HEPRĀI 9:25 - TÖHET LĪPÖRE (Re-edited) Bible (BSI)

²⁵ Öt rēhĕn nö ṙōl heuh nö kētöre; nö sā ngam mākūö kūönṙô, nö öt hĕng hang samyeūheu, nö kuhēthötre nö kumtö mahām, öt mahām Ò pöri;

HEPRĀI 9:25 Referans Kwoze

HEPRĀI 9:12

Öt rēhĕn nö lökten i mahām pököre, kun nuā inrē; lökten i mahām Ò pöri, Ana-aṅ nö kuhēthötre, nöng hĕng van, el ngam töhet chūök, ngaich teūngen tö ngam tö örheūheu ṙinānyö.

HEPRĀI 9:7

El ngam innëtö pöri höng hĕng tak ngam mākūö kūön ṙô, hĕng heuh i töhĕng samyeūheu, rö-ö nö öt holtö mahām, öp kahëtö ò tö pòkūöre, kūö fālen yip tarik ò inrē:

HEPRĀI 9:14

Iṙôkhöl öre ngam mahām Kristū, ngam lamökten im tö-örheūheu-aṅ Töhet Fanöinylö, nö kēḵngöre nö im Tēv, nö töt mirūnuvö, ahetlö elkui lōn yīö, i nup tökapah la-en, öi lök la-en ngam tö-aṅ Tēv.

HEPRĀI 10:19

Lökten in ngaich kuhēthötre, höltö inyönglen, ël ngam töhet chūök, lökten i mahām Yēsū,

HEPRĀI 9:26

Yĕn ngatī öre, ngaich tö ṙōl heuh kanihngen Kristū, hētentö ranehlö ngih panam. Ngaich pöri töngamuh nö kētuvö nöng hĕng heuh, i chanūhu ngam höteh, Anga-aṅ nö hameuktöre nö kēḵngö tökööl, i tī Ò nö kēḵngöre.

HEPRĀI 10:10

Lökten e, angū-ö lōn, ayī-ö ngaich ahetlöngö, i kinëtö ngam alaha Yēsū Kristū, nöng hĕng heuh öt hēk.

MANEUTNYI 30:10

Ngaich Āròn min inrē nö kētö inlāmö tökööl nö i kui nup sinrōl e hĕng heuh i tö hĕng samyeūheu nö kētöp mahām inlāmö kūö tökööl tö pôkūö e i tumkölchap yīö: tölngö töhet an angū-ö nö im Mā Tēv.

HEPRĀI 9:2

Pò ök umuh hĕng töhalēnö inrūkui, ök raneh, tö aṅhaṅv tö ök chūök rööntö manyaṅk, ök mīs inrē tö nuk töhet ròtī inrē ök tö kaheūkö nö Töhetchūök.