HEPRĀI 9:22 - TÖHET LĪPÖRE (Re-edited) Bible (BSI)

²² Ngaich sā ngam chöngö, öhten nö ṙòkhöre nö ahetlöngö tö mahām; yĕn öt kitaktu maham, ngaich öt inṙēlu tökööl,

HEPRĀI 9:22 Referans Kwoze

LA-EN LĒVĪ 17:11

Pò ngam nômö ngam alaha nö im mahām: ngaich kētö e Chu-ö in yīö el ngam tahāklö nö vī inlām tökööl nômö yīö; pòn ngam mahām nö vī inlām tökööl nö kūö e nö nômö.

LA-EN LĒVĪ 6:7

Ngaich ngam kūönṙô min nö havëkö inlām tökööl ò, i kūö ngam Mā Tēv, ngaich aṙēlöngö min anga-aṅ; nö i nup töng sitih kahëken ò nup lökngen ò nö falūṙen.

LA-EN LĒVĪ 4:35

Ngaich kē-ĕyö nup tösangöö min nö ṙòkhöre, sā nup tösangöö ngam kun pököre nö kē-ĕyö im tökētu kūö inlāmö; ngaich ngam Kūönṙô min nö föngö u nö el ngam tahāklö, i kui nup tökētu nö im Mā Tēv nö lökten i kūö tameūyö, i kui nup tökētu nö im Mā Tēv nö lökten i kūö tameūyö; ngaich ngam Kūönṙô min nö havëkö inṙē-ĕl tökööl ò, ip tökööl, chūök aṙēlöngö min anga-aṅ.

LA-EN LĒVĪ 5:18

Ngaich kētö kūön sīṅp min anga-aṅ hĕng nòng töt vahav alaha aṅ i töhĕng kiteūm, sā ṙôkö ṙāi tī meh, tö kūö fālen tökētu nö im Kūönṙô, ngaich ngam Kūönṙô min nö havëkö inlām tökööl ò nö ip vanāichö ò nö öt hutölhangen öt akahngen e inrē anga-aṅ, ngaich aṙēlöngö min anga-aṅ.

LA-EN LĒVĪ 14:14

Ngaich ngam Kūönṙô min nö kēḵ öp mahām ngam tökētu kūö fālen, ngaich ngam Kūönṙô min nö sòhtö e nö i rōi nang ngam töhalööklöng nö lā hāmö, ip inyöng kunröön ò inrē lā hāmö:

LA-EN LĒVĪ 14:6

Ngam tö-aṅ pöri chehechōn, kēḵ an min anga-aṅ, sitör inrē chōn, töngāṅv sanôi sīṅp, hisòp inrē, ngaich kasum tö u min tö ngam tö-aṅ chehechōn nö i mahām ngam chehechōn tö ṙatnyu likeun i kui ngam töhëm mak:

LA-EN LĒVĪ 5:10

Ngaich anga-aṅ min inrē nö kētö ngam innët nòng nö töföngö tökētu, asā ngam chöngö: ngaich ngam Kūönṙô min nö havëkö inlām tökööl ò, ngaich aṙēlöngö min anga-aṅ.

LA-EN LĒVĪ 4:26

Ngaich ṙòkhöre nup tösangöö min nö föngö nö el ngam tahāklö, sā nup tösangöö ngam tökētu tö kūö inlāmö: ngaich ngam Kūönṙô min nö havëkö inlām tökööl ò nö ip kanöölö fālen ò, ngaich aṙēlöngö min anga-aṅ.

LA-EN LĒVĪ 4:20

Ngati tī min anga-aṅ tö ngam nuā; sā tīre tö ngam nuā tökētu kūö tökööl, ngatī tī anga-aṅ tö ngòh; ngaich ngam Kūönṙô min nö vī inlām tökööl cha, ngaich aṙēlöngö cha-a min.

LA-EN LĒVĪ 14:25

Ṙatnyö likeun ngam kōiny sīṅp min anga-aṅ ngam tökētu kūö fālen, ngaich ngam Kūönṙô min nö kēḵ mahām ngam tökētu kūö fālen, ngaich sòhtö e nö i rōi lā hāmö nang ò ngam töhalööklöngö, ip inyöng kuntī ò lā hāmö inrē, ip inyöng kunröön ò inrē lā hāmö:

LA-EN LĒVĪ 5:12

Ngaich kēten e anga-aṅ nö ip Kūönṙô, ngaich öp Kūönṙô min nö hĕng mi eltī-i kahë nö in e nö inköpkölōn ngaich föngö e nö el ngam tahāklö, i kui nup tökētu nö i ngam Mā Tēv nö lökten i kūö tameūyö: tökētu an angū-ö kūö tökööl.

LA-EN LĒVĪ 5:11

Yē ò pöri nö öthuveū-en tö tönët nòng nyö-öṅ hēk tönët nòng kūön pumpa, ngaich anga-aṅ min nö kētö öp kahëtö ò kūö tökööl ò, hĕng nyamum efā (1 kilō lumngan) i tösöm öp töfaṙëcha atra tökētu an nö in e, un chaplöng inrē lōpān nö in e: tön tökētu an angū-ö kūö tökööl.

ISIKĪ-ĔL 43:18

Ngö ṙô ngaich tö chu, Kūön tarik, ngö ṙô an ngam Mā Tēv: Në nun inchöngten im tahāklö: Ip sakāmö hē e nö asöklöngö tökūö töföngö tökētu nö ël e kūö ṙinöstö mahām inrē nö in e,