HEPRĀI 9:12 - TÖHET LĪPÖRE (Re-edited) Bible (BSI)

¹² Öt rēhĕn nö lökten i mahām pököre, kun nuā inrē; lökten i mahām Ò pöri, Ana-aṅ nö kuhēthötre, nöng hĕng van, el ngam töhet chūök, ngaich teūngen tö ngam tö örheūheu ṙinānyö.

HEPRĀI 9:12 Referans Kwoze

HEPRĀI 10:4

Pòn öt kanô-òṅvö nup mahām nuā, mahām pököre inrē, nö kēḵngö tökööl.

HEPRĀI 9:15

Angū-ö an lökten Ò nö aṅ elṙat ngam tufömngöre kinlēḵngô, pòn hōtu ngam kinpaha nö ṙināngö nup tökööl me-elkatòh ngam raneh kinlēḵngô, hòṅ yip töhavëtu nö teūngen tö ngam kinlēḵngô ngam tö örheūheu amin.

EFISÖS 1:7

Ngam lökten hī inyöökuṙen lökten i mahām Ò, ngam inṙēlö nup tökööl hī, sā ṙôken kanôlò Ò tö inlōnti;

HEPRĀI 5:9

Keuheūthë inteungten, ngaich Anga-aṅ, nö in cha nö ṙòkhöre yip töt maha-ôngen Ò, nö löktö tö örheūheu-aṅ inyööken;

INMEUKHÖMAT 1:5

Ṙā-ang in Yēsū Kristū inrē, ngam tökô-en ameū-a, ngam lanòh kupah, ane inrē mahayöng yip rācha kūö panam. In Ò ngam töhāngenlōn tö hī, ngaich luhnyen hī ṙā-ang i nup tökööl hī, lökten i mahām Ò;

HEPRĀI 10:19

Lökten in ngaich kuhēthötre, höltö inyönglen, ël ngam töhet chūök, lökten i mahām Yēsū,

HEPRĀI 9:28

Ngatī Ang Kristū hĕng heuh nö kēḵngöre, nö keun kanöölö tömaṙôngö; ngaich meūkö min im innëtvan, tö cha yip hamöngkö kūö Ò, nö kumtö inyööken, nö köhngen töm tökööl.

HEPRĀI 7:27

Öt sā yik mākūö kūönṙô nö kētö nup tökētu, nö hòṅ öt hĕng hang sumkam, urĕh nö chööḵnyö tö nuk tökööl cha, ngaich möl nö chööḵnyö tö nuk tökööl yik tarik; höng hĕng heuh tī pöri Anga-aṅ tö chööḵnyö tö taṙòkhöre, hē Ò nö kēḵngöre.

LA-EN LĒVĪ 9:15

Ane inrē anga-aṅ kētö ök tökētu tö yik tarik, ngaich kēḵ ök pököre tökētu kūö tökööl yik tarik, ṙatnyö likeun ò ngaich, kēten ò kūö tökööl, sā ngam lā urĕh.

HEPRĀI 9:13

Yē nup mahām pököre, nuā inrē, nup tisum kan nuā inrē, nö piṙōngö nö ikui cha, yip tökuvīö, nö ahetlö, i tölngö inlahen cha nö ahetlöre;

HEPRĀI 1:3

Pòn Anga-aṅ yanëichö ngam kanôlò, kintān tö ngam Tēv takô inrē; kumṙapkö në taṙòkhöre chehen, lökten im minhôiṅyö ṙôre: keuheūtheṙen nö söichngö në tökööl ngaich ūichngöre nö lahāmö ngam kanôlò lātulöng.

1 TÖSALÒNIKĒ 1:10

Hökkö ngam Kūön Ò nö ṙā-ang elhalīöngö, ngam hachohlö Ò nö ṙā-ang i yip tökapah, Ang Yēsū, ngam ṙamānyen hī nö ṙā-ang im yamih lanīnö.

SAKARIĀ 3:9

Yĕh meuk, ngam ihong ṙahātö chu nö i kūö Yôsuā; sat nun minë mat nö im töhĕng ihong: yĕh meuk, ka-iphöt öp töka-iphötvö chin min in e, ṙô ngam Mā Tēv yip tömaṙôngö, ngaich min inrē i ël töhĕng sumkam öich kēngö tökööl ngam panam.

