HEPRĀI 8:4 - TÖHET LĪPÖRE (Re-edited) Bible (BSI)

⁴ Yĕn ing panam öre Anga-aṅ, ngaich rö-ö öre Anga-aṅ nö kūönṙô pòn yip umuh kamëtö nup inlōnti tö sā ngam chöngö;

HEPRĀI 8:4 Referans Kwoze

HEPRĀI 5:1

Pòn ṙòkhöre vē mākūö kūönṙô, nö ṙā-ang i tarik nö kē-ĕ, pòkūö tarik nö vīlöngö nö i nup aṅ im Tēv, pòn hōtu nö hĕnghöre kētö nup inlōnti, kūö tökööl, nup tökētu inrē;

KINṘEŪKÖ 18:5

Ngaich yī-ö min hayōm ngam töhet chūök, tö ngam tahāklö inrē: hòn öt hēk öp tanāinyö nö i kui yip kūön Israĕl.

KINṘEŪKÖ 16:40

Nö inköpkölōn yik kūön Israĕl, hòṅ yip aṅ tahëng, yip töt lamökngörit Āròn, nö öt haröhtöre nö föng lōpān nö i kūö ngam Mā Tēv; hòṅ ò nö öt sā Kōrah, tö yik hol inrē: sā ṙô ngam Mā Tēv nö vë-ekūö ò nö lökten in Môsös.

HEPRĀI 11:4

Lökten i ṙinātö ellōn ang Āpĕl nö kētö töngö-al lanöökö tökētu nö im Tēv, tö Kēn, öt löktö ök ineūkö ò nö tölöök, eūkö ngam tī ò tökētu inrē ngam Tēv: Ngaich lökten in e anga-aṅ nö pòrô nö kapah, sönen nö ṙô-òv.

HEPRĀI 7:27

Öt sā yik mākūö kūönṙô nö kētö nup tökētu, nö hòṅ öt hĕng hang sumkam, urĕh nö chööḵnyö tö nuk tökööl cha, ngaich möl nö chööḵnyö tö nuk tökööl yik tarik; höng hĕng heuh tī pöri Anga-aṅ tö chööḵnyö tö taṙòkhöre, hē Ò nö kēḵngöre.

HEPRĀI 8:3

Pòn kö vīlöngö vē mākūö kūönṙô nö hĕnghöre kētö inlōnti nup tökētu inrē: lökten ön ngòh mākūö kūönṙô inrē nö hòṅ kahëtuvö.

HEPRĀI 9:9

Ngam töng inchōḵoṙô ngih ing töngamuh, sā nuk tökētu hĕnghöre inlōnti inrē nö öt kô, nö teungten tī tö el kuilōn ngam samlām,

HEPRĀI 10:11

Öthĕng hang sumkam vē kūönṙô nö sökhaka nö meukṙen, ṙōlheuh tī inrē nö kētö nup töng hĕngren tökētuvö, nup töt kanô-òṅvö nö kēḵngö tökööl,