HEPRĀI 9:21 - TÖHET LĪPÖRE (Re-edited) Bible (BSI)

²¹ Ngatī inrē ngam inrūkui, ṙòkhöre nuk chehetī ël e, nö kichënyö tö mahām.

HEPRĀI 9:21 Referans Kwoze

LA-EN LĒVĪ 8:19

Ngaich anga-aṅ nö ṙatnyö likeun ò; ngaich Môsös nö kicheny tö ök mahām nö el ök tahāklö nö vinngö tī.

LA-EN LĒVĪ 8:15

Ṙatnyö liḵeun ò anga-aṅ ngaich; ngaich kēḵ ök mahām ang Môsös, ngaich lūöptö e nö aṅtī tö kuntīre nö i kui nuk sinrōl ök tahāklö nö vinngö, nö ahetlö ngam tahāklö, ṙöstö ngam mahām inrē nö i rööntö ngam tahāklö, nö ahetlö e nö vītö inlām tökööl e.

MANEUTNYI 29:36

Kaheuk sakāmö min më-eṅ kētö kōiny nuā nö inlāmö kūö tökööl: ngaich ahetlö ngam tahāklö më-eṅ, yē meh kētö inlām tökööl tö pôkūö e; ngaich hachāmö e min më-eṅ, öm ahetlö e.

MANEUTNYI 29:12

Ngaich më-eṅ min kēḵ ip mahām lūöptö e tö kuntīre i kui nup sinrōl ngam tahāklö; ngaich ṙöstö ngam mahām min më-eṅ nö ṙòkhöre i rööntö ngam tahāklö.

LA-EN LĒVĪ 9:18

Ṙatnyö likeun ök kōiny nuā inrē anga-aṅ tök kōiny kūön sīṅp inrē, tökētu nö inlāmö, tö kūö yik tarik; ngaich yik kikōnyö kūön Āròn nö kēḵ tök mahām nö in ò, ngaich kicheny tö e anga-aṅ nö el ök tahāklö nö vinngö tī.

MANEUTNYI 29:20

Ngaich më-eṅ min ṙatnyö likeun ngam kōiny kūön sīṅp, ngaich kēḵ öp mahām ò, ngaich sòhtö e ip lā hāmö rōi nang Āròn, i nup lā hāmö rōi nang yip kikōinyö kūön ò, i nup lā hāmö inrē inyöng kuntī cha, lā hāmö inrē inyöngö kunröön cha, ngaich havīngö tīre kichenytö ngam mahām el ngam tahāklö.

MANEUTNYI 24:6

Ngaich Môsös nö ròngti kahë tö mahām, ngaich chaplö e nö el pēsön; ròngti inrē ök mahām kicheny tö ò nö el öp tahāklö.

MANEUTNYI 40:9

Ngaich kēḵ ngam tavī-i incham pömchö, ngaich hacham ngam inrūkui nup aṅ e inrē nö ṙòkhöre, öm ahetlö e, ṙòkhöre nup chehen e inrē: ngaich angū-ö min nö töhet.