HEPRĀI 9:13 - TÖHET LĪPÖRE (Re-edited) Bible (BSI)

¹³ Yē nup mahām pököre, nuā inrē, nup tisum kan nuā inrē, nö piṙōngö nö ikui cha, yip tökuvīö, nö ahetlö, i tölngö inlahen cha nö ahetlöre;

HEPRĀI 9:13 Referans Kwoze

INLAHEN 15:9

Öt harīkngöre tī An tö hī, tö cha inrē; halööktö ellōn cha, lökten im mikah.

1 PĪTÖR 1:22

Yĕh meuk tö yīö ngaich ahetlö yip ma-alahare im öt inhôngen ngam kanô-en i ngam töt höng tötöl hanāngen yīö tö holre, hāngenlōn tö höö löklö ellōnre nö kalēḵ:

Salmai 51:7

Söichö chu aṅtī tö hisòp, ngaich chū-ö minhet: söichö chu ngaich mötlö insōho min chū-ö tö tökënngöre ta-cham.

2 KINṘÖTNGÖ 30:19

Yip kamëtö kūö ellōnre nö chöh ngam Tēv, ngam Mā Tēv yik yöng ò, pòrô nö öt sā ngam chöngö hanëtö im töhet chūök.

KINṘEŪKÖ 8:7

Ngö tī pömchö tö cha, öm ahetlen cha: kicheny öp mak inlāmö nö i kui cha, ngaich kuhākö ngam alaha cha nö keuheūtngöre, hökngen cha inrē nö söich nup hiā re, nö ahetlöre.

ISIKĪ-ĔL 36:25

Kicheny kui yīö chin min tö töhet mak, ngaich yī-ö min het ṙā-ang i nup ö hanëtö yīö, ṙā-ang i nup insātēv yīö chin min inrē ahetlen yīö.

HEPRĀI 9:19

Pòn i tumö nup chöngö, tö ahangnyu tö Môsös, nö i yip tarik, asā ngam chöngö, kēḵ mahām pököre inrē, holtö mak, töngāṅv sanôi pököre, chōn hissòp inrē; ngaich hĕnghöre kicheny kui ngam līpöre, tö yik tarik inrē;

HEPRĀI 10:4

Pòn öt kanô-òṅvö nup mahām nuā, mahām pököre inrē, nö kēḵngö tökööl.

HEPRĀI 10:29

Iṙôkhöl öt inkôlò min, tö lōn yīö, anga-aṅ, ngam ramööntö kui ngam Kūön ngam Tēv nö elröönre ngaich inrē nö kaheuktö ngam mahām ngam kinlēḵngô nö töthet, ngam löktö ò nö ahetlöngö, ngaich miyëḵṙen inrē tö ngam Töhet Fanöinylö inlōntö?

ISIKĪ-ĔL 44:26

Unôichrit ò ngaich nö chōich, kaheuk tösat sumkam min anga-aṅ, ngaich möl anga-aṅ min nö het.