HEPRĀI 9:14 - TÖHET LĪPÖRE (Re-edited) Bible (BSI)

¹⁴ Iṙôkhöl öre ngam mahām Kristū, ngam lamökten im tö-örheūheu-aṅ Töhet Fanöinylö, nö kēḵngöre nö im Tēv, nö töt mirūnuvö, ahetlö elkui lōn yīö, i nup tökapah la-en, öi lök la-en ngam tö-aṅ Tēv.

HEPRĀI 9:14 Referans Kwoze

HEPRĀI 10:22

Ta-a, töi ṙūöhtöre, holtö tökô-en ellōn, i inkahngen töm mikah; kichënyö nup ellōn hī, inhôngö nup tötlöök kui lōn; söichö inrē në alaha hī tö töhet mak.

1 PĪTÖR 1:19

Ṙāitö mahām pöri töpōi ṙāi tö sā öp pököre öre töt chanôchu töt mirūnuvö inrē, ngam mahām Kristū.

1 YÔHAN 1:7

Yē hī pöri lök el ngam hanātö, sā Ò Anga-aṅ nö el ngam hanātö, ngaich kö hanôltöre ayī-ö in höö; ngaich ngam mahām Yēsū, ngam Kūön Ò, nö ahetlen hī i nup tökööl hī.

HEPRĀI 9:12

Öt rēhĕn nö lökten i mahām pököre, kun nuā inrē; lökten i mahām Ò pöri, Ana-aṅ nö kuhēthötre, nöng hĕng van, el ngam töhet chūök, ngaich teūngen tö ngam tö örheūheu ṙinānyö.

1 PĪTÖR 2:24

Ngam tö aṅhaṅv alaha tö në tökööl hī, nö irōi ngam chōn; hòṅ hī ngaich tökapah, ṙā-ang ngam tökööl, aṅ pöri im lanöökö. Lööken yin ngaich, tökūö nuk finôhòh Ò.

1 PĪTÖR 3:18

Pò Kristū nö hĕngheuh misī nö kihngen kūö tötlöök, ngam tölöök, pòn hòṅ kēten hī Anga-aṅ im Tēv; kumpaha nö im alaha, ha-aṅhaṅ pöri nö im ma-alaha,

HEPRĀI 7:27

Öt sā yik mākūö kūönṙô nö kētö nup tökētu, nö hòṅ öt hĕng hang sumkam, urĕh nö chööḵnyö tö nuk tökööl cha, ngaich möl nö chööḵnyö tö nuk tökööl yik tarik; höng hĕng heuh tī pöri Anga-aṅ tö chööḵnyö tö taṙòkhöre, hē Ò nö kēḵngöre.

1 PĪTÖR 4:2

Hòṅ yīö öt ngöhören irô-òten nup ṙētak yīö im alaha, öi im tötlöök lōn tarik, i lōn ngam Tēv pöri.

HEPRĀI 1:3

Pòn Anga-aṅ yanëichö ngam kanôlò, kintān tö ngam Tēv takô inrē; kumṙapkö në taṙòkhöre chehen, lökten im minhôiṅyö ṙôre: keuheūtheṙen nö söichngö në tökööl ngaich ūichngöre nö lahāmö ngam kanôlò lātulöng.

TAITÖS 2:14

Ngam kamëḵngöre tö pòkūö hī, nö hòṅ ṙānyen hī Anga-aṅ, nö ṙā-ang i nup tökööl nö ṙòkhöre, ngaich ahetlen hī nö in re öi tarik amin Ò, kalēḵĕlōn i tö löök la-en.

INMEUKHÖMAT 1:5

Ṙā-ang in Yēsū Kristū inrē, ngam tökô-en ameū-a, ngam lanòh kupah, ane inrē mahayöng yip rācha kūö panam. In Ò ngam töhāngenlōn tö hī, ngaich luhnyen hī ṙā-ang i nup tökööl hī, lökten i mahām Ò;

HEPRĀI 6:1

Lökten ta-a ṙāngô hī tö ranehlö Kristū, iṙūöhöröön im tölngö sanīöpö; un ṙātu chūök röönti nö ṙā-ang i tökapah la-en, ngam mikah inrē tö kū-ötö im Tēv,

RŌMA 6:13

Ui rēhĕn kētö nup tūmö alahare im tökööl nö aṅtī nup ötlanöökö, kētöre pöri yī-ö im Tēv öi tö aṅ ṙā-ang yip tökapah; nup tūmö alaha yīö inrē nö aṅtī ngam lanöökö nö im Tēv.