TANĪ-ĔL 9:24

Sat afta i nup samyeūheu nö chöngö i inlahen yip tarik meh töngam töhet elpanam meh inrē nö kinhēutngen ngam fālen, tinahngö tökööl, inlām tö ötlanöökö inrē, kinëtö lanöökö inrē töt chanūhuvṙen inköpngö kūö ngam tömeūkö tö ngam pròfĕt inrē, inchāmö kui ngam tölngö töhet chūökö inrē.

KÒLÒSĪ 1:14

Ngam chūök hī ṙinānyuvö, ngam inṙē-ĕl hī;

INLAHEN 20:28

Aṅtöre yin; aṅtö minë pököre inrē, minë hayöng yīö, i tī ngam Töhet Fanöinylö, nö vīlen yīö mameukken, hòṅ yīö ha-aṅlö ngam Māṅ ngam Tēv, ngam havah Ò nö ṙāi tö mahāmre.

T. MĀKÖS 3:29

Öt hēṙu pöri nö inṙēlu ngòh tötlamëkôre tö ngam Töhet Fanöinylö: pòn fāluṙen tö ngam tötchanūhuvṙen tökööl.”

INMEUKHÖMAT 5:9

Ngaich tikökṙôre cha-a tö tufömngöre tinkökö nö ngö ṙô, Tökô Man Me-eṅ kamëḵ ngam līpöre, Öm ṙòngnyö minë inpanngö inrē: pò meh tö fëli, ngaich ṙāitī tö ök mahāmre Öm kö havahtö vē miyöngö, minathö ëlô, tarik, tömaṙôngö tarik inrē, nö im Tēv,

TAITÖS 2:14

Ngam kamëḵngöre tö pòkūö hī, nö hòṅ ṙānyen hī Anga-aṅ, nö ṙā-ang i nup tökööl nö ṙòkhöre, ngaich ahetlen hī nö in re öi tarik amin Ò, kalēḵĕlōn i tö löök la-en.

LA-EN LĒVĪ 8:2

Kē-ĕ Āròn tö yip kikōnyö kūön ò inrē nö hol ò, tö nup inyut, töp tavī-i incham inrē, töp kōiny nuā inrē tökētu kūö tökööl, tö nup tönët nòng kōiny kūön sīṅp, töp kuvôkö tötaföhlöng rôtī;

HEPRĀI 9:7

El ngam innëtö pöri höng hĕng tak ngam mākūö kūön ṙô, hĕng heuh i töhĕng samyeūheu, rö-ö nö öt holtö mahām, öp kahëtö ò tö pòkūöre, kūö fālen yip tarik ò inrē:

LA-EN LĒVĪ 4:3

Yē öp kūönṙô min nö köölö fālen ngaich sā kamëtö kui vē tarik tö tökööl; ngaich hökngen ò nö kētö tökētu kūön öp tökööl ò, öp kanöölö fālen, hĕng nòng kōiny kun nuā töt vahav alaha tökētu nö i ngam Mā Tēv tö kūö tökööl.

LA-EN LĒVĪ 16:15

Ngaich anga-aṅ min nö ṙatnyö likeun öp pököre tökētu kūö tökööl, öp kūö tökööl yip tarik, ngaich kēhöt öp mahām ò nö lā ël öp ranangkūö, ngaich sā tīre anga-aṅ tök mahām ök kōiny nuā ngati tī anga-aṅ tök mahām ò, kichenyö e nö i kui ök anūichö miṙēlōn, i kūö ngam anūichö miṙēlōn inrē:

T. LŪKÖS 1:68

Tökôlò An ngam Mā, ngam Tēv Israĕl: pò Ò nö ngaich nö meukṙen, ane inrē ṙānyö vē tarikre.

HEPRĀI 9:14

Iṙôkhöl öre ngam mahām Kristū, ngam lamökten im tö-örheūheu-aṅ Töhet Fanöinylö, nö kēḵngöre nö im Tēv, nö töt mirūnuvö, ahetlö elkui lōn yīö, i nup tökapah la-en, öi lök la-en ngam tö-aṅ Tēv.

HEPRĀI 9:19

Pòn i tumö nup chöngö, tö ahangnyu tö Môsös, nö i yip tarik, asā ngam chöngö, kēḵ mahām pököre inrē, holtö mak, töngāṅv sanôi pököre, chōn hissòp inrē; ngaich hĕnghöre kicheny kui ngam līpöre, tö yik tarik inrē;

HEPRĀI 13:12

Lökten Yēsū inrē, pòn hòṅ ahetlö yip tarik Anga-aṅ nö lökten i mahāmre, kihngen nö lā-uk ök inkūp.