HEPRĀI 9:15 - TÖHET LĪPÖRE (Re-edited) Bible (BSI)

¹⁵ Angū-ö an lökten Ò nö aṅ elṙat ngam tufömngöre kinlēḵngô, pòn hōtu ngam kinpaha nö ṙināngö nup tökööl me-elkatòh ngam raneh kinlēḵngô, hòṅ yip töhavëtu nö teūngen tö ngam kinlēḵngô ngam tö örheūheu amin.

HEPRĀI 9:15 Referans Kwoze

RŌMA 8:30

Yip mu-urĕhngö inlēnngen tö Ò, cha-a inrē tö havëtu tö Ò: yip tö havëtu tö ò, cha-a tö halööklöngö inrē tö Ò: yip tö halööklöngö, cha-a inrē tö hakôlöngṙô.

RŌMA 8:28

Akahalōn ayī-ö tö e nö in cha yip töhāngenlōn töm Tēv, holre nö ṙòkhöre nö vī tölöök, in cha inrē yip tö havëtu nö sā ap chööḵnyö Ò.

HEPRĀI 9:12

Öt rēhĕn nö lökten i mahām pököre, kun nuā inrē; lökten i mahām Ò pöri, Ana-aṅ nö kuhēthötre, nöng hĕng van, el ngam töhet chūök, ngaich teūngen tö ngam tö örheūheu ṙinānyö.

HEPRĀI 10:36

Öp tö köp öp manöiyö töt ṙanāngen nö in yīö, hòṅ yīö teūngen tö ngam kinlēḵngô, yē yīö ngaich teūngen tö lōn ngam Tēv.

1 TIMÒTĪ 2:5

Pòn höng hĕng ngam Tēv, hĕng tak vamë-eṅlkui inrē i hôi ngam Tēv tö tarik, ngam Tarik Kristū Yēsū.

HEPRĀI 12:24

In Yēsū inrē ngam ma-ahôitöre nö im tufömngöre kinlēḵngô, im tö kichënyö inrē mahām, töngö-al huneū-euṙô tö Āpĕl.

HEPRĀI 7:22

Lökten in e an nö ngaich Yēsū nö vītöre nö ṙënngen aṅ im tö ngö-aṅlö kinlēḵngô.

1 PĪTÖR 3:18

Pò Kristū nö hĕngheuh misī nö kihngen kūö tötlöök, ngam tölöök, pòn hòṅ kēten hī Anga-aṅ im Tēv; kumpaha nö im alaha, ha-aṅhaṅ pöri nö im ma-alaha,

HEPRĀI 13:20

Ngam Tēv lanāmö an töngamuh, ngam mahavanlö ngam yöng tökiröng Yōm pököre nö ṙā-ang i yip tökapah, nö holtö mahām ngam tö-örheūheu kinlēḵngô, ngam Mā hī Yēsū.

RŌMA 5:6

Pòn hē hī misī ṙòngmö öt kalēḵen, ngaich ik ṙētak Kristū nö kapah kūö vē tötlöök.

HEPRĀI 9:28

Ngatī Ang Kristū hĕng heuh nö kēḵngöre, nö keun kanöölö tömaṙôngö; ngaich meūkö min im innëtvan, tö cha yip hamöngkö kūö Ò, nö kumtö inyööken, nö köhngen töm tökööl.

HEPRĀI 6:13

Hē ngam Tēv nö kinlēḵngôre nö in Aprahām, pòn öt tö kiröṅngu chūök ṙô Anga-aṅ, chūökṙô tore pöri Anga-aṅ,

HEPRĀI 3:1

Töhet kahōlö, hamòl im invëkö aṅ el halīöngö lökten ngëichken ngam tanīnöṙô ngam mākūö kūönṙô, ṙinātö ellōn hī inrē, Ang Yēsū;

HEPRĀI 2:14

Pòn ngaich më nyīö nö nôlta nö im alaha, mahām inrē, ngaich ngatī Anga-aṅ inrē nö nôlta nö in e; pòn hòṅ lökten im kinpaha, nö harāinyngen ò ngam tö minhôiṅyuvö tö kinpaha, anga-aṅ ngam sī-ö;