1 YÔHAN 3:5

Ngaich akahalōn yī-ö tö Kristū nö hameuktu nö kamëngö tökööl; öt īnu An Anga-aṅ tö tökööl.

RŌMA 6:22

Ngaich pöri ṙānyu töngamuh ṙā-ang im tökööl, ngaich vītu öi kūön ngam Tēv, ngaich ṙôngu yī-ö im inhetlö, ngaich nômö tö tö örheūheu-aṅ, manāngen.

YERIMIĀ 10:10

Tökô-en pöri nö Tēv ngam Mā Tēv; tö-aṅ an nö Tēv rācha inrē tö-örheūheu nö aṅ. Kayin ngih tumlat i lanīnö ò, ötkô vē pumnāmö tarik inrē nö keun öp tökiröng lanīnö ò.

HEPRĀI 10:2

Yē e öre nö ngatī, röh yip öre nö rāngö tīre nö kētö u? Pò yip vamë-ekūötēv nö ngaich nö ahetlöngö, ngaich öt ōtre elkuilōn tö tökööl.

EFISÖS 5:2

Lök im hanāngenlōn, sā Kristū nö hāngenlōn tö hī inrē, ngaich kēḵngöre töpòkūö hī, tökētuvö nö im Tēv, nö tö tahūsa, töhōḵov inrē.

EFISÖS 2:5

Pòrô hē hī ngaich kapah kūö tököölre, ha-aṅhaṅ hī Anga-aṅ hol Kristū lökten inlōnti yin ngaich hayöökaṙen,

2 KÒRIN 5:21

Ngam töt akahakūö tö tökööl, ngaich pòkūö hī Anga-aṅ nö vītu nö kööl; hòṅ hī vītu lanöökö ngam Tēv in Ò.

RŌMA 11:12

Yē ngam fanukngö cha ngaich nö kanôlò ngih panam, ane inrē ngam chanatngen cha nö kanôlò vē Tahëng Mihëṅṙö tarik: iṙôkhöl ngam tanööḵlö cha?

T. LŪKÖS 1:74

Nö kē-ĕti, hòṅ hī ṙānyuvö, ṙā-ang eltī yip tökunyahaṅelmat tö hī: öt pinhëṅ-eṅvkūö öi lök nup la-en Ò.

1 PĪTÖR 2:22

Ngam tötköölö fālen: öt rēhĕn nö löknyuvö elvāng tö minyôinyaṅ.

1 TIMÒTĪ 1:17

I ngam Rācha tö örheūheu-aṅ, töt chahū-uyö, töt maneūken, töng hĕng nö Tēv, ineū-euṅ, kanôlò yēḵ örheūheu. Āmen.

KALATĪ 2:19

Pò chu lökten im chöngö kapah im chöngö, pò chu hòṅ aṅ im Tēv.

2 KÒRIN 6:16

Sitih hanô-òṅ ngam töhet chūök ngam Tēv tö ngam insā tēv? Pò hī ayī-ö töhet chūök ngam tö aṅ Tēv; sā ngam Tēv nö ngö ṙô, Iyöng in cha chin min, lök in cha inrē, ngaich tarik chu min cha-a.

RŌMA 11:24

Pò meh yē meh ṙāliyö ṙā-ang in Ò, ngam tö nehngenre òliv, nö töt kôlò nö chōn, ngaich taptu öm harīkngöre töm tö nehngenre, öm im tö kôlò òliv nö chōn: iṙôkhöl min në tö nehngenre yĕn taptu nö i nup rehre òliv nö chōn?

RŌMA 1:20

Pòn löökö mineūkö nup tötmaneūken sin misī hē vinīlö ngih panam, pòn meūkö nö lökten i nup tövīlöngö ngam töt chanūhuvṙen minhôiṅyö Ò, ngam inlahen Ò nö Tēv inrē;

T. YÔHAN 3:34

Pò ngam tötīntu tö ngam Tēv nö ṙôtö ṙô ngam Tēv, Pò Ò nö ötkinlahav tī nö kētö ngam {Töhet} Fanöinylö.

