HEPRĀI 8:8 - TÖHET LĪPÖRE (Re-edited) Bible (BSI)

⁸ Pòn kôtökūö tö tövaich nö in cha, ngö ṙô Anga-aṅ, Yĕh meuk, ngö ṙô ngam Mā, yih nup sakāmö, vītö tu- fömngöre Chin kinlēḵngô i patī Israĕl, i patī Yūtā inrē;

HEPRĀI 8:8 Referans Kwoze

HEPRĀI 12:24

In Yēsū inrē ngam ma-ahôitöre nö im tufömngöre kinlēḵngô, im tö kichënyö inrē mahām, töngö-al huneū-euṙô tö Āpĕl.

YERIMIĀ 32:40

Vīten kinlēḵngô chin min in cha nö töt chanūhuvṙen, hòṅ chu öt havööngökūöre tö tölöök la-en in cha; kēhĕt ellōn cha chin min inrē tö pinhë-eṅkūö cha tö chu, hòṅ cha nö öt havööngökūöre tö chu.

HEPRĀI 9:15

Angū-ö an lökten Ò nö aṅ elṙat ngam tufömngöre kinlēḵngô, pòn hōtu ngam kinpaha nö ṙināngö nup tökööl me-elkatòh ngam raneh kinlēḵngô, hòṅ yip töhavëtu nö teūngen tö ngam kinlēḵngô ngam tö örheūheu amin.

2 KÒRIN 3:6

Ngam vamīten ih inrē töt hāṅten mameukṙen im tufömngöre kinlēḵngô; öt im kinūichö, im ma-alaha pöri: pò ngam kinūichö nö kapahatī, kētö nômö pöri ngam ma-alaha.

1 KÒRIN 11:25

Ngatī tī inrē Anga-aṅ tök kulah, tö kinheūṅten nyina-aṅ, nö ngö ṙô, Tufömngöre ön ngih aṅ ngih kulah kinlēḵngô i mahām chu. Ngatī tī pöichö, i tumheuh yīö ôkö e, inköpkö lōn yīö tö chu.

T. LŪKÖS 22:20

Ngati tī Anga-aṅ tök kulah, tö kinheūṅten nyinā-aṅ nö ngö ṙô, Ngih ön kulah tufömngöre kinlēḵngô nö i Mahām Chu, ngam tökitaktuvö töpòkūö yīö.

ISIKĪ-ĔL 37:26

Vītö öp kinlēḵngô lanāmö chū-ö min incha; tötchanūhuvṙen ap min nö kinlēḵngô nö in cha; ngaich chū-ö min hakôlò cha ṙūölö ṙôngö cha inrē, ellōn cha tī chin min asöklö öp töhet chūökre nöng örheūheu.

YERIMIĀ 31:38

Yĕh meuk, yih nup sakāmö ṙô ngam Mā Tēv hē ngam elpanam min nö mānlöngo nö chūök ngam Mā Tēv löktökūö im Hanānel ngam chūök chamônga söl im Inkūp i Sinkeukngö.

Isayā 55:3

Asītö elnang re yin, yihtöre inrē in chu; hangihtöre hòṅ ngam nômö yīö nö aṅ; hòṅ vīten ngam töt chanuhuvṙen kinlēḵngô chin in yīö, ngam kanöpö chu, ngam tökô-en hanāngenlōn chu inrē tö Tāvit.

T. MĀKÖS 14:24

Ngaich ngö ṙô Anga-aṅ tö cha, Mahām Chu ön ngih, tufömngöre kinlēḵngô, tökitaktu tö pòkūö tömaṙôngö.

YERIMIĀ 31:27

Yĕh meuk, yih nup sakāmö, ṙô ngam Mā Tēv, hē chu min teūichtö el patī Israel el patī Yūtā inrē tö kulöl tarik kulöl töṙeūla inrē.

YERIMIĀ 30:3

Yĕh meuk, pò nup sakāmö nö yih, ṙô ngam Mā Tēv hē chu min havantö nup kanôlò vē tarik chu, Israel Yūtā inrē, ṙô ngam Mā Tēv, ngaich chū-ö min havanten cha ip panam kahëtö chu nö in yik yöng cha, ngaich cha-a min nö kē-ĕ e nö amin re.

YERIMIĀ 23:7

Lökten yĕh meuk, yih nup sakāmö ṙô ngam Mā Tēv, hē tarik min nö öt ngöhören nö ngö ṙô, Sā ngam Mā Tēv nö tö-aṅ ngam kamënyö yip tarik chu Israel nö ṙā-ang ap panam Aikup.

YERIMIĀ 23:5

Yĕh meuk, yih nup sakāmö ṙô ngam Mā Tēv, hē chu min hachohlö öp tölöök Pak in Tāvit, ngaich sā rācha min anga-aṅ nö hayöng nö huveū-eutī inrē, kahôka min inrē im öt michūṙen kinṙôka lanöökö inrē im panam.

T. LŪKÖS 17:22

Ngaich ngö ṙô Anga-aṅ tö yik mahaköp, Yih nup min sakāmö, yē yīö min hòṅ hēngö maheuṅk tö nup sakāmö ngòh Kūön Tarik; ngaich rö-ö yī-ö min meūkö e.

T. MËTIV 26:28

Ṙòkhörekūö yin ôkö e; tön mahām Chu an nö kinlēḵngô, tö kitaktu töpòkūö tömaṙôngö, nö inṙē-ĕl tökööl.

I. CHÖNGÖ 29:14

Öt rēhĕn chin höng in meh öich vītö ngih kinlēḵngô ngih töchūöku inrē kinlēḵngô;

HEPRĀI 7:22

Lökten in e an nö ngaich Yēsū nö vītöre nö ṙënngen aṅ im tö ngö-aṅlö kinlēḵngô.

HEPRĀI 8:6

Ngaich pöri töngamuh anga-aṅ nö teūngen tö tömötlö lanöökö mineukṙen, pòn anga-aṅ inrē aṅ im töngö-aṅlö kinlēḵngô chanöh ellōn, ngam töhaköpi nö i minë tömötlö lanöökö kinlēḵngô

HEPRĀI 8:13

Angū-ö tufömngöre kinlēḵngô, ṙô Ò, nö ngaichtī nö vīngö ngam mu-urĕh nö köiny, ngam tö ngaich pöri nö köiny, hötṙeh inrē, nö ngaich nö chaṙēvi

T. LŪKÖS 5:38

Në tufömngöre pöri vāin asëhötvö nö ël tufömngöre uk; ngaich kö kôlò nyöre anū-ö.