HEPRĀI 8:9 - TÖHET LĪPÖRE (Re-edited) Bible (BSI)

⁹ Öt sā ngam kinlēḵngô vahī tö Chu ngaich i yik muvöh- ngö cha, Ik sakāmö hē Chu sarōk kël cha Öich hachōḵ- nyen cha ṙā-ang im panam Aikup, Pò cha nö iṙūöhen nö im chöngö Chu. Öt kūöngen chu-ö tö cha ngaich, ngö ṙô ngam Mā.

HEPRĀI 8:9 Referans Kwoze

YERIMIĀ 31:32

Öt sā ngam kinlēḵngô tī chu in yik yöng cha hē chu sarōk kël cha öich kēnyen cha ṙā-ang ip panam Aikup, ngam kinlēḵngô chu töfilāli tö cha, pòrô chū-ö öich pīhö cha, ṙô ngam Mā Tēv.

KALATĪ 4:24

Inchōḵoṙô an angū-ö, pò nā kikānö nö tö nët nö kinlēḵngô, hĕng tak ngam ṙāma-ang kui ngam rôngö Sīnai, kūön tö töhakövö, ang Hakār,

T. MĀKÖS 8:23

Ngaich sarōk kël öt tötmeuk Anga-aṅ; ngaich kēḵnyen ò nö la-uk ök tuhēt, Keuheūthëṙen Anga-aṅ nö köshöt elmat ò, ṙātö eltīre nö in ò; ngaich hatönan, nö ngö ṙô, Maheūṅku öm ngaich?

INLAHEN 13:11

Yĕh meuk man; i kui meh an ngam eltī ngam Mā Tēv; ngaich öt meuk ngam tavūöi me-eṅ min, rĕh rô-angen. Ngaich iṙūö suktöre kui anga-aṅ, tö pinṙeūmö, sinngūlö inrē; ngaich ṙēpkö holre anga-aṅ nö hòṅ sarōkö kël.

INLAHEN 9:8

Choholre ngaich Sôl, nö ṙā-ang el tumlat; ngaich hē ò nö milaklö matre, öt maheūṅkuvö anga-aṅ. Ngaich cha-a nö sarōk kël ò; ngaich kēten ò nö i Tāmöskös.

MALAKI 2:13

Ngaich hēk yī-ö la-evṙen tö e: hanyāti an ngam tahāklö ngam Mā Tēv tö makmat yīö, I pineūinyö, holtö saniklö unhômö, ngaich yī-ö öt ngöhöre chumkūöṙen im tökētu, öt rēhĕn öi kē-ĕ e eltī re holtö lanöökö kuilōn re.

AMŌS 5:22

Hôṅ, pòrô yin kētö töföngö tökētū in chu nyā-aṅ inrē töktētu, hö-ö chū-ö min hō-en u: öt rēhĕn min öich chumkūöṙen in nup inlāmö tökētu nup tö sangööṙö alaha töṙeūla aṅ in yīö.

ISIKĪ-ĔL 16:59

Hòṅ ngö ṙô an ngam Mā Tēv: Lök alaha meh chin min sā inlahen meh, öm öt chumkūöṙen tö ngam töchūöku kinlēḵngô linkölngö kinlēḵngô,

ISIKĪ-ĔL 16:8

Ngaich hē chu chööḵngen meh hēk ngëichken meh inrē, yĕh meuk ngaich me-eṅ sā ṙēti mī-i hanāgenlōn; ngaich chū-ö haṙīöngnyö ngam kinfanre in meh, ngaich kafanngö kūö ngam linchôyö meh: hòṅ kilēḵngôre chū-ö öich hāngen tö meh ngaich kēhötre ip kinlēḵngô in meh, ṙô ngam Mā Tēv, kētöre ngaich me-eṅ öm chū-ö chu.

Isayā 63:9

Kihngen anga-aṅ i nup kanihngen cha nö ṙòkhöre, hayööken cha inrē öp ma-ahānga in ò; i hanāngenlōn ò i miṙēlōn ò inrē anga-aṅ nö ṙānyen cha; chātlen cha anga-aṅ ngaich tayuklen cha löktö kūö nuk sakāmö hötṙeh.

Isayā 40:11

Sā yōm pököre ap min nö ha-aṅlö nup pököre, hamūl nup kūön pököre ap min nö el kël re, tayūkö u inrē nö el ranôṙö re, ṙēmen min inrē nö hachōkūö u nup tökūöṅnö kūön.

