HEPRĀI 9:19 - TÖHET LĪPÖRE (Re-edited) Bible (BSI)

¹⁹ Pòn i tumö nup chöngö, tö ahangnyu tö Môsös, nö i yip tarik, asā ngam chöngö, kēḵ mahām pököre inrē, holtö mak, töngāṅv sanôi pököre, chōn hissòp inrē; ngaich hĕnghöre kicheny kui ngam līpöre, tö yik tarik inrē;

HEPRĀI 9:19 Referans Kwoze

HEPRĀI 9:12

Öt rēhĕn nö lökten i mahām pököre, kun nuā inrē; lökten i mahām Ò pöri, Ana-aṅ nö kuhēthötre, nöng hĕng van, el ngam töhet chūök, ngaich teūngen tö ngam tö örheūheu ṙinānyö.

KINṘEŪKÖ 19:18

Ngaich öp töt kuvīö min tarik nö kēḵ hissòp, sumtö e ngaich nö el mak, ngaich kichënyö e nö i kui öp rūkui, i kui nup chūökṙen inrē nö ṙòkhöre, i kui yip tarik inrē mu-umuh, i kui ò inrē, öp lamūölkö tangëḵ, lamūölkö töfëli, lamūölkö kupah, hēk lamūölkö anūlö:

KINṘEŪKÖ 19:6

Ngaich ngam kūönṙô min nö kēḵ chōn sītör hissòp, laturë inrē ngaich kavalhöt u nö ellōn kūö ngam töhūkūö tameūyö ngam kan kūön nuā.

HEPRĀI 10:4

Pòn öt kanô-òṅvö nup mahām nuā, mahām pököre inrē, nö kēḵngö tökööl.

1 PĪTÖR 1:2

Sā ngam mu-urĕh inkaha aṅ im Tēv ngam Yöng, i inhethölö tö ngam Töhet Fanöinylö, nö im ötminôṙô ngam kinchenytö mahām Yēsū Kristū inrē: inlōnti yēḵ in yīö, lanāmö inrē nö ṙūöhlöre ṙôken.

ISIKĪ-ĔL 36:25

Kicheny kui yīö chin min tö töhet mak, ngaich yī-ö min het ṙā-ang i nup ö hanëtö yīö, ṙā-ang i nup insātēv yīö chin min inrē ahetlen yīö.

T. YÔHAN 19:5

Kunyī-inyre Ang Yēsū nöng sapīövu tö nuk töchökhukūö, inyūtu tök laturë hilā inrē. Ngaich ngö ṙô Pailĕt tö cha, Meuk ngam tarik?

T. YÔHAN 19:2

Ngaich yik kumyung nö vī sapīöv Ò tö tö chökhukūö, ngaich sumpīövlen Ò. Hayutlen Ò inrē tök laturë hilā.

T. MĀKÖS 15:20

Keuheūthëṙen ngaich cha-a nö hayëḵngen Ò, ngaich luhngö ök töngāvömat inyut Ò, ngaich hayutlen Ò tö nuk inyut Ò. Hachōḵngen Ò cha-a ngaich, nö harātu.

T. MĀKÖS 15:17

Hayūtan cha-a ngaich tö töngāvö mat. Sāt sapīöv Ò inrē, tö töchökhukūö; ngaich sumpīövlö e cha-a, nö i kui Ò.

T. MËTIV 27:28

Luhngö nuk hilā Ò cha-a ngaich; ngaich kahumlen Ò tök laturë tö kiröng hilā.

Isayā 52:15

Ngatī min anga-aṅ nö harötlö tömaṙôngö pumnāmö tarik; tilupngö elvāng re min yip rācha tö pòkūö ò; pò cha min nö meuk nup tö-öl nö vënyu nö in cha, ngaich akahalōn min cha-a inrē tö nuk töthāngö tö cha.

LA-EN LĒVĪ 3:6

Yē öp kahëtö ò nö töpötiṙen; nö inlāmö tökētu nö im Mā Tēv, nö aṅ i nup töṙōl mihëṅṙö töṙeūla; kōiny hēk kan, kēten ò anga-aṅ min nö öt vahav alaha.

LA-EN LĒVĪ 1:10

Ngaich yē öp kahëtö ò nö aṅ i nup tömūl, tö ṙōl mihëṅṙö töṙeūla, aṅ i nup siṅp, hēk aṅ i pököre, nö töföngö tökētu; kēten ò anga-aṅ min nö kōiny nö töt vahav alaha.

MANEUTNYI 12:22

Hĕng minyëkö kahë pöichö tö rōi hisòp, kasumtö e ip mahām öp el ap pēsön, kichëny ngam kālkui tö nup tö āṅlā-a mireṙö machööḵlö, tö ngam mahām ngam me-el ap pēsön; un hĕng tak tö yīö min kumnyi-inyre nö lā-uk ap inkūp hanöng saha ap peuheū.

Salmai 51:7

Söichö chu aṅtī tö hisòp, ngaich chū-ö minhet: söichö chu ngaich mötlö insōho min chū-ö tö tökënngöre ta-cham.

HEPRĀI 12:24

In Yēsū inrē ngam ma-ahôitöre nö im tufömngöre kinlēḵngô, im tö kichënyö inrē mahām, töngö-al huneū-euṙô tö Āpĕl.

HEPRĀI 1:1

Ṙōlkangen inlaha, ṙōlheuh inrē, ngam Tēv misī nö ve-ekūö yik muvöhngö hī, lökten i yik pròfĕt;

HEPRĀI 9:13

Yē nup mahām pököre, nuā inrē, nup tisum kan nuā inrē, nö piṙōngö nö ikui cha, yip tökuvīö, nö ahetlö, i tölngö inlahen cha nö ahetlöre;

HEPRĀI 9:18

Lökten ngam mu-uĕh inlēnngen nö ötkô nö teungta, yĕn öt mahāmu.

HEPRĀI 10:22

Ta-a, töi ṙūöhtöre, holtö tökô-en ellōn, i inkahngen töm mikah; kichënyö nup ellōn hī, inhôngö nup tötlöök kui lōn; söichö inrē në alaha hī tö töhet mak.