HEPRĀI 9:11 - TÖHET LĪPÖRE (Re-edited) Bible (BSI)

¹¹ Ngaich pöri Kristū nö yih, nö mākūö kūönṙô nup tölöök yamih, löktö el ngam tömötlö ṙôkö, taneungta inrē inrūkui, öt vahī kuntī, öt rēhĕn nö aṅ ngih tövīlöngö.

HEPRĀI 9:11 Referans Kwoze

2 KÒRIN 5:1

Pò hī akahalōn, yē ngam patī ngam alaha hī aṅ el tumlat nö payāiyi, ngaich patī-iv ayī-ö tö aṅ im Tēv, öt vahī kuntī nö patī, töt chanūhuvṙen, nö el halīöngö:

HEPRĀI 10:1

Pò ngam chöngö nöng nyat nup tölöök yamih, öt nup tökô-en takô nö insā; ötkô anū-ö nö holtö nup tökētuvö töt hĕnghang samyeūheu, nup kahëtö cha nö örheūheu, nö teungtentī tö yip yamih.

T. MĀKÖS 14:58

Hang ṙô Ò in īhö, nö ngö ṙô, Tiṙōlngö ngih töhet chūök Chin min, ngih vahī-il kuntī; ngaich höng lūöi sumkam tī Chu-ö min mānlö öp tahëng tötvahī kuntī.

1 YÔHAN 5:20

Akahalōn ayī-ö inrē, tö ngam Kūön ngam Tēv nö yih, ngaich nö kētö mikahlōn hī inrē, öi akahakūö töm kanô-en, im Kūön Ò Yēsū Kristū. Anga-aṅ ön ngòh tökô-en Tēv, Nômö inrē tö-örheūheu-aṅ.

HEPRĀI 2:17

Lökten e nö löök nö in Ò nö i tökeuheūttöre, nö vītu nö sā yip kisānöre, hòṅ Ò nö tö-aṙē-ĕlōn, tökô-en inrē nö mākūö kūönṙô nö lök i nup im Tēv, nö vītö inlāmö nup tökööl yip tarik.

INLAHEN 7:48

Rö-ö pöri ngam Lamātulöng nö iyöng el patī në vahī-il kuntī; sā ṙô ök pròfĕt.

2 YÔHAN 1:7

Pòn maṙôngö nö ngaich yik mahachīl, nö chuh ing panam, cha-a yik töt mahalööknyôre tö Yēsū Kristū nö yih nö tarik. Anga-aṅ ön ngòh mahachīl, töminyôiny Kristū inrē.

HEPRĀI 3:1

Töhet kahōlö, hamòl im invëkö aṅ el halīöngö lökten ngëichken ngam tanīnöṙô ngam mākūö kūönṙô, ṙinātö ellōn hī inrē, Ang Yēsū;

T. YÔHAN 4:25

Akahalōn chin, ngö ṙô ngam kikānö tö Ò, tö Mesayā min nö yih, Öp tö Kristū invëḵa; ve-eny nang ih Öp min tö taṙòhöre, yē Ò nö yih.

T. YÔHAN 1:14

Ngaich ngam Ṙô nö vīngöre nö tarik; ngaich iyöng in hī, tööḵlö tö hanāngenlōn kanô-en inrē. Ngaich meuk kanôlò Ò ayī-ö, sā kanôlò ngam töng hĕng maneuk kūön ngam Tēv.

Salmai 40:7

Ngaich ngö ṙô chū-ö, Yĕh meuk, yih chin: i mat ap līpöre ap kinūichngö chu.

HEPRĀI 7:1

Pò ngòh Melkisētĕk, rācha aṅ Sēlem, kūönṙô aṅ im Tēv Lāmātulöng, ngam hamöngkūö Aprahām tö invanö ò nö ṙā-ang i kinyūngö yik rācha, ngaich hakôlò ò,

Isayā 59:20

Ngaich yih min anga-aṅ nö i Sīyôn nö sā ṙamānyö, nö in cha yip mahavööngökūöre in Yāköp tö öt lanöökö ṙô ngam Mā Tēv.

HEPRĀI 4:15

Pò hī öt īnu tö mākūö kūönṙô, tö ngam töt hōḵ nö öt akahaiṙen nö lūölka tö öt kumlēḵen hī: tö ngaich pöri Anga-aṅ nö kalaha nö keuheūttöre lā-a löktö, nö sā hī, öt īnu pöri tö tökööl.

KÒLÒSĪ 2:11

In Ò yin yī-ö ngaich ṙòkhöre tunyīnyi, tö ngam tunnyinyngö töt vahīṙen kuntī, i ṙinòngngö ngam alaha i tunnyinyngö Kristū;

T. MËTIV 11:3

“Me-eṅ Öm yamih? Tahëngtöre taka ṙöng öp ahökkö ih?

T. MËTIV 2:6

Me-eṅ Petlihem, panam Yūtā; rö-ö man tökūönö öm i yip mahayöng, ap amahtö vē tarik Chu min, Israel?”

Ranehlö 49:10

Öt ṙāken Yūtā an min ngam tinkung minā-aṅ, öt rēhĕn ngam kinchīrö mahayöng nö ṙākö hôi kalröön ò hanöng saha Siloh nö yih; in ò min yip tarik nö hang chöngö ò.

MALAKI 3:1

Yĕh meuk, tīntö ma-ahānga chin, ngaich anga-aṅ min nö urĕh tö chu nö halēnkö talöökö; ngaich ngam Mā, ngam chahöh yīö, nöng lūk min nö yih nö el ngam töhet chūök ò; ngam ma-ahangkö ngam kinlēḵngô inrē, ngam chūök kumchiklōn inrē, ngam chūök kumchiklōn yīö, yĕh meuk, yih ana, ṙô ngam Mā Tēv yip tömaṙôngö.

YERIMIĀ 33:8

Ahetlen cha chin min ṙā-ang i nup fālen tökööl cha nö in chu, aṙēlö nup fālen tökööl cha chin min inrē ök inhôngen chu inrē.

2 KÒRIN 4:18

Rö-ö in ihö ngëichkö nup tö meūkö, tön nup töt meūkö nöng tö rahëichtaṙen: tö örheūheu pöri nup töt meūkö.

HEPRĀI 12:27

Ngaich ngih ṙô, Hĕngtöre heuh, tö ṙôtö kinëḵngö nup tö kiyīnö, nö sā u nö tö vītu, hòṅ u nöng ngöh nup töt kīyinka.

HEPRĀI 13:14

Tön rö-ö in ihih elpanāmu tö tököp, chöh öp el panam pöri ayī-ö öp yamih min.