T. LŪKÖS 4:18

Aṅhaṅv-in Chin tö ngam Töhet Fanöinylö ngam Mā Tēv; pò Ò nö vīten Chu Öich mumkahten vē yāich, tö ngih tölöök inhānga; tīnngen Chu An, Öich ve-eny ṙinānyö vē tökē-ĕ, ane inrē yip tötmeuk nö hēk nö meuk; ṙamānyö yip töhanyahka;

T. MËTIV 20:28

Sā ngòh Kūön Tarik nö yih, rö-ö nö tö meūken, mameukṙen pöri ane inrē kamëtö nômöre, nö ṙāi tömaṙôngö.

TANĪ-ĔL 6:26

Vītö chöngö ing pūlngö chu tarik nökicheyöre pa-ekūö inrē nö i kūö ngam Tēv Tanīĕl, pòn Anga-aṅ tö-aṅ Tēv, tököp nöng örheūheu; Ngam pūlngö ò min öt hētu nö piyāyi, söl ip manā-aṅ min ngam pūlngö ò.

LA-EN LĒVĪ 22:20

Öp tövāhav alaha pöri, anga-aṅ tö un kētu tö yīö; tön öt hōḵovö öp min nö tī yīö.

HEPRĀI 11:21

Lökten i ṙinātö ellōn ang Yāköp, hē ò nö hòṅ kapah, nö kö hakôlò nak kūön Yôsĕf; samöllöre nö i kui ök kinchīṙöre nö salām.

HEPRĀI 9:9

Ngam töng inchōḵoṙô ngih ing töngamuh, sā nuk tökētu hĕnghöre inlōnti inrē nö öt kô, nö teungten tī tö el kuilōn ngam samlām,

INLAHEN 14:15

Mah! Kūö yòh öi ngatī? Tarik an āyö inrē, tö sā yīö; kamëtö ngih tölöök inhānga in yīö, hòṅ yīö havööngökūöre, ṙā-ang i në töng rö-ö, öi im tö aṅ Tēv, ngam Vamī-iṅl halīöngö, panam, mai, nup taṙòkhöre mī-in u.

INLAHEN 10:38

Tö Yēsū aṅ Nāsaret, ngam tö hachāmö elkui tö ngam Tēv, tö ngam Töhet Fanöinylö, minhôiṅyö inrē. Ök kumröönköre nö la-evṙen tö tölöök, halanken yik taṙòkhöre töt hakôlöngṙô tö ngam sī-ö, pò ngam Tēv nö in Ò.

I. CHÖNGÖ 17:1

Uh man kētö kōiny nuā, hēk sīṅp, nö tökētu nö im Tēv ngam Mā Tēv meh, öp töpitōtu alaha, hēk öp töng yô-òv chanôichö inlahen: tön sinòkkūö an anga-aṅ nö im Tēv ngam Mā Tēv meh.

HEPRĀI 9:7

El ngam innëtö pöri höng hĕng tak ngam mākūö kūön ṙô, hĕng heuh i töhĕng samyeūheu, rö-ö nö öt holtö mahām, öp kahëtö ò tö pòkūöre, kūö fālen yip tarik ò inrē:

1 TIMÒTĪ 3:15

Hòṅ meh akahalōn, yē chu öt hēḵen yih, tö inlahen tarik nö el ngam patī ngam Tēv, ngam Māṅ ngam tö-aṅ Tēv, ngam machööḵlö, röön tö ngam kanô-en inrē.

1 TÖSALÒNIKĒ 1:9

Pòn anū-ö ngaich vamënyen ih tö inlahen lökhöt ih in yīö, tö inlahen yīö inrē havöötökūöre im Tēv öi ṙā-ang nup insātēv; öi lök la-en ngam tö-aṅ Tēv, tökô-en inrē,

INLAHEN 1:2

Söl ngam sakāmö hē Ò nö kēḵlöngö; keuheūthëṙen Anga-aṅ, lökten im Töhet Fanöinylö, nö kētö chöngö yik tanīnöṙô tö katöllöngö tö Ò.

T. LŪKÖS 12:28

Yē ngam Tēv pöri nö ngatī hilātī tö minë chōn, në töng tötaheui, ngaich huṙöichlöre, kavalhötvö anū-ö ngaich, nö i rit tanīöyö i ṙôkhöl tī Ang min tö hilā yīö, Ō yī-ö tö kūöṅnen mikah?

T. LŪKÖS 12:24

Yē ngëiṅchkö në chehechōn, töttameūich, ötrēhĕn nö hamūl; në töt urôhòv chūök nya-aṅkūö, ötrēhĕn nö chūöku tī tö patī; ngam Tēv pöri maha-aṅhaṅl u. Mööḵlö yin yī-ö tö në chehechōn.