Sòlòmön 8:5

Achīö ap anga-aṅ yamih nö ṙā-ang el tönyaṅlnyi, harônhaka nö im hanāngenlōn? Kilanglen meh chin elkatòh ap chōn ēpöl. In e öp yöng meh kikānö nö halöiny kinyôḵnyen meh nö halöinyöre.

Salmai 105:43

Kēnyö yik tarik re Anga-aṅ nö ṙāmölōn: yik katöllö Ò inrē hol tö tinkökṙô re.

Salmai 78:57

Havöötö uk re pöri, öt kô-en nö sā yik yöng re: hakāni cha-a, sā kūö tö vaich linreny.

Salmai 77:20

Sā pököre yin vē tarik Meh, nö hachō-o tö Meh: nö eltī Môsös, nā Āròn.

NGAM LĪPÖRE YŌP 8:20

Yĕh meuk, öt sōḵo tarik an ngam Tēv töt fāluṙen, öt rēhĕn nö kē eltī töla-evṙen tö tötlöök.

I. CHÖNGÖ 29:25

Ngaich tarik min nö ngö ṙô, Pò cha nö ṙāngö ngam kinlēḵngô ngam Mā Tēv, ngam Tēv yik muvöhngö cha, ngam vahītö ò nö in cha hē ò nö kēnyen cha nö ṙā-ang panam Aikup:

I. CHÖNGÖ 29:12

Hòn meh kuhēthötre im kinlēḵngô ngam Tēv meh ngam Mā Tēv, im töchūöku kinlēḵngô ò inrē, vahī ngam Tēv ngam Mā Tēv meh nö in meh i ngih sakāmö:

I. CHÖNGÖ 29:1

Në nun ṙô ngam kinlēḵngô, ngam tinöölô Môsös tö ngam Mā Tēv nö in yik kūön Israĕl ip panam Mô-āp, nö hol ngam kinlēḵngô vahīlö ò nö in cha nö i Hōrep.

MANEUTNYI 34:10

Ngaich ngö ṙô anga-aṅ, Yĕh meuk, vītö kinlēḵngô chin hĕng: vītö pinngangkūö chin kūö më tarik meh nö ṙòkhöre, nup tö öl nö kēkaṙen nö i në panam nö ṙòkhöre, ötrēhĕn nö i në pumnāmö tarik: ngaich ṙòkhöre min yip tarik in meh nö meuk la-en ngam Mā Tēv min, pòn pinhë-eṅkūö öp tī Chu in meh.

Ranehlö 19:16

Hangihngenre pöri angā-aṅ, ngaich nak tarik nö kētö tīre nö i kël ò, i kël ök pīhö ò, i kël nak kikānö kūön ò inrē; aṙē-ĕlōn ngam Mā Tēv tö ò: ngaich kēnyen ò chā-a, ngaich lā-uk tī tö ò tök elpanam.

Isayā 41:13

Pò chu Mā Tēv öich Tēv meh ṙamapkö lahāmö meh, öich ngö ṙô tö meh, Um pa-ekūö; holṙen meh chin min.

INRĀMÖRE 4:16

Kahang tīre an ngam Mā Tēv nö pirātngen cha, hö-ö an min nö ngöhören chumkūöṙen tö cha; Öt hameuktu ineū-eu yip kūönṙô, öthanāngenvö in yip mā.

Isayā 51:18

Öt hĕng tak umuh mahachōḵkūö ò in yip kikōnyö kūön ò kayônyö ò; öt hĕng tak umuh kamëlö kël ò in yip kikōnyö haruklö ò kūön ò.

MANEUTNYI 32:8

Ka-eūyen yip nö kānngöre nö ṙā-ang el ngam talöökö hinôḵtö cha tö Chu; vī kun nuā yip tömiyëri, ngaich salāman, nö ngö ṙô, Ō Israĕl ngòh ön tēv, ngòh kamënyen meh ṙā-ang ap panam Aikup.

INLAHEN 7:36

Anga-aṅ ṙamānyen cha, tö kinheūṅtö tīre tö nuk pinngangkūö, minkangö inrē, i Aikup, el ap Mai Ētöm inrē, elinchōn inrē, fën anāi samyeūheu.