HEPRĀI 9:16 - TÖHET LĪPÖRE (Re-edited) Bible (BSI)

¹⁶ I ngam inlēnngen inlahen, ngaich nö ötkô, nö öt kapah ngam mahalēnngen e.

HEPRĀI 9:16 Referans Kwoze

YĀKÖP 2:10

Ngòh tökeuheūt nö haköp ngam chöngö, ngaich hĕng kang chūök nö kavē-ĕre, tö fāluṙen anga-aṅ in u nö ṙòkhöre.

1 KÒRIN 15:22

Sā taṙòkhöre nö kapah nö in Ātöm; ngatī inrē min taṙòkhöre nö aṅ nö in Kristū.

RŌMA 6:23

Pò ngam raneushö tökööl nö kinpaha; ngam aṅ im Tēv pöri tötṙāyu raneushö, ngam tö örheūheu-aṅ nômö, in Kristū Yēsū ngam Mā hī.

RŌMA 5:12

Lökten sā ngam tökööl nö yih nö ing panam nö lökten i tö hĕng tak tarik, lökten im tökööl inrē ngam kinpaha; ngaich ngatī ngam kinpaha nö söl i taṙòkhöre tarik, kūö e ngaich nö ṙòkhöre nö kööl;

HEPRĀI 9:15

Angū-ö an lökten Ò nö aṅ elṙat ngam tufömngöre kinlēḵngô, pòn hōtu ngam kinpaha nö ṙināngö nup tökööl me-elkatòh ngam raneh kinlēḵngô, hòṅ yip töhavëtu nö teūngen tö ngam kinlēḵngô ngam tö örheūheu amin.

HEPRĀI 9:17

Kanô-òṅvö ṙöng ngam inlēnngen yē ngam mahalēnngen nö ṙòngmö aṅ? Kô pöri ngam inlēnngen unôichrit kinpaha,

HEPRĀI 1:3

Pòn Anga-aṅ yanëichö ngam kanôlò, kintān tö ngam Tēv takô inrē; kumṙapkö në taṙòkhöre chehen, lökten im minhôiṅyö ṙôre: keuheūtheṙen nö söichngö në tökööl ngaich ūichngöre nö lahāmö ngam kanôlò lātulöng.

HEPRĀI 13:20

Ngam Tēv lanāmö an töngamuh, ngam mahavanlö ngam yöng tökiröng Yōm pököre nö ṙā-ang i yip tökapah, nö holtö mahām ngam tö-örheūheu kinlēḵngô, ngam Mā hī Yēsū.