T. MËTIV 12:28

Yē Chu pöri lökten i ngam Töhet Fanöinylö ngam Tēv tī ahōngö sī-ö, ngaich yih ngam pūlngö ngam Tēv nö in yīö.

T. MËTIV 7:11

Yē yīö yī-ö tököölö fālen, öi akahalōn tö tölöök kahëtöre i yip kūön yīö; iṙôkhöl tī Ang öre ngam Yöng yīö, ngam me-el halīöngö, nö kētö tölöök nö i yip mahavë-a nö in Ò!

2 SAMUĔL 4:11

Öt mötlö hòng, yē tötlöök tarik nö fëlngö tölöök tarik nö el chamamre nö el patīre, röh öich töngamuh hòṅ havëköp mahām ò eltī nā, öich kēngen nā ṙā-ang i kūö ngih tumlat?

I. CHÖNGÖ 33:27

Elyöngö meh an ngam Tēv tö-örheūheu-aṅ, elkatòh inrē nup kël töt chanūhuvṙen: ngaich anga-aṅ nö kuringnyö ngam lā-almeh nö ṙā-ang i kūö meh, nö ngö ṙô, ahatngö tīre.

KINṘEŪKÖ 28:11

I ranehtökūö nup chingëṅt yīö, kētö töföngö min yī-ö tökētu im Mā Tēv: nët nòng kun kōiny nuā, hĕng nòng kōiny sīṅp inrē, sat nòng kōiny sīṅp aṅ el töhĕng samyeūheu töt pitōtu;

RŌMA 1:4

Ngam tövënyu nö kūön ngam Tēv im minhôiṅyö, sā ngam hanëtö ngam ma-alaha, lökten im invanlö tö kapah; ngam mā hī Yēsū Kristū.

Isayā 57:15

Tön ngö ṙô An ngam lātulöng ngam tömarô-òl chūök, ngam mī-iyöng im tötchnūhuvṙen, ngam tö minënyu tö ngam Töhet: Iyöng lātulöng chin Töhet chūökö inrē hol ò inrē öp tö haṙivlōn tö tökööl re, töyāichö ellōn inrē, mahā-aṅ ma-alaha öp yāich, ane inrē mahā-aṅ nômö öp töhaṙivlōn tö tökööl re.

I. CHÖNGÖ 15:21

Yē ò nö pitōtuvö, tökaròk, hēk tötmeuk, nup töng höng yanô-òv ò, uh më-eṅ kēten ò im Tēv meh ngam Mā Tēv.

KINṘEŪKÖ 28:3

Ngaich ngö ṙô më-eṅ min tö cha, Ngih ön tökētu lökten i kūö tameūyö nö tökētu min tö yīö nö im Mā Tēv; kōiny kūön sīṅp aṅ im raneh samyeūheu töt pitōtu, nët nòng i töhĕng sakāmö, nö töng iṙūöhen töföngö tökētu.

Isayā 53:9

Holtöṙah tötlöök anga-aṅ tö tī cha nö el anūlö holtö tarik pöri tökôlò im kinpaha ò, pòrô anga-aṅ nö öt chökhuṙen öt rēhĕn nö aṅhav elvāng tö inchīlö.

Isayā 42:1

Meuk ngam tarik chu, ngam ṙahapkö chu; katöllö chu, in ò ap kumchiklōn chu: in ò tī chin tö ngam töhet fanöinylö chu; kētö inkaha fālen an min nö in vē pumnāmö tarik.

NGAM LĪPÖRE YŌP 15:16

Höichngen ngòh mī-in sinòṅk- kūö chanôchö inrē, ngòh tarik amòk öt lanöökö nö sā mak!

2 RĀCHA 19:16

Ō Mā Tēv, asītö el nang re man yēḵ, hangihtöre inrē; Ō Mā Tēv, milaklö mat re ngëicha inrē; hang në ṙô Sanekerip, në sahöömtö ò nö minṙēngö ngam tö-aṅ Tēv.

1 SAMUĔL 17:26

Ngö ṙô ngaich Tāvit tö yik tarik töng sökhak nö in ò, Suh ap min mineukṙen ap tarik tökapahatī tö ngòh Filistain nö kēngö ngam minṙēngö nö ṙā-ang in Israĕl, Achīö ṙöng ang ngòh töttunyīnyi Filistain, töhòṅ miṙēngö vē kumyunglö ngam tö-aṅ Tēv?

