HEPRĀI 9:10 - TÖHET LĪPÖRE (Re-edited) Bible (BSI)

¹⁰ Pòn höng (nya-aṅkūö, òk inrē, nup tö ṙōlkangen inrē sinöichö) töng me-el kahôiṙen nö inlaha, tö hachöngtuṙen hanöng saha ṙētak ngam inlööktit.

HEPRĀI 9:10 Referans Kwoze

KÒLÒSĪ 2:16

Uh yin lökten akaha tö tarik, i nyinā-aṅ, inôkö, hēk i tökiröng sakāmö, hēk salnūvö chingëṅt, hēk sinat sumkam:

EFISÖS 2:15

Keuheūtngö ngam kumnyah elmat im alaha, ngam fālen minë chöngö, aṅ im inchöngten; pòn hòṅ in re tī nö vī-il tö nët nö hĕng, tufömngöre tarik, ngaich halöök;

HEPRĀI 7:16

Ap tövīlöngö, öt sā ngam chöngö aṅ i chöngö tarik, sā ngam minhôiṅyö pöri, aṅ im töt manāngenvö nômö:

ISIKĪ-ĔL 4:14

Ngaich ngö ṙô chū-ö, Aōla Mā Tēv! Yĕh meuk, öt hĕng heuh chin chū-ö hachōichngöre löktökūö nyinī-öṅchu söl ing töngamu öich öthĕng heuh kūö kā tökapah hēk tökāpö tö töṙeūla, öt rēhĕn töng yô-òv alaha nö yihtöre nö elvāng chu.

I. CHÖNGÖ 23:11

Ane pöri, yĕn ngaich nö harap, vōköre ngaich anga-aṅ tö mak: ngaich sipti ngam tavūöi, yih ngaich anga-aṅ nö el ngam chūök kumyung.

LA-EN LĒVĪ 16:24

Vōk alaha re min anga-aṅ tö mak nö el ngam töhet chūök hayutlöre ngaich tö nup inyutre, ngaich kunyī-inyre, ngaich kētö töföngö tökētu tö ò, töföngö tökētu inrē kūö yip tarik, ngaich vī inlām tököölre anga-aṅ inlām tökööl yip tarik inrē.

HEPRĀI 10:22

Ta-a, töi ṙūöhtöre, holtö tökô-en ellōn, i inkahngen töm mikah; kichënyö nup ellōn hī, inhôngö nup tötlöök kui lōn; söichö inrē në alaha hī tö töhet mak.

HEPRĀI 9:1

Ngam raneh chöngö inrē nö hachöngtuṙen inlahen nö im vine-eṅkūötēv, ngaich ap töhet ël e nö töhet ngih panam.

HEPRĀI 6:5

Kalahlöngkūö nö ngaich tö ngam tölöök ṙô ngam ṙēti inrē yamih,

HEPRĀI 2:5

Pòn öt i ma-ahānga tī Anga-aṅ nö hakēhöt ngam yamih panam, ngam ṙô hī.

I. CHÖNGÖ 21:6

Ngaich ṙòkhöre yip mā ngam elpanam angū-ö, yip töröhta nö im töfëli tarik, nö söichngö tīre min nö lātulöng tī tö ngam tö lireūki likeun kun kōiny nuā nö el achāṙö:

LA-EN LĒVĪ 16:4

Hayutlöre min anga-aṅ töp töhet inyut öp linen, töp linen inrē töngënö kalröön pachūma hayutlöng min nö i alaha ò, nyëkö ṙat min anga-aṅ tö linen nyanëkṙat, hanyöötlöre inrē anga-aṅ töp linen sapīöv: töhet nun anū-ö nö hilā; hòṅ vōk alahare min anga-aṅ nö el mak ngaich hayutlöre tö u.

MANEUTNYI 40:12

Ngaich kēten Āròn më-eṅ tö yip kikōnyö kūön ò nö i kūö inkūp ngam rūkui inmūlö, ngaich söichö cha më-eṅ tö mak.

HEPRĀI 13:9

Uh yin hëmngö tökūö nup töṙōlkangen inköphöti: tön tölöök an yē ngam ellōn nö haköpi tö ngam inlōnti: röön lökten i nya-aṅkūö, ngam töt kanôluṙô tī tö cha yip lamök in e.

HEPRĀI 6:2

Inköptö vinôkö, ṙinātö eltī inrē, invanlö tökapah inrē, töt chanūhuvṙen kinṙôka inrē.

EFISÖS 1:10

I ṙinūöhnyö ngam sanööḵtökūö minë ṙētak, nö hamūllö nup taṙòkhöre in Kristū, nup el halīöngö, tö nup ing panam inrē, in Ò.

KALATĪ 4:9

Ngaich pöchö yin akahakūö tö ngam Tēv, hēk, akaha tö ngam Tēv, sitih öi hēk havantöre im töt kalēḵen tötkôlò öt mikah, ngam chūök lōn yīö hòṅ hakövö hēk?

T. MĀKÖS 7:4

Yih cha-a nö ṙā-ang chūök mi-inyih, ngaich öt nyā, yĕn öt söichöre. Pōiyen nup inrē tahëng tö haköpö tö cha, sinöichö el chūök òk, tanīöyö, neū-euṅ inrē.

LA-EN LĒVĪ 22:6

Kuvīö min öp tarik anga-aṅ lamūölkö tökuvīö nö söl harap, öt nyā nup töhet min anga-aṅ yĕn öl nö vōk alahare tö mak.

MANEUTNYI 29:4

Ngaich me-eṅ inrē min kēten Āròn tö yip kūön ò kikōnyö nö i kūö inkūp ngam rūkui inmūlö, ngaich söichö cha tö mak.

KINṘEŪKÖ 6:3

Haköhngenre min anga-aṅ tö vāin ane inrē tökalēḵ tö-ôkö; hö-ö min anga-aṅ nö òk töhikīölhu aṅ i vāin, hēk inrē töhikīölhu aṅ i tökalēḵ tö-ôkö, ötrēhĕn anga-aṅ min nö òk töhiyōihu aṅ i ṙòng vāin, öt nyā nup tufömngöre ṙòng vāin, hēk nup töhanyôṙö.

HEPRĀI 7:12

Pò ngam la-en kūönṙô nö haṙī-ingre, ngaich hòṅ haṙī-iyö ngam chöngö inrē.

LA-EN LĒVĪ 13:58

Ngaich öp hilā töhanyoh, kanpāt, hēk nup chehen töng aṅ i uk, nup tö söichö tö meh, yĕn chuhngöre öp invah nö ṙā-ang i mat u, ngaich hēk angū-ö nö söichi kuvīö min angū-ö.