

Ngaich ök tananglö ël ök töhet chūök nö nët tit nö takaich, löktökūö latulöng, söl lataṙeū; kayīna ngaich ngam tumlat; larakköṅny inrē nuk ihong.

MANEUTNYI 40:21

Ngaich anga-aṅ nö kēhĕt ngam kasòng Chöngö nö ël ngam inrūkui, ngaich vītö ök innyatngö ngam ṙanangkūö, ngaich hanyatngö ngam kasòng tökô-en inmeuktö, sā tinöölô Môsös tö ngam Mā Tēv.

MANEUTNYI 40:3

El e tī pömchö tö ap kasòng tökô-en inmeuktö, hanyantngö ap kasòng më-eṅ töp ranangkūö.

HEPRĀI 9:8

Hameuktö ngih ngam Töhet Fanöinylö, tö ngam talöökö el ngam töhet chūök nö öl nö hameuktu i saha ngam raneh inrūkui nö sökhaka;

1 RĀCHA 8:6

Kēḵtö ök kasòng ngam kinlēḵngô ngam Mā Tēv yik kūönṙô nö i chūök e, ël ök chūök töhet im patī, nö ik tölngö töhet chūök, el katòh rōi kël nuk kërup.

HEPRĀI 6:19

Ngam in hī, nö sā sanumti ngam nômö mineūka, hĕnghöre tö kô-en, tököp inrē, mameuthöt inrē nö el ngam lātulēt ranangkūö;

Isayā 25:7

Ngaich anga-aṅ min nö i kui ngih rôngö nö piyāingö öp innyatngö tökahultu nö i kui yip tarik, öp kinṙulkui inrē tö kahultu nö i kui yip tarik, öp kinṙulkui inrē töhanyāknyu nö i kui taṙòkhöre pumnāmö tarik.

2 KINṘÖTNGÖ 3:14

Vī ranang kūö anga-aṅ tö tölingūṅ tö-amëla töhuṙing, tö-amëla ta-īö tö laturë tövai inrē linen hilā, ngaich mirūnö mat tö insā kërup.

KINṘEŪKÖ 4:5

Hē ngam elyöngö nö hòṅ kiröönngöre, kuhēthötre min Āròn tö yip kikōnyö kūön ò inrē, ngaich cha-a min nö ṙòngtö öp ranupkui ngam rananglö, ngaich haṙungngö öp kasòng chöngö tö e:

1 RĀCHA 6:16

Ngaich anga-aṅ nö nët anāi sumkôngö vahīlö nö lārit öp patī nö chōn tö sītör savaich löktökūö el patī söl i nuk kaha e: lā ël tī anga-aṅ inrē nö vī-i u, nö chūök töhet, nö chūök ngam tölngö töhet,

ISIKĪ-ĔL 41:4

Kalah rôta ök urôhò anga-aṅ inrē, nët anāi sumkôngö nët anāi sukmôngö inrē ṙôk tāk e, nö vāngngö töp el milūkö. Ngih ön tölngö töhet nö chūökö.

HEPRĀI 9:7

El ngam innëtö pöri höng hĕng tak ngam mākūö kūön ṙô, hĕng heuh i töhĕng samyeūheu, rö-ö nö öt holtö mahām, öp kahëtö ò tö pòkūöre, kūö fālen yip tarik ò inrē: