HEPRĀI 8:13 - TÖHET LĪPÖRE (Re-edited) Bible (BSI)

¹³ Angū-ö tufömngöre kinlēḵngô, ṙô Ò, nö ngaichtī nö vīngö ngam mu-urĕh nö köiny, ngam tö ngaich pöri nö köiny, hötṙeh inrē, nö ngaich nö chaṙēvi

HEPRĀI 8:13 Referans Kwoze

2 KÒRIN 5:17

Lökten, yĕn tarīkuvö; mī-in Kristū, tufömngöre anga-aṅ: ṙòkhöre nuk höteh nö ngaichngen; yĕh meuk vītöre nun nö tumfömngöre.

HEPRĀI 9:15

Angū-ö an lökten Ò nö aṅ elṙat ngam tufömngöre kinlēḵngô, pòn hōtu ngam kinpaha nö ṙināngö nup tökööl me-elkatòh ngam raneh kinlēḵngô, hòṅ yip töhavëtu nö teūngen tö ngam kinlēḵngô ngam tö örheūheu amin.

1 KÒRIN 13:8

Öt chanūhuvṙen an ngam hanāngenlōn. Chuhngöre pöri min në minkahten; ṙāngöre në ëlô; chuhngöre min ngam inkaha.

Isayā 51:6

Môklökūöre yin i minë halīöngö, ngëichkö ngam tumlat lātaṙeū; tön sā lul nun min minë halīöngö nö chaṙēviṙen, ngam tumlat min nö sā hanūönyngö hilā, ngaich cha-a yip mī-iyöng in e min nö kapah sā ṙūöitöhòk; öt chanūhuvṙen pöri ngam inyööken aṅ in chu, ngam ṙinānyö inrē aṅ in chu höng öt keuheūtaṙen.

T. MËTIV 24:35

Chuhngöre ngam halīöngö, ngih panam inrē; öt chanuhuvṙen pöri në ṙô Chu.

T. LŪKÖS 22:20

Ngati tī Anga-aṅ tök kulah, tö kinheūṅten nyinā-aṅ nö ngö ṙô, Ngih ön kulah tufömngöre kinlēḵngô nö i Mahām Chu, ngam tökitaktuvö töpòkūö yīö.

2 KÒRIN 3:6

Ngam vamīten ih inrē töt hāṅten mameukṙen im tufömngöre kinlēḵngô; öt im kinūichö, im ma-alaha pöri: pò ngam kinūichö nö kapahatī, kētö nômö pöri ngam ma-alaha.

HEPRĀI 1:11

Chuh nun min anū-ö;

HEPRĀI 7:22

Lökten in e an nö ngaich Yēsū nö vītöre nö ṙënngen aṅ im tö ngö-aṅlö kinlēḵngô.

HEPRĀI 8:6

Ngaich pöri töngamuh anga-aṅ nö teūngen tö tömötlö lanöökö mineukṙen, pòn anga-aṅ inrē aṅ im töngö-aṅlö kinlēḵngô chanöh ellōn, ngam töhaköpi nö i minë tömötlö lanöökö kinlēḵngô

HEPRĀI 8:8

Pòn kôtökūö tö tövaich nö in cha, ngö ṙô Anga-aṅ, Yĕh meuk, ngö ṙô ngam Mā, yih nup sakāmö, vītö tu- fömngöre Chin kinlēḵngô i patī Israĕl, i patī Yūtā inrē;

HEPRĀI 12:24

In Yēsū inrē ngam ma-ahôitöre nö im tufömngöre kinlēḵngô, im tö kichënyö inrē mahām, töngö-al huneū-euṙô tö Āpĕl.