I. CHÖNGÖ 5:26

Achīö ṙöng ap in vē tarik nö ṙòkhöre tö-aṅ, öp hamang ṙô ngam tö-aṅ Tēv nö löknyö el kūö tameūyö ṙô nö kahôka, nö sā hī ayī-ö?

KINṘEŪKÖ 28:9

Im anôilö sakāmö, nët nòng nup kōiny sīṅp aṅ ël töhĕng samyeūheu töt pitōtu, ngaich nët i tösöm öp töhĕng efā, ṙôken öp töpahīöya atra nö nyā-aṅ tökētu, kalūöchö tö tavī-i, töp tö-ôkö tökētu inrē:

Isayā 61:1

I kui chu an ngam Töhet Fanöinylö ngam Mā Tēv, pò ngam Mā Tēv nö hacham kui chu öich kētö tölöök inhānga in yip töhakihtuṙen; tinngen chu an chömlö tölakūki ellōn, ahangkö ṙinānyö tökē-ĕ, linöpnyö kūö chūök insongngö tarik tö yip tönyëki ël e;

I. CHÖNGÖ 31:27

Tön akahalōn chin tö meh ma-ahôngen, tö ngam tökeh likeun meh inrē: yĕh meuk, ṙòngmö aṅ chin in yīö i ngih sakāmö, ngaich yī-ö ahôngen ngam Mā Tēv: ngaich hönlöre unôichrit öp kinpaha chu?

MANEUTNYI 12:5

Hòṅ töt vāhav alaha öp pököre meh, kōiny lanòh nö im samyeūheu: kē an më-eṅ i nup sīṅp hēk inrē i nup pököre:

Salmai 51:2

Söichlen chu kô-òti ṙā-ang i nup töt ṙong in chu: ahetlen chu ṙā-ang im tökööl chu.

ISIKĪ-ĔL 45:18

Ngö ṙô an ngam Mā Tēv: Im raneh chingëṅt, im raneh sakāmö ngam chingëṅt, hĕng nòng kahëḵ yī-ö min tö tö-ayal kōiny nuā töt vāhav alaha, ahet ngam töhet chūök inrē.

T. MËTIV 16:16

Ngaich Simōn Pītör nö ngö ṙô, nö sap ṙô Ò, Me-eṅ Man Kristu, Kūön ngam tö aṅ Tēv.

INLAHEN 15:9

Öt harīkngöre tī An tö hī, tö cha inrē; halööktö ellōn cha, lökten im mikah.

1 KÒRIN 15:45

Lökten e nö ngö kinūichngö. Ngam raneh tarik Ātöm nö tö aṅhaṅunhômö; ngam mu-unôich Ātöm nö kamëtö unhômö, nö ma-alaha.

HEPRĀI 3:12

Kahōlö, haṙēmngenre yin, hòṅ e nö öt chūöku nö ellōn yīö ngam tötlöök ellōn, öt ṙinātö ellōnre, i pintūḵngöre ṙā-ang im Tö-aṅ Tēv:

HEPRĀI 7:16

Ap tövīlöngö, öt sā ngam chöngö aṅ i chöngö tarik, sā ngam minhôiṅyö pöri, aṅ im töt manāngenvö nômö:

HEPRĀI 9:26

Yĕn ngatī öre, ngaich tö ṙōl heuh kanihngen Kristū, hētentö ranehlö ngih panam. Ngaich pöri töngamuh nö kētuvö nöng hĕng heuh, i chanūhu ngam höteh, Anga-aṅ nö hameuktöre nö kēḵngö tökööl, i tī Ò nö kēḵngöre.

HEPRĀI 10:10

Lökten e, angū-ö lōn, ayī-ö ngaich ahetlöngö, i kinëtö ngam alaha Yēsū Kristū, nöng hĕng heuh öt hēk.

HEPRĀI 10:12

Anga-aṅ pöri tö kinheūṅtenre nö kētö ngam töng hĕng tökētu töpòkūö tökööl, ūichngöre ngaich örheūheu nö lahāmö ngam Tēv;

HEPRĀI 13:12

Lökten Yēsū inrē, pòn hòṅ ahetlö yip tarik Anga-aṅ nö lökten i mahāmre, kihngen nö lā-uk ök inkūp.