INMEUKHÖMAT 5:9

Ngaich tikökṙôre cha-a tö tufömngöre tinkökö nö ngö ṙô, Tökô Man Me-eṅ kamëḵ ngam līpöre, Öm ṙòngnyö minë inpanngö inrē: pò meh tö fëli, ngaich ṙāitī tö ök mahāmre Öm kö havahtö vē miyöngö, minathö ëlô, tarik, tömaṙôngö tarik inrē, nö im Tēv,

HEPRĀI 8:13

Angū-ö tufömngöre kinlēḵngô, ṙô Ò, nö ngaichtī nö vīngö ngam mu-urĕh nö köiny, ngam tö ngaich pöri nö köiny, hötṙeh inrē, nö ngaich nö chaṙēvi

TAITÖS 3:7

Halööklöngö lökten im inlōnti aṅ in Ò, hòṅ hī min vītu tö-amīnu sā ngam mineūka aṅ im tö-örheūheu-aṅ nômö.

TAITÖS 1:2

I mineūkkö ngam tö örheūheu-aṅ nômö, ngam ṙô ngam Tēv nö kilēḵngôre misī töt chanūhuvṙen;

2 TIMÒTĪ 2:10

Lökten chin keūnö u nö kanihngen kūö yip tökatöllöngö, hòṅ cha nö teūngen tö ngam in yööken aṅ in Kristū Yēsūs nö hol tö ngam töt chanūhuv kanôlò.

T. YÔHAN 10:28

Ngaich kē-ĕkūö u Chū-ö tö ngam nômö tö-örheūheu-aṅ ngaich öt hōḵ min anū-ö nö ötkôlò; öt hĕng tak min fumlinynyö u, nö ṙā-ang eltī Chu.

T. MËTIV 19:29

Ngaich ṙòkhöre yip ṙamā-ang patīre, hanöng kisānöre, yöngre, kūönre, panamre, tö pòkūö Mine-eny Chu; hēngòng taneūngen min; ngaich amīnu tö ngam nômö tö örheūheu-aṅ.

1 YÔHAN 2:25

Ngih ön yih kinlēḵngô, ngam tökilēḵĕyö nö in hī, angū-ö ngam nômö tö-örheūheu-aṅ.

1 PĪTÖR 5:10

Ngam Tēv, lökten taṙòkhöre inlōnti, ngam mahavëten yīö im tö-örheūheu kanôlò, in Kristū, Anga-aṅ min mahateungten yīö haköpö yīö, hangëken yīö inrē; unôichrit yīö rahëchtaṙen kihngen.

YĀKÖP 1:12

Tökôlò ön ngòh tarik, ngòh töthanlöinyken tö kanihngen; pò ò min nö teūngen tö ngam sapīöv ngam nômö, yē ò min nö mihôiṅ, ngam ṙô ngam Mā nö kilēḵngôre nö in cha yip töhāngenlōn tö Ò.

HEPRĀI 11:13

Im ṙinātö ellōn cha-a vē nö ṙòkhöre nö kapah, öl nö teūngen tö minë kinlēḵngô, ngaich pöri nö meūkö u, ha-öinyö u inrē nö marôvat, ngaich inrē nö halööknyôre tö cha nö aṅ tahëng, chamöh töhet inrē nö ing panam.

2 TÖSALÒNIKĒ 2:14

Ngam chūök yīö havëtu tö Ò lökten im inhānga tö ih, hinôtö tö teūngen tö kanôlò ngam Mā hī Yēsū Kristū.

RŌMA 6:23

Pò ngam raneushö tökööl nö kinpaha; ngam aṅ im Tēv pöri tötṙāyu raneushö, ngam tö örheūheu-aṅ nômö, in Kristū Yēsū ngam Mā hī.

HEPRĀI 9:16

I ngam inlēnngen inlahen, ngaich nö ötkô, nö öt kapah ngam mahalēnngen e.

2 KÒRIN 3:6

Ngam vamīten ih inrē töt hāṅten mameukṙen im tufömngöre kinlēḵngô; öt im kinūichö, im ma-alaha pöri: pò ngam kinūichö nö kapahatī, kētö nômö pöri ngam ma-alaha.

RŌMA 9:24

Ihö, öi tö havëtu tö Ò, öt höng ṙa-ang i yip Yahūti, tön ṙā-ang i yip Tahëng mihëṅṙö inrē tarik?

RŌMA 5:10

Pò hī, hē hī sin ṙòngmö kumnyah elmat, ngaich lökten im kinpaha ngam kūön Ò öi halāmtu im Tēv, möthë min ayī-ö hayöökaṙen lökten im nômö Ò, pôi ngaich halāmtu.

RŌMA 5:8

Kētö ngm hanāngenlōnre pöri ngam Tēv nö in hī i saha hī ṙòngmö tötlöök, ngaich kapah Kristū tö pòkūö hī.

T. LŪKÖS 18:18

Ngaich hĕng tak ök mākūö yahūti mahatönan nö ngö ṙô, Tölöök Mahaköphöti; asuh ap min la-en chu, hòṅ chu amīnuvö tö ngam nômö tö-örheūheu-aṅ?

T. MĀKÖS 10:17

Ngaich hē Ò nö iṙuhöröön nö kiröönngöre, ngaich hĕng tak ök umuh famaltöre nö in Ò; ngaich simngöre nö ve-ekūö Ò, nö ngö ṙô, Tölöök Mahaköphöti; asuh ap min la-en chu, hòṅ chu amīnuvö tö ngam nômö tö örheūheu-aṅ?

T. MËTIV 25:36

Kafānö Chu-ö tö yīö, hē Chu öt hilāṙū; chöhka Chu-ö tö yīö, hē Chu vahavö; yihka tö yīö, hē Chu el kinlōngö.

T. MËTIV 25:34

Ngaich ngö ṙô min ngam Rācha tö cha yip lahāmö Ò, Ta-ih, yī-ö tö kôlò tö tī ngam Yöng Chu; amīnu tö ngam pūlngö tö halēnkaṙen tö pòkūö yīö, hētentö ranehlö ngih panam.

TANĪ-ĔL 9:26

Ngaich unôichrit nup tötafūöl anāi nët afta, öp töhachāmö kui min nö rökiṙen, ngaich rö-ö nö aṅhaṅv-in min; ngaich yip tarik öp kūön rācha öp yamih min nö tīṙōlngö ngam elpanam tö ngam töhet chūök inrē. Kumtö ṙanööingö öp manāngen e min, ngaich söl ip manāngen min öp kinyūngö umuh; pinyāingö, öp chöngö.

Salmai 37:18

Akahalōn an ngam Mā Tēv tö nup sakāmö ngam tö-teung: ngaich nup amin cha min nö töng öreūheu.

EFISÖS 1:7

Ngam lökten hī inyöökuṙen lökten i mahām Ò, ngam inṙēlö nup tökööl hī, sā ṙôken kanôlò Ò tö inlōnti;

T. MËTIV 22:3

Ngaich tīnngö yip mahalanṙenre nö havëtö yip tö ngöönka nö im nāhaṅl inpīhö; ngaich sōḵ cha-a nö yih.

T. LŪKÖS 22:20

Ngati tī Anga-aṅ tök kulah, tö kinheūṅten nyinā-aṅ nö ngö ṙô, Ngih ön kulah tufömngöre kinlēḵngô nö i Mahām Chu, ngam tökitaktuvö töpòkūö yīö.

INLAHEN 20:32

Ngaich chin töngamuh kēten yīö im Tēv, im ṙô ngam inlōnti aṅ in Ò, ngam tökô-òren nö ṙūölen yīö, kētö amin yīö inrē i nup taṙòkhöre tö ahetlöng.

KALATĪ 3:20

Öt höng mī-i hôi tö hĕng tak an ngam ma-ahôitöre; hĕng tak pöri ngam Tēv.

HEPRĀI 6:15

Ngatī, pītnyöre nö i manöiyö, teūngen ngaich anga-aṅ tö ngam kinlēḵngô.

HEPRĀI 10:34

Sā yīö hĕnghöre aṙē-ĕlōn tö cha yip tö hakövö, ngaich ṙāmölōn öi kēḵ inyëḵngen nup amin yīö, kūö mikahlōnre töre öi amīnu töp tö hönlöre tö köp